കൊച്ചി: ലോക്സഭ തെരഞ്ഞെടുപ്പ് അടുത്തതോടെ സ്ഥാനാര്ത്ഥികളെ കണ്ടെത്താനുള്ള തിരക്കിലാണ് രാഷ്ട്രീയപാര്ട്ടികള്.
കഴിയുന്നത്ര സീറ്റുകളില് കരുത്തരായ സ്ഥാനാര്ത്ഥികളെ നിര്ത്തി വിജയിപ്പിക്കണമെന്നാണ് തിരുവനന്തപുരത്ത് നടന്ന സിപിഎം കേന്ദ്രക്കമ്മിറ്റി യോഗത്തില് ധാരണയായത്.
ഇതു പ്രകാരം എറണാകുളം, തൃശൂര് ജില്ലകളിലായി വ്യാപിച്ചു കിടക്കുന്ന ചാലക്കുടി മണ്ഡലം തിരികെ പിടിക്കാന് കരുത്തരെ തേടുകയാണ് പാര്ട്ടി.
ചാലക്കുടിയില് സിനിമാ താരം മഞ്ജു വാര്യരെ സ്ഥാനാര്ത്ഥിയാക്കാന് സിപിഎമ്മില് ആലോചനകളുള്ളതായാണ് പ്രമുഖ മാധ്യമങ്ങൾ റിപ്പോര്ട്ട് ചെയ്യുന്നത്.
നേരത്തെ സിനിമാനടന് ഇന്നസെന്റിനെ മത്സരിപ്പിച്ച് സിപിഎം ചാലക്കുടി മണ്ഡലത്തില് വിജയിച്ചിട്ടുണ്ട്. കോണ്ഗ്രസിന്റെ മുതിര്ന്ന നേതാവ് ബെന്നി ബഹനാന് ആണ് നിലവില് ചാലക്കുടിയുടെ എംപി.
2014 ല് അപ്രതീക്ഷിതമായി ഇന്നസെന്റ് സ്ഥാനാര്ത്ഥിയായതുപോലെ, അവസാന നിമിഷം മഞ്ജു വാര്യര് സ്ഥാനാര്ത്ഥിയാകുമെന്നാണ് പാര്ട്ടി നേതാക്കള് പ്രതീക്ഷ പുലര്ത്തുന്നത്.
സ്ഥാനാര്ത്ഥിക്കായുള്ള ചര്ച്ചകള് തുടങ്ങിയെന്നും, ഈ ഘട്ടത്തില് മഞ്ജു വാര്യര് അടക്കം ഒരു പേരും തള്ളിക്കളയുന്നില്ലെന്നും എല്ഡിഎഫ് കണ്വീനര് ജോര്ജ് ഇടപ്പരത്തി സൂചിപ്പിച്ചു.
സിപിഎം സംസ്ഥാന കമ്മിറ്റിയാകും അന്തിമ തീരുമാനമെടുക്കുകയെന്നും അദ്ദേഹം പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
