Month: January 2018

ബെംഗളൂരു: സംസ്ഥാനത്ത് കാട്ടാനകളുടെ എണ്ണം പെരുകുന്നതു തടയാൻ നിർബന്ധിത വന്ധ്യംകരണത്തിനുള്ള നടപടിയുമായി വനം വകുപ്പ്. ഇക്കാര്യത്തിൽ അനുമതി തേടി കേന്ദ്രം വനം–പരിസ്ഥിതി മന്ത്രാലയത്തിന് വനംവകുപ്പ് നേരത്തേ കത്തയച്ചിരുന്നു. പരിസ്ഥിതിവാദികളുടെ കടുത്ത എതിർപ്പിനെ തുടർന്ന് വന്ധ്യംകരണത്തിനുള്ള അന്തിമ അനുമതി നൽകിയിട്ടില്ല. രാജ്യത്ത് കാട്ടാനകളുടെ എണ്ണത്തിൽ ഒന്നാംസ്ഥാനത്തുള്ള കർണാടകയിൽ ആനകളുടെ ആക്രമണത്തിൽ ജീവനും സ്വത്തും നഷ്ടമാകുന്നവരുടെ എണ്ണം ഓരോ വർഷവും വർധിക്കുകയാണ്. കുടക്, ചിക്കമംഗളൂരു, ഹാസൻ, സകലേഷ്പുര എന്നിവിടങ്ങളിൽ ജനജീവിതം ദുരിതപൂർണമാണ്. കഴിഞ്ഞ വർഷത്തെ കണക്കനുസരിച്ച് 8976 കാട്ടാനകളാണ് സംസ്ഥാനത്തുള്ളത്. കൊമ്പനാനകളുടെ എണ്ണത്തിലും വർധനയുണ്ട്.

ബെംഗളൂരു : വൈവിധ്യങ്ങളുടെ നാടായ ഇന്ത്യയിലെ ഓരോ ദേശത്തിന്റെയും സംസ്കാരത്തിന്റെയും കലയുടെയും തനതുകാഴ്ചകളെ കാൻവാസിലേക്ക് പകർത്തിയവരിൽ സ്കൂൾ വിദ്യാർഥികൾ മുതൽ 80 കഴിഞ്ഞവർ വരെയുണ്ടായിരുന്നു. പ്രദർശനത്തിന്റെ ഉദ്ഘാടനം പ്രമുഖ ശാസ്ത്രഞ്ജനും ഭാരതരത്ന അവാർഡ് ജേതാവുമായ സി.എൻ.ആർ. റാവു നിർവഹിച്ചു. ചിത്രകലാപരിഷത് ജനറൽ സെക്രട്ടറി പ്രഫ. എം.കെ.കമലാക്ഷി, പ്രസിഡന്റ് ഡോ. ബി.എൽ.ശങ്കർ, വൈസ് പ്രസിഡന്റ് ടി.പ്രഭാകർ എന്നിവർ നേതൃത്വം നൽകി. ചെന്നൈയിലെ ഗവ. ഫൈൻ ആർട്സ് കോളജിൽ നിന്ന് ബിരുദപഠനം കഴിഞ്ഞിറങ്ങിയ ദിവാഹർ മനോഹർ ചാർക്കോൾ കൊണ്ടുള്ള ചിത്രങ്ങളുമായാണ് എത്തിയത്. കഴിഞ്ഞ രണ്ട് വർഷത്തിനിടെ നൂറിലധികം ചിത്രങ്ങൾ…