Month: June 2024

ബെംഗളൂരു : കുടകിലെ ഗോണിക്കുപ്പയിൽ കാലപ്പഴക്കംചെന്ന ഹോട്ടൽക്കെട്ടിടം തകർന്ന് അഞ്ചുപേർക്ക് പരിക്കേറ്റു. മൈസൂരു-കണ്ണൂർ റൂട്ടിൽ ഗോണിക്കുപ്പ ടൗണിലുള്ള അമ്പൂർ ബിരിയാണി ഹൗസ് എന്ന ഹോട്ടൽ പ്രവർത്തിക്കുന്ന രണ്ടുനില കെട്ടിടമാണ് തകർന്നത്. വ്യാഴാഴ്ച ഉച്ചകഴിഞ്ഞ് രണ്ടരയോടെയായിരുന്നു സംഭവം. ഹോട്ടൽ ഉടമ തിരുമുരുഗൻ (60), ഭാര്യ അലമേലമ്മ (46), മകൻ നാരായണ (24), തൊഴിലാളി മഹാലിംഗ (25), ഭക്ഷണം കഴിക്കാനെത്തിയ മധു (35) എന്നിവർക്കാണ് പരിക്കേറ്റത്. കെട്ടിടാവശിഷ്ടങ്ങൾക്കുള്ളിൽ കുടുങ്ങിയ മൂന്നുപേരെ ആദ്യം നാട്ടുകാർ രക്ഷപ്പെടുത്തി ഗോണിക്കുപ്പ സർക്കാർ ആശുപത്രിയിലെത്തിച്ചു. പിന്നീട് പോലീസും അഗ്നിരക്ഷാസേനയുമെത്തി കെട്ടിടാവശിഷ്ടങ്ങൾക്കിടയിൽ കുടുങ്ങിക്കിടന്ന രണ്ടുപേരെക്കൂടി…

ബെംഗളൂരു: കാറ്റിൽനിന്ന് വൈദ്യുതി ഉത്പാദിപ്പിക്കുന്ന പദ്ധതികളിൽ കഴിഞ്ഞ സാമ്പത്തികവർഷം കർണാടകം രാജ്യത്ത് രണ്ടാം സ്ഥാനത്തെത്തി. 724.66 മെഗാവാട്ട് വൈദ്യുതി ഉത്പാദിപ്പിക്കാൻ ശേഷിയുള്ള പദ്ധതികൾക്കാണ് 2023-24 വർഷം തുടക്കമിട്ടത്. ഗുജറാത്താണ് ഒന്നാംസ്ഥാനത്ത്. 1743.8 മെഗാവാട്ട് വൈദ്യതി ഉത്പാദിപ്പിക്കാനുള്ള പദ്ധതികളാണ് അവിടെ തുടങ്ങിയത്. 586.37 മെഗാവാട്ട് വൈദ്യുതിയുടെ പദ്ധതികളുമായി തമിഴ്‌നാടാണ് മൂന്നാംസ്ഥാനത്ത്. ഡൽഹിയിൽ നടന്ന ഗ്ലോബൽ വിൻഡ് ഡേ ആഘോഷത്തിൽ കർണാടകത്തെ അഭിനന്ദിച്ചു. കർണാടകത്തിനുള്ള പുരസ്കാരം കേന്ദ്ര ഊർജവകുപ്പു മന്ത്രി ശ്രീപാദ് യെശ്ശോ നായികിൽനിന്നും കർണാടക റിന്യൂവബിൾ എനർജി ഡിവലപ്‌മെന്റ് ലിമിറ്റഡ് മാനേജിങ് ഡയറക്ടർ കെ.പി.രുദ്രപ്പ ഏറ്റുവാങ്ങി.

ബെംഗളൂരു: സ്ത്രീധനം ആവശ്യപ്പെട്ട് യുവതിയുടെ വീട്ടിൽ എത്തി യുവാവിന്റെ അക്രമം. ഇരുവരുടെയും വിവാഹം കഴിഞ്ഞിട്ട് എട്ട് മാസം കഴിഞ്ഞു. വീട്ടിൽ നിന്ന് പണം കൊണ്ടുവരാൻ ഭർത്താവ് ഭാര്യയോട് നിരന്തരമായി ആവശ്യപ്പെട്ട് പീഡിപ്പിക്കുകയായിരുന്നു. പീഡനം സഹിക്ക വയ്യാതെ യുവതി സ്വന്തം വീട്ടിൽ അഭയം തേടി. ഈ സാഹചര്യത്തിൽ കഴിഞ്ഞ ദിവസം രാത്രി ഭാര്യയുടെ വീട്ടിൽ എത്തിയ ഭർത്താവ് രണ്ട് ബൈക്കുകൾ പെട്രോൾ ഒഴിച്ച് കത്തിക്കുകയും ഭാര്യ മാതാവിന്റെ കൈയും ഒടിക്കുകയും ചെയ്തു. പോലീസിൽ പരാതി നൽകിയിട്ടും പ്രയോജനമില്ലെന്ന് കുടുംബം ആരോപിച്ചു. ചാമരാജനഗറിൽ ആണ് സംഭവം.

ബെംഗളൂരു : സ്കൂൾ ബസുകൾക്ക് പുതിയ മാർഗനിർദേശവുമായി സർക്കാർ. വാഹന ഉടമകളും ഡ്രൈവർമാരും വാഹനം സ്‌കൂൾ ക്യാബ് ആയി രജിസ്റ്റർചെയ്യണമെന്നാണ് നിർദേശം. ഇതിനായി സ്‌കൂൾ മേധാവയിൽനിന്നോ രക്ഷിതാവിൽനിന്നോ ആവശ്യമായ വിവരങ്ങൾ വിശദീകരിക്കുന്ന കത്ത് വാങ്ങണം. വാഹനം സ്‌കൂൾ ക്യാബ് ആക്കി മാറ്റുന്നതിന് ഈ കത്ത് രജിസ്റ്ററിങ് അതോറിറ്റിക്ക് സമർപ്പിക്കണമെന്നും നിർദേശിച്ചു. സ്കൂൾ ഗതാഗത സേവനങ്ങളുടെ സുരക്ഷയും നിയന്ത്രണവും വർധിപ്പിക്കാൻ ലക്ഷ്യമിട്ടാണ് നടപടിയെന്ന് സർക്കാർ വ്യക്തമാക്കി.