Month: February 2024

ബെംഗളൂരു : സന്ദർശകരുടെ ‘നല്ലനടപ്പ്’ ഉറപ്പുവരുത്താൻ ലാൽ ബാഗിൽ 104 സി.സി.ടി.വി. ക്യാമറകൾ സ്ഥാപിച്ച് ഹോർട്ടികൾച്ചറൽ വകുപ്പ്. കുടുംബമായെത്തുന്ന സന്ദർശകരുടെപരാതിയെത്തുടർന്നാണ് ക്യാമറകൾ സ്ഥാപിച്ചിരിക്കുന്നതെന്നാണ് അധികൃതരുടെ വിശദീകരണം. സുരക്ഷാ ജീവനക്കാരും സന്ദർശകരുമായുള്ള തർക്കങ്ങൾ ഒഴിവാക്കാനും ക്യാമറ സ്ഥാപിക്കുന്നതിലൂടെ കഴിയുമെന്ന് അധികൃതർ ചൂണ്ടിക്കാട്ടുന്നു. നിലവിൽ പാർക്കിനുള്ളിൽ സുരക്ഷാജീവനക്കാരുടെ പട്രോളിങ്ങുണ്ട്. ഇതിനുപിന്നാലെയാണ് ക്യാമറകൾ സ്ഥാപിക്കുന്നത്. നേരത്തേ കബൺപാർക്കിലും സമാനമായ രീതിയിൽ ക്യാമറകൾ സ്ഥാപിച്ചിരുന്നു. വ്യാപക വിമർശനങ്ങളുയർന്നതോടെ മോഷ്ടാക്കളിൽ നിന്ന് സുരക്ഷയൊരുക്കുന്നതിനുവേണ്ടിയാണ് ക്യാമറ സ്ഥാപിച്ചതെന്നായിരുന്നു ഉദ്യോഗസ്ഥർ വിശദീകരിച്ചിരുന്നത്. കുട്ടികളുമായി പാർക്കിലേക്ക് പോകാൻ കഴിയാത്ത സാഹചര്യം സി.സി.ടി.വി. ക്യാമറകൾ സ്ഥാപിക്കുന്നതോടെ ഇല്ലാതാകുമെന്ന്…

ബെംഗളൂരു : സാമൂഹികക്ഷേമവകുപ്പിന്റെ നേതൃത്വത്തിൽ നടന്നുവരുന്ന ഭരണഘടനാബോധവത്കരണ പരിപാടി ഞായറാഴ്ച പാലസ് ഗ്രൗണ്ടിൽ നടക്കും. ഉച്ചയ്ക്ക് 1.30 മുതൽ നടക്കുന്ന സമ്മേളനത്തിൽ മുഖ്യമന്ത്രിയും മന്ത്രിമാരും ഭരണഘടനാ വിദഗ്ധരുമുൾപ്പെടെയുള്ളവർ പങ്കെടുക്കും. രാവിലെ 9.30 മുതൽ നഗരത്തിൽ ഗതാഗത നിയന്ത്രണവുമേർപ്പെടുത്തിയിട്ടുണ്ട്. നഗരത്തിലെ വിവിധഭാഗങ്ങളിൽനിന്ന് പാലസ് ഗ്രൗണ്ടിലേക്ക് പോകുന്നവർ മൈസൂരുബാങ്ക് സർക്കിൾവഴി വസന്ത്‌നഗർ അടിപ്പാതയിലൂടെ പോകണം. എം.വി. ജയറാം റോഡ് ഭാഗത്തേക്ക് പോകുന്നവർ പാലസ് റോഡ് ജങ്ഷനിൽനിന്ന് ബി.ഡി.എ. ജങ്ഷൻവഴി ചക്രവർത്തി ലേഔട്ടിലേക്ക് കടന്ന് യാത്രതുടരണം. ബെല്ലാരി റോഡിൽ നിന്ന് കണ്ണിങ്ങാം റോഡിലേക്ക് പോകുന്നവർ എൽ.ആർ.ഡി. ജങ്ഷൻ വഴിപോകണം.…