Month: February 2022

തിരുവനന്തപുരം: 1 മുതൽ 9 വരെയുള്ള ക്ലാസുകളുടെ പുതിയ സമയക്രമത്തിൽ ഇന്ന് തീരുമാനം. ബാച്ചുകളാക്കി തിരിച്ച് ഇടവിട്ടുള്ള ദിവസങ്ങളിലെ ക്ലാസുകൾ തുടരേണ്ടതുണ്ടോയെന്നതിലും തീരുമാനം ഉണ്ടാകും. വൈകിട്ട് വരെയാക്കുന്നതിൽ ഇന്നലെ ചർച്ച നടന്നെങ്കിലും അന്തിമ തീരുമാനം ആയിരുന്നില്ല. കൂടുതൽ ചർച്ചകൾക്ക് ശേഷം ഇന്ന് തീരുമാനം ഉണ്ടാകും. 14ആം തിയതി മുതലാണ് 1 മുതൽ 9 വരെയുള്ള ക്ലാസുകൾ തുടങ്ങുന്നത്. ക്ലാസുകൾ വൈകിട്ട് വരെയാക്കാനാണ് ആലോചന.

ബെംഗളൂരു: ഫണ്ട് ദുർവിനിയോഗത്തിന് ഇഡി രജിസ്റ്റർ ചെയ്ത കേസിൽ അലയൻസ് യൂണിവേഴ്‌സിറ്റി മുൻ ചാൻസലർ മധുകർ ജി അംഗൂരിന്റെ ജാമ്യം സിറ്റി കോടതി നിരസിച്ചു. വിദ്യാർത്ഥികളിൽ നിന്ന് പിരിച്ചെടുത്ത പണം അലയൻസ് യൂണിവേഴ്‌സിറ്റി അക്കൗണ്ടിലേക്ക് നിക്ഷേപിച്ചിട്ടില്ലെന്നാണ് ഈ ഘട്ടത്തിൽ വെച്ചിരിക്കുന്ന വസ്തുതാപരമായ തെളിവുകൾ വ്യക്തമാക്കുന്നതെന്നും ഇത് വിവിധ അക്കൗണ്ടുകളിലേക്ക് വഴിതിരിച്ചുവിട്ടിട്ടുള്ളതുമാണ്. അതിന്റെ അന്വേഷണം നിലവിൽ പുരോഗമിക്കുകയായതിനാൽ ഹരജിക്കാരന് ജാമ്യത്തിന് അർഹതയില്ല എന്നാണ് , അടുത്തിടെ ജാമ്യാപേക്ഷ തള്ളിക്കൊണ്ട് പ്രിൻസിപ്പൽ സിറ്റി സിവിൽ ആൻഡ് സെഷൻസ് ജഡ്ജി അനിൽ ബി കാട്ടി പറഞ്ഞത്. അലയൻസ് യൂണിവേഴ്‌സിറ്റി,…