Month: July 2024

ബെംഗളൂരു: കോളേജിലെ സുരക്ഷാ ജീവനക്കാരനെ വിദ്യാർഥി കുത്തിക്കൊന്നതുമായി ബന്ധപ്പെട്ട് കൂടുതൽ വിവരങ്ങൾ പുറത്ത്. ബെംഗളൂരു കെംപാപുര സിന്ധി കോളേജിലാണ് സംഭവം. മദ്യപിച്ചെത്തിയതിന്റെ പേരില്‍ കോളേജില്‍ പ്രവേശിപ്പിക്കാതിരുന്നതിനാണ് വിദ്യാർഥി സുരക്ഷാജീവനക്കാരനെ കൊലപ്പെടുത്തിയത്. സിന്ധി കോളേജിലെ സുരക്ഷാജീവനക്കാരനായ ബിഹാർ സ്വദേശി ജയ് കിഷോർ റായ്(52) ആണ് കൊല്ലപ്പെട്ടത്. കോളേജിലെ മൂന്നാംവർഷ ബി.എ. വിദ്യാർഥിയായ ഭാർഗവ് ജ്യോതി ബർമൻ(22) ആണ് സുരക്ഷാജീവനക്കാരനെ കത്തി ഉപയോഗിച്ച്‌ കുത്തിക്കൊന്നത്. ഇയാളെ പോലീസ് അറസ്റ്റ് ചെയ്തു. ബുധനാഴ്ച ഉച്ചയോടെയായിരുന്നു ദാരുണമായ സംഭവം. കോളേജിലെ വാർഷികാഘോഷത്തില്‍ പങ്കെടുക്കാനായി ഭാർഗവും കൂട്ടുകാരും എത്തിയപ്പോള്‍ സുരക്ഷാജീവനക്കാരനായ ജയ്…

ബെംഗളൂരു: കൊലപാതകക്കേസിൽ അഴിക്കുള്ളിലായ കന്നഡ നടൻ ദർശനോടുള്ള ആരാധന മൂത്ത് ജയിലിലെ നടന്റെ വേഷത്തിൽ കുഞ്ഞിന്റെ ഫോട്ടോഷൂട്ട്. പരപ്പന അഗ്രഹാര സെൻട്രൽ ജയിലിലെ ദർശന്റെ നമ്പറായ 6016 എന്ന നമ്പറിലാണ് മൈസൂരുവിലെ ബന്നൂർ സ്വദേശിയായ ധനുഷ് എന്ന ആരാധകൻ തന്റെ കാർ രജിസ്റ്റർ ചെയ്തത്. ഇപ്പോഴിതാ ദർശനോടുള്ള ആരാധന മൂത്ത് ജയിൽ യൂണിഫോമിൽ തന്റെ കൈക്കുഞ്ഞിന്റെ ഫോട്ടോഷൂട്ട് നടത്തിയിരിക്കുകയാണ് മറ്റൊരു ആരാധകൻ. ദർശന്റെ ജയിൽ നമ്പർ എഴുതിയ യൂണിഫോമാണ് ആരാധകൻ കുഞ്ഞിനെ ധരിപ്പിച്ചത്. കുഞ്ഞ് കിടക്കുന്നതിന് തൊട്ടടുത്തായി വിലങ്ങിന്റേയും ജയിൽ നമ്പറിന്റേയും മാതൃകയുമുണ്ട്. ഈ…

ബെംഗളൂരു: 12 ലക്ഷം രൂപയുടെ ലഹരി മരുന്നുമായി 2 നൈജീരിയൻ പൗരൻമാരെ സിസിബി അറസ്റ്റ് ചെയ്തു. ഇമ്മാനുവൽ, സിറിൽ കോഫി എന്നിവരാണ് ലഹരി വില്പനക്കിടെ പിടിയിലായത്. എംഡിഎംഎ ഗുളികകൾ, കൊക്കെയ്ൻ ഉൾപ്പെടെ ഇവരിൽ നിന്ന് പിടിച്ചെടുത്തു. മറ്റ് സംസ്ഥാനങ്ങളിൽ നിന്ന് ലഹരി മരുന്ന് നഗരത്തിൽ എത്തിച്ച് വില്പന നടത്തി വരുന്നവരാണ് പ്രതികൾ.

ബെംഗളൂരു : കർണാടക ആർ.ടി.സി. അന്തഃസംസ്ഥാന പ്രീമിയം ക്ലാസ് ബസുകളിൽ 10 ശതമാനം ടിക്കറ്റ് നിരക്ക് കുറച്ചു. ഇതോടെ, കേരളത്തിലേക്കുള്ള കർണാടക ആർ.ടി.സി.യുടെ ഭൂരിഭാഗം ബസുകളിലും നിരക്ക് 100 മുതൽ 150 വരെ രൂപ കുറയും. ബുധനാഴ്ച നിരക്കിളവ് പ്രാബല്യത്തിലായി. ഐരാവത്, ഐരാവത് ക്ലബ്ബ്‌ ക്ലാസ്, അംബാരി ഉത്സവ്, അംബാരി ഡ്രീം ക്ലാസ്, കൊറോണ എ.സി. സ്ലീപ്പർ എന്നീ ബസുകളിലാണ് നിരക്ക് കുറഞ്ഞത്. രാജഹംസ, സാരിഗെ, പല്ലക്കി ബസുകളിൽ നിരക്ക് കുറയില്ല. അംബാരി ഉത്സവ് ബസുകൾ എറണാകുളം, തൃശ്ശൂർ എന്നിവിടങ്ങളിലേക്കാണ് സർവീസുള്ളത്. അംബാരി ഡ്രീം…

ബെംഗളൂരു : കർണാടകത്തിൽ പുതിയ സ്വകാര്യ സർവകലാശാലകൾക്ക് അനുമതി നൽകേണ്ടെന്ന് സർക്കാർ തീരുമാനിച്ചു. ഉന്നതവിദ്യാഭ്യാസ സ്ഥാപനങ്ങൾ അയച്ച പത്ത് അപേക്ഷകൾ സംസ്ഥാന ഉന്നതവിദ്യാഭ്യാസ കൗൺസിലിൽ അംഗീകാരത്തിനായി കിടപ്പുണ്ട്. എന്നാൽ, മുഖ്യമന്ത്രി സിദ്ധരാമയ്യയുടെ നിർദേശത്തെത്തുടർന്ന് അപേക്ഷ പരിഗണിക്കേണ്ടെന്ന് തീരുമാനിച്ചതായി ഉന്നതവിദ്യാഭ്യാസ വകുപ്പ് മന്ത്രി ഡോ. എം.സി. സുധാകർ പറഞ്ഞു. സ്വകാര്യ സർവകലാശാലകൾ കൂടിവരുന്നത് നിർധനരായ വിദ്യാർഥികളോടുള്ള അനീതിയാണെന്നും അതിനാലാണ് അനുമതി കൊടുക്കേണ്ടെന്ന് മുഖ്യമന്ത്രി നിർദേശിച്ചതെന്നും സുധാകർ വ്യക്തമാക്കി. നിലവിൽ കർണാടകത്തിൽ 27 സ്വകാര്യ സർവകലാശാലകളുണ്ട്. ഇതിൽ ഭൂരിഭാഗവും ബി.ജെ.പി.-ജെ.ഡി.എസ്. സഖ്യസർക്കാരിന്റെ കാലത്ത് അനുമതി നൽകിയതാണ്.

ബെംഗളൂരു : പാർട്ടിപ്രവർത്തകരെ പ്രകൃതിവിരുദ്ധ പീഡനത്തിനിരയാക്കിയെന്ന കേസിൽ അറസ്റ്റിലായ ജെ.ഡി.എസ്. എം.എൽ.സി. സൂരജ് രേവണ്ണയെ ജൂലായ് 18 വരെ ജുഡീഷ്യൽ കസ്റ്റഡിയിൽ റിമാൻഡ് ചെയ്തു. തുടർന്ന് ഇയാളെ പരപ്പന അഗ്രഹാര സെൻട്രൽ ജയിലിലേക്ക് മാറ്റി. ബെംഗളൂരു 42-ാം അഡീഷണൽ ചീഫ് മെട്രോപൊളിറ്റൻ മജിസ്‌ട്രേറ്റ്‌ കോടതിയുടേതാണ് നടപടി. പോലീസ് കസ്റ്റഡി അവസാനിച്ച ബുധനാഴ്ച സൂരജിനെ പോലീസ് കോടതിയിൽ ഹാജരാക്കുകയായിരുന്നു. അർക്കൽഗുഡ് സ്വദേശിയായ ജെ.ഡി.എസ്. പ്രവർത്തകൻ നൽകിയ പരാതിയിൽ സുരജിനെ കഴിഞ്ഞ 23-നാണ് പോലീസ് അറസ്റ്റുചെയ്തത്. ജോലി ലഭിക്കാൻ സഹായമാവശ്യപ്പെട്ട് ചെന്നപ്പോൾ സൂരജ് ഫാംഹൗസിൽവെച്ച് പ്രകൃതിവിരുദ്ധ പീഡനത്തിനിരയാക്കിയെന്നാണ്…