Year: 2019

ബെംഗളൂരു: വാട്സാപ്പിലെ പച്ചക്കൊടി പാകിസ്താന്റേതെന്നു തെറ്റിദ്ധരിച്ച് ദാവണഗരെ സ്വദേശിയെ സുഹൃത്തുക്കൾ വെട്ടിക്കൊന്നു. ദാവണഗരെ സ്വദേശിയും ശിവമോഗ ഹൊന്നല്ലിയിലെ വർക്ക്‌ഷോപ്പ് ജീവനക്കാരനുമായ ദയനാഥ് ഖാൻ (20) ആണ് കൊല്ലപ്പെട്ടത്. ശിവമോഗ ജില്ലയിൽ ഹൊന്നല്ലിയിലാണു സംഭവം. സുഹൃത്തുക്കളായ ഹേമന്ദ്, ലോഹിത്, സഞ്ജു എന്നിവർക്കെതിരേ പോലീസ് കേസെടുത്തു. ദയനാഥ് ഖാൻ ഈദുൽഫിത്തറിനോടനുബന്ധിച്ച് പച്ചക്കൊടിയും ആശംസാവാചകവും വാട്സാപ്പ് ഡി.പി.യാക്കിയിരുന്നു. ഇതേച്ചൊല്ലി ചില സുഹൃത്തുക്കൾ ദയനാഥ് ഖാനെ ചോദ്യംചെയ്തു. പച്ചക്കൊടി പാകിസ്താന്റേതാണെന്നായിരുന്നു ഇവരുടെ വാദം. ക്രൂരമായി മർദനമേറ്റ യുവാവ് പിന്നീട് ആശുപത്രിയിൽ ചികിത്സതേടി. ശനിയാഴ്ച ഇതേസംഘം വീണ്ടുമെത്തി പ്രദേശത്തെ ബൾബ് ഫാക്ടറിക്ക് സമീപത്തുവെച്ച്…

ബെംഗളൂരു: മലയാളികൾ വൃത്തികേടാക്കിയ ചാമുണ്ഡി ഹിൽസിലെ മതിലുകൾ വൃത്തിയാക്കി; ഇനിയും വൃത്തികേടാക്കരുതെന്ന് അപേക്ഷ. ചാമുണ്ഡിഹിൽസിലെ വ്യൂ പോയിന്റ് മതിലുകളിൽ സന്ദേശങ്ങൾ എഴുതി വികൃതമാക്കിയത് മായ്ച്ചുകളഞ്ഞ് യുവജനകൂട്ടായ്മ. വ്യൂ പോയിന്റ് നന്ദി പ്രതിമയ്ക്കു സമീപത്തെ മതിലുകളും ചുവരുകളുമാണ് വികൃതമാക്കിയിരുന്നത്. കേരളത്തിലെ സ്ഥലനാമങ്ങളും പേരുകളുമാണു സന്ദേശങ്ങളിൽ ഏറെയും ഉണ്ടായിരുന്നത്. മലയാളികളായ വിനോദസഞ്ചാരികൾ പൊതുസ്ഥലങ്ങൾ നശിപ്പിക്കരുതെന്നുള്ള അപേക്ഷയുമായി സമൂഹമാധ്യമങ്ങളിൽ ഹാഷ് ടാഗ് പ്രചാരണവും ആരംഭിച്ചിരുന്നു. ഇത് സംബന്ധിച്ച് സമൂഹമാധ്യമങ്ങളിൽ പ്രതിഷേധം ശക്തമായിരുന്നു. ഇതേ തുടർന്നാണ് യുവജനകൂട്ടായ്മയുടെ നേതൃത്വത്തിൽ മതിലുകൾ പെയിന്റ് ചെയ്ത് വൃത്തിയാക്കിയത്.

ബെംഗളൂരു: സർക്കാർ കോളേജുകളിലെ വിദ്യാർഥികൾക്ക് പഠനനിലവാരം ഉയർത്താൻ ഈവർഷം മുതൽ സൗജന്യമായി ലാപ്‌ടോപ്പുകൾ വിതരണംചെയ്യുന്ന പദ്ധതി നടപ്പിലാക്കുമെന്ന് സർക്കാർ. മൂന്നുവർഷമായി പദ്ധതി ആവിഷ്‌കരിക്കാനുള്ള ശ്രമത്തിലായിരുന്നെങ്കിലും ഒട്ടേറെ വിവാദങ്ങൾ ഉയർന്നതോടെ പദ്ധതി നീണ്ടുപോകുകയായിരുന്നു. ലാപ്‌ടോപ്പുകൾ വിതരണംചെയ്യാൻ രണ്ടുകമ്പനികൾക്കാണ് ഉന്നത വിദ്യാഭ്യാസ വകുപ്പ് ടെൻഡർ നൽകിയിരിക്കുന്നത്. ആദ്യഘട്ടത്തിൽ 1.09 ലക്ഷം ഒന്നാംവർഷ ബിരുദ വിദ്യാർഥികൾക്കാണ് ലാപ്‌ടോപ്പുകൾ വിതരണംചെയ്യുക. കഴിഞ്ഞവർഷം മുഴുവൻ സർക്കാർ കോളേജ് വിദ്യാർഥികൾക്കും ലാപ്ടോപ്പുകൾ നൽകുമെന്നാണ് അധികൃതർ പറഞ്ഞിരുന്നത്. എന്നാൽ ഈവർഷം കോളേജിൽ ചേർന്നവർക്കു മാത്രമായി പദ്ധതി പരിമിതപ്പെടുത്തുകയായിരുന്നു. ഇതോടെ പദ്ധതിയുടെ ഗുണംലഭിക്കുമെന്ന് കരുതിയിരുന്ന രണ്ടുംമൂന്നുംവർഷ വിദ്യാർഥികൾക്ക് നിരാശരാകേണ്ടിവന്നു. അടുത്തവർഷം…

ബെംഗളൂരു : തെക്കന്‍ കര്‍ണാടകയിലെ ഏറ്റവും പ്രകൃതി രമണീയമായ ഒരു സ്ഥലമാണ്‌ കൊടുഗ് എന്ന് പ്രാദേശിക ഭാഷയില്‍ വിളിക്കുന്ന കൂര്‍ഗ്.എന്നാല്‍ കൂര്‍ഗ് നിവാസികളുടെ വളരെ കാലത്തേ ഒരു ആഗ്രഹമാണ് എല്ലാ സൌകര്യങ്ങളോടും കൂടിയ ഒരു ആശുപത്രി വേണം എന്നത്. നിരവധി ചെറുതും വലുതുമായ ആശുപത്രികള്‍ ഉണ്ട് എങ്കിലും എന്തെങ്കിലും സീരിയസ് ആയ വിഷയം വന്നാല്‍ നൂറു കിലോമീറ്റര്‍ അകലെയുള്ള മൈസുരുവില്‍ വരേണ്ട സാഹചര്യമാണ് ഇവിടെ ഉള്ളവര്‍ക്ക്.ഈ വിഷയം വര്‍ഷങ്ങളായി നില നില്‍ക്കുന്നതാണ് എങ്കിലും വീണ്ടും ഇത് കൂടുതല്‍ അധികാരികളുടെ ശ്രദ്ധയിലേക്ക് വരികയാണ്‌. One of…