September 2023 – Page 26 – BengaluruVartha

സ്വകാര്യ ബസ് ഇടിച്ച്‌ ബൈക്ക് യാത്രക്കാരൻ മരിച്ചു

September 16, 2023 Arya

ബെംഗളൂരു: നന്ദികൂര്‍-മൂഡരങ്ങാടി ജങ്ഷനില്‍ സ്വകാര്യ ബസ് ഇടിച്ച്‌ ബൈക്ക് യാത്രക്കാരൻ മരിച്ചു. യൂട്യൂബ് ബ്ലോഗറും കാര്‍ക്കള അജേക്കര്‍ സ്വദേശിയുമായ അശ്വിത് ഷെട്ടി അജേക്കര്‍ (34) ആണ് കൊല്ലപ്പെട്ടത്. മംഗളൂരുവിലേക്ക് വരുകയായിരുന്ന അശ്വിത് സഞ്ചരിച്ച ബൈക്കില്‍ കാര്‍ക്കളയിലേക്കു പോവുകയായിരുന്ന ബസ് ഇടിക്കുകയായിരുന്നു. സാരമായി പരിക്കേറ്റ യുവാവിനെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. പടുബിദ്രി പോലീസ് കേസെടുത്ത് അന്വേഷണം ആരംഭിച്ചു.

നടി അനുശ്രീ സഞ്ചരിച്ചിരുന്ന വാഹനം ഇടിച്ച് രണ്ടുപേർക്ക് പരിക്ക്

September 16, 2023 News Team

നടി അനുശ്രീ സഞ്ചരിച്ചിരുന്ന വാഹനം അപകടത്തിപ്പെട്ടു. കാർ ബൈക്കുമായി കൂട്ടിയിടിച്ച് രണ്ടു പേർക്ക് പരിക്കേറ്റു. ഇടുക്കി മുല്ലറിക്കുടിയിലാണ് അപകടം ഉണ്ടായത്. അപകടത്തിൽ പരിക്കേറ്റ ജിഷ്ണു, വിഷ്ണു എന്നിവരെ ആശുപതിയിലേക്ക് മാറ്റി. നെടുംകണ്ടത്ത് ഒരു സ്വകാര്യ സ്ഥാപനത്തിന്റെ ഉദ്‌ഘാടനത്തിനു ശേഷം മടങ്ങുകയായിരുന്നു അനുശ്രീ. നെടുങ്കണ്ടത്തിന് സമീപം കൈലാസത്തിനും മുള്ളരികുടിയ്ക്കും ഇടയിൽ വെച്ച് അനുശ്രീ സഞ്ചരിച്ച വാഹനം യുവാക്കൾ സഞ്ചരിച്ച ബൈക്കുമായി കൂട്ടി ഇടിയ്ക്കുകയായിരുന്നു.

പീഡന പരാതിയിൽ നടൻ ഷിയാസ് കരീമിനെതിരെ കേസ്

September 16, 2023 Arya

കാസർകോട്: മോഡലും അഭിനേതാവുമായ ഷിയാസ് കരീമിനെതിരെ പീഡന പരാതിയിൽ പോലീസ് കേസ്. വിവാഹ വാഗ്ദാനം നൽകി പീഡിപ്പിച്ചുവെന്ന യുവതിയുടെ പരാതിയിൽ കാസർഗോഡ് ചന്തേര പോലീസ് കേസെടുത്തു. പോലീസ് യുവതിയുടെ മൊഴി രേഖപ്പെടുത്തി. വർഷങ്ങളായി എറണാകുളത്ത് ജിമ്മിൽ ട്രെയിറായ യുവതി നടനുമായി പരിചയപെടുകയും പിന്നീട് വിവാഹ വാഗ്ദാനം നൽകി ഹോട്ടലിൽ വെച്ച് പീഡിപ്പിക്കുകയും ആയിരുന്നെന്ന് യുവതിയുടെ പരാതിയിൽ പറയുന്നു.11 ലക്ഷത്തോളം രൂപ ഇയാൾ യുവതിയിൽ നിന്ന് തട്ടിയെടുത്തതായും പരാതിയുണ്ട്.കേസിന്റെ മറ്റ് വിശദാംശങ്ങൾ പുറത്ത് വന്നിട്ടില്ല. റിയാലിറ്റി ഷോയിലൂടെ മലയാളി പ്രേക്ഷകരുടെ ഇടയിൽ ശ്രദ്ധേയനായ ഷിയാസ് മിനിസ്‌ക്രീനിലു…

ട്രാഫിക് പോലീസ് ഉദ്യോഗസ്ഥൻ വാടകവീട്ടിൽ തൂങ്ങിമരിച്ച നിലയിൽ

September 16, 2023 Arya

ബെംഗളൂരു: മംഗളൂരുവിലെ ട്രാഫിക് പോലീസ് ഉദ്യോഗസ്ഥനെ വാടകവീട്ടിൽ തൂങ്ങിമരിച്ച നിലയിൽ കണ്ടെത്തി. ഗടകിലെ വീരണ്ണയുടെ മകൻ മഹേഷ് സവദത്തിനെയാണ് വ്യാഴാഴ്ച വൈകിട്ട് വീട്ടിൽ തൂങ്ങിമരിച്ച നിലയിൽ കണ്ടെത്തിയത്.

വിദ്യാർത്ഥികളെക്കൊണ്ട് ശൗചാലയം വൃത്തിയാക്കിച്ച അധ്യാപകൻ അറസ്റ്റിൽ

September 16, 2023 Arya

ചെന്നൈ: ഭിന്നശേഷിക്കാരായ ദളിത് വിദ്യാർഥികളെക്കൊണ്ട് സ്കൂളിലെ ശൗചാലയം വൃത്തിയാക്കിച്ച അധ്യാപകൻ അറസ്റ്റിൽ. വിരുദുനഗർ ജില്ലയിലെ ശിവകാശിക്കുസമീപം സച്ചിയാപുരത്തുള്ള സി.എസ്.ഐ. സ്കൂൾ ഫോർ ഇന്റലക്‌വാലി ഡിസേബിൾ സ്‌കൂളിലെ അധ്യാപകൻ ഇമ്മാനുവലാണ് അറസ്റ്റിലായത്. മാനസികവെല്ലുവിളി നേരിടുന്ന വിദ്യാർത്ഥികളെ പഠിപ്പിക്കുന്ന ഈ സ്കൂളിലെ മൂന്ന് ദളിത് വിദ്യാർത്ഥികളെക്കൊണ്ടാണ് ഇയാൾ ശൗചാലയം വൃത്തിയാക്കിയത്. സംഭവത്തിന്റെ വീഡിയോ സാമൂഹിക മാധ്യമങ്ങളിലൂടെ പ്രചരിക്കുകയായിരുന്നു. അഞ്ച്, ആറ്, എട്ട് ക്ലാസുകളിലെ വിദ്യാർത്ഥികൾ ശൗചാലയം വൃത്തിയാക്കുന്ന വീഡിയോ അധ്യാപകൻ തന്നെ ചിത്രീകരിക്കുകയായിരുന്നു. പിന്നീട് ഇയാൾതന്നെ സാമൂഹികമാധ്യമങ്ങളിൽ പോസ്റ്റുചെയ്തു. സ്കൂളിനെ മോശമായി ചിത്രീകരിക്കാൻ വേണ്ടിയാണ് ഇമ്മാനുവൽ ഇത്…

സ്വാമി വിവേകാന്ദന്റെ ഫോട്ടോ ചവറ്റുകുട്ടയിൽ ഘടിപ്പിച്ചു; മലയാളി വിദ്യാർത്ഥിക്ക് സസ്‌പെൻഷൻ

September 16, 2023 News Team

ബെംഗളൂരു: സ്വാമി വിവേകാനന്ദന്റെ ചിത്രം ചവറ്റുകുട്ടയിൽ പ്രദർശിപ്പിച്ച് സോഷ്യൽ മീഡിയയിൽ ഷെയർ ചെയ്തതുമായി ബന്ധപ്പെട്ട് കർണാടക സെൻട്രൽ യൂണിവേഴ്‌സിറ്റി ഓഫ് കർണാടകയുടെ അഡ്മിനിസ്‌ട്രേറ്റീവ് ബോർഡ് വെള്ളിയാഴ്ച മലയാളി വിദ്യാർത്ഥിയെ സസ്‌പെൻഡ് ചെയ്തു. കലബുർഗി കേന്ദ്ര സർവകലാശാലയിലെ രണ്ടാം വർഷ ജിയോഗ്രഫി ബിരുദാനന്തര ബിരുദ വിദ്യാർഥി ആദർശ് പി കുമാറിനെതിരെയാണ് സർവകലാശാലയുടെ നടപടി. തത്ത്വചിന്തകരെയും സാമൂഹിക പരിഷ്കർത്താക്കളെയും അപമാനിക്കുന്നതിനായി വിദ്യാർത്ഥി ഹോസ്റ്റൽ വാതിലിൽ നിന്ന് സ്റ്റിക്കർ ബോധപൂർവ്വം നീക്കം ചെയ്യുകയും ചവറ്റുകുട്ടയിൽ ഘടിപ്പിക്കുകയും ചെയ്തുവെന്ന് ആരോപിച്ച് എബിവിപി പ്രവർത്തകർ വാർഡന് പരാതി നൽകിയിരുന്നു. എംഎസ്‌സി ജിയോഗ്രഫി…

ഇന്ത്യയിലെ ഏറ്റവും വലിയ ടാപ്പ് ബിയർ മാർക്കറ്റ് നമ്മ ബെംഗളൂരു ആണ് !

September 16, 2023September 16, 2023 News Team

ബെംഗളൂരു: വ്യവസായ സ്രോതസ്സുകൾ പ്രകാരം, ക്രാഫ്റ്റ് ബിയർ വാഗ്ദാനം ചെയ്യുന്ന മൈക്രോ ബ്രൂവറികൾ ഉൾപ്പെടുന്ന ടാപ്പ് ബിയറിന്റെ ഇന്ത്യയിലെ ഏറ്റവും വലിയ വിപണിയാണ് ബെംഗളൂരു. ബെംഗളൂരുവിൽ 65 മൈക്രോ ബ്രൂവറികളുണ്ട്. നേരത്തെ ഉണ്ടായിരുന്ന 71 ഉണ്ടായിരുന്നതിൽ ചിലത് കോവിഡ് -19 സമയത്ത് അടച്ചുപൂട്ടി. നഗരത്തിൽ മാത്രമുള്ള 35 പുതിയ മൈക്രോ ബ്രൂവറികൾ ഇപ്പോൾ പ്രവർത്തനം തുടങ്ങാൻ തയ്യാറാവുകയാണ് എന്നും ഫുഡ് ആൻഡ് ബിവറേജ് (എഫ് ആൻഡ് ബി) വ്യവസായ വൃത്തങ്ങൾ പറഞ്ഞു. നിലവിൽ, ഡ്രാഫ്റ്റ് ബിയർ സെഗ്‌മെന്റിലെ പ്രധാന ആളുകൾ കിംഗ്‌ഫിഷർ, ബഡ്‌വെയ്‌സർ, ബിറ,…

കേരള പോലീസിൽ നിന്നും അപകട രേഖകൾ ലഭിക്കണം എങ്കിൽ ഇനി പണം നൽകണം; പൊലീസ് സേവനങ്ങളുടെ നിരക്ക് വർധിപ്പിച്ചു; പട്ടിക പരിശോധിക്കാം

September 16, 2023 News Team

തിരുവനന്തപുരം: പോലീസിന്റെ സേവനങ്ങൾക്കുള്ള നിരക്കുകൾ വർധിപ്പിച്ച് ഉത്തരവ് പുറത്തിറക്കി സർക്കാർ. ഒക്ടോബർ ഒന്ന് മുതൽ വാഹനാപകടങ്ങളുമായി ബന്ധപ്പെട്ട് പൊലീസിൽ നിന്നു ലഭിക്കേണ്ട രേഖകൾക്ക് ഇനി പണം നൽകേണ്ടിവരും. പുതുക്കിയ വില വിവരണ പട്ടിക കേസുമായി ബന്ധപ്പെട്ട് ഇൻഷുറൻസ് കമ്പനികൾക്ക് നൽകേണ്ട ജനറൽ ഡയറി, എഫ്ഐആർ, പോസ്റ്റുമോർട്ടം റിപ്പോർട്ട്, വൂണ്ട് സർട്ടിഫിക്കറ്റ് തുടങ്ങിയവ ഓരോന്നും ലഭിക്കാൻ 50 രൂപ വീതം ഇനി മുതൽ നൽകണം. പൊലീസ് നായയെ വാടകയ്ക്ക് ലഭിക്കാൻ 7280 രൂപ നൽകണം. വർലെസ് സെറ്റ് ഒന്നിനു 2425 രൂപ. പൊലീസ് സ്റ്റേഷൻ പരിധിയിൽ…

‘നീ ഇപ്പോൾ എന്റെ അമ്മയാണ്’: പിതാവ് ബലാത്സംഗം ചെയ്ത ഭാര്യയെ പുറത്താക്കി ഭർത്താവ്

September 16, 2023 News Team

ബെംഗളൂരു: ഉത്തർപ്രദേശിലെ മുസാഫർനഗർ ജില്ലയിൽ പിതാവ് ബലാത്സംഗം ചെയ്തുവെന്നാരോപിച്ച് 26 കാരിയായ ഭാര്യയെ ഭർത്താവ് മർദിക്കുകയും ഉപേക്ഷിക്കുകയും ചെയ്തു. ഭാര്യയെ വീട്ടിൽ നിന്ന് പുറത്താക്കുന്നതിനിടയിൽ “ഇപ്പോൾ എന്റെ പിതാവ് നിന്നോട് ബന്ധം സ്ഥാപിച്ചു, നീ എന്റെ അച്ഛന്റെ ഭാര്യയും എന്റെ ‘അമ്മി’യും (അമ്മ) ആയിത്തീർന്നതിനാൽ ഞാൻ നിന്നെ എന്നോടൊപ്പം ജീവിക്കാൻ അനുവദിക്കില്ലന്നുംഅയാൾ പറഞ്ഞു: കഴിഞ്ഞ വർഷം സെപ്തംബർ 7 ന് വിവാഹിതയായ യുവതി നൽകിയ പരാതിയിൽ, ഓഗസ്റ്റ് 5 ന് ഭർത്താവ് വീട്ടിൽ ഇല്ലാതിരുന്ന സമയത്ത് ഭർതൃപിതാവ് തന്നെ ബലാത്സംഗം ചെയ്തു എന്നാണ് പറയപ്പെടുന്നത്.…

ഒരു വിമാനത്തിൽ ഒരേസമയം യാത്ര ചെയ്ത 113 കള്ളക്കടത്തുകാർ പിടിയിൽ

September 16, 2023September 16, 2023 News Team

ചെന്നൈ: നികുത്തി വെട്ടിച്ച് സ്വർണവും ഇലക്ട്രോണിക് ഉപകരണങ്ങളും മറ്റും കടത്താൻ കൂട്ടുനിന്നതിന് വിമാനത്തിലെ 186 യാത്രക്കാരിൽ 113 പേർക്കെതിരെയും കേസ് എടുത്തു. മസ്കറ്റിൽ നിന്നും എത്തിയ ഒമാൻ എയർലൈൻസ് വിമാനത്തിലെ യാത്രക്കാരിൽനിന്നും 14 കോടിയോളം വിലമതിക്കുന്ന സാധനങ്ങളും പിടിച്ചെടുത്തു. കള്ളക്കടത്തുസംഘം, കമ്മിഷൻ, ചോക്ലേറ്റ് , പെർഫ്യൂം, തുടങ്ങിയവ വാഗ്ദാനം ചെയ്താണ് യാത്രക്കാരെ സ്വാധീനിച്ചത്. രഹസ്യവിവരത്തിന്റെ അടിസ്ഥാനത്തിൽ 186 പേരെയും തടഞ്ഞുവെച്ച് പരിശോധിച്ച് കള്ളക്കടത്ത് പിടികൂടുകയായിരുന്നു. 13 കിലോ സ്വർണ ബിസ്കറ്റ് മിശ്രിതം, സ്പ്രിങ് വയർ തുടങ്ങി പല രൂപത്തിൽ അടിവസ്ത്രത്തിൽ ഒളിപ്പിച്ച നിലയിൽ കണ്ടെത്തിയത്.…