accident – Page 23 – BengaluruVartha

വാഹനാപകടത്തിൽ സോഫ്റ്റ്‌വെയർ എഞ്ചിനീയർ മരിച്ചു

February 6, 2023 News Team

ബെംഗളൂരു നാഗേനഹള്ളിയിലുണ്ടായ അപകടത്തിൽ 28 കാരനായ സോഫ്റ്റ്‌വെയർ എഞ്ചിനീയർ മരിച്ചു. ഞായറാഴ്ച പുലർച്ചെ 2.30ന് ഹെന്നൂരിനടുത്ത് നാഗേനഹള്ളി കുരിശുപള്ളിയിൽ ഹെൽമറ്റ് ധരിക്കാതെ സ്‌കൂട്ടർ ഓടിക്കുന്നതിനിടെ ഡൊംലൂർ സ്വദേശി രമേഷ് എന്ന 28കാരന്റെ ബൈക്ക് മരത്തിലിടിക്കുകയായിരുന്നു. ഇടിയുടെ ആഘാതത്തിൽ തലയ്ക്ക് ഗുരുതരമായി പരിക്കേറ്റു, രമേഷ് തൽക്ഷണം മരിച്ചു. മൃതദേഹം യെലഹങ്ക സർക്കാർ ആശുപത്രിയിൽ എത്തിച്ചെങ്കിലും മരണം സ്ഥിരീകരിച്ചു. ഇയാളുടെ മൃതദേഹം മാതാപിതാക്കൾക്ക് വിട്ടുകൊടുത്തു.

കാറിന്റെ ബമ്പറിനകത്ത് നായയുമായി സഞ്ചരിച്ചത് 70 കിലോ മീറ്റർ

February 4, 2023 Arya

ബെംഗളൂരു: കാറിന്‍റെ ബമ്പറിനകത്ത് കുടുങ്ങി നായ യാത്ര ചെയ്‌തത് 70 കിലോമീറ്റര്‍. കര്‍ണാടകയിലെ ദക്ഷിണ കന്നഡയിലാണ് സംഭവം. കാറുമായി കൂട്ടിയിടിച്ചാണ് നായ ബമ്പറിനുള്ളില്‍ അകപ്പെട്ടത്. പൂത്തൂര്‍ കബക സ്വദേശികളായ സുബ്രഹ്മണ്യനും ഭാര്യയും ക്ഷേത്രദര്‍ശനം കഴിഞ്ഞ് മടങ്ങി വരുന്ന വഴിയാണ് സംഭവം. സുള്ള്യയിലെ ബല്‍പയില്‍വച്ച്‌ ഇവരുടെ കാര്‍ ഒരു നായയുമായി കൂട്ടി ഇടിച്ചിരുന്നു. ഉടനെ തന്നെ കാര്‍ നിര്‍ത്തി പരിശോധിച്ചെങ്കിലും നായയെ കണ്ടെത്താനായില്ല. അത് എവിടെ പോയെന്ന് അവര്‍ ആലോചിക്കുകയും ചെയ്‌തു. തിരിച്ച്‌ വീട്ടിലെത്തി കാര്‍ പരിശോധിച്ചപ്പോള്‍ കാണുന്നത് ബമ്പര്‍ തകര്‍ത്ത് അകത്ത് സുഖമായി ഇരിക്കുന്ന…

വാഹനാപകടത്തിൽ മലയാളി യുവതി മരിച്ചു

February 3, 2023 News Team

ബെംഗളൂരു: : ബുധനാഴ്ച അർധരാത്രിയിൽ നഗരത്തിൽ വെച്ചുണ്ടായ വാഹനാപകടത്തിൽ കോഴിക്കോട് സ്വദേശിനി മരിച്ചു. നടക്കാവ് പണിക്കർ റോഡിൽ ശ്രീറോഷ് ഫ്ലാറ്റിൽ ശുഭശ്രീ (29)യാണ് മരിച്ചത്. ബെംഗളൂരുവിലെ ഷ്‌നൈഡർ ഇലക്‌ട്രിക്‌ ഗ്ലോബൽ മാർക്കറ്റിങ് ഡിവിഷനിലെ ജീവനക്കാരിയും വിധുവിന്റെയും കെ.കെ. കല (കോഴിക്കോട് ഗവ. ആർട്‌സ് ആൻഡ് സയൻസ് കോളേജ് ചരിത്രവിഭാഗത്തിലെ അധ്യാപിക)യുടെയും മകളാണ് ശുഭശ്രീ. ഇലക്‌ട്രോണിക് സിറ്റിക്ക്‌ സമീപമുള്ള ഫ്ലൈഓവറിന് മുകളിലാണ് അപകടമുണ്ടായത്. സംസ്കാരം വെള്ളിയാഴ്ച രാവിലെ 10-ന് വെസ്റ്റ്ഹിൽ ശ്മശാനത്തിൽ.

കോൺക്രീറ്റ് മിക്സർ കാറിന് മുകളിൽ വീണു, അമ്മയും മകളും മരിച്ചു

February 2, 2023 Arya

ബെംഗളൂരു: കോണ്‍ക്രീറ്റ് മിക്‌സര്‍ കാറിന് മുകളിലേക്ക് മറിഞ്ഞ് അമ്മയും മകളും മരിച്ചു. ബെംഗളൂരു ബന്നാര്‍ഘട്ട റോഡിലാണ് സംഭവം. കഗ്ഗലിപുര സ്വദേശികളായ ഗായത്രി കുമാര്‍ (46), മകള്‍ സാമന്ത(16) എന്നിവരാണ് മരിച്ചത്. ബുധനാഴ്ച രാവിലെയായിരുന്നു അപകടം. പത്താം ക്ലാസ് വിദ്യാര്‍ഥിനിയായ സാമന്തയെ സ്‌കൂളിലാക്കാന്‍ പോകുന്നിതിനിടെ കാറിന് മുകളിലേക്ക് നിയന്ത്രണം വിട്ട് വന്ന ട്രക്ക് മറിയുകയായിരുന്നു. സ്വകാര്യ സ്ഥാപനത്തില്‍ ജോലിക്കാരിയായിരുന്നു ഗായത്രി. ഇരുവരും സംഭവ സ്ഥലത്ത് വച്ചുതന്നെ മരിച്ചതായി പോലീസ് അറിയിച്ചു. കാറിന്‍റെ എമര്‍ജന്‍സി സിസ്റ്റം വഴി സന്ദേശം ലഭിച്ചതിനെ തുടര്‍ന്ന് ഗായത്രിയുടെ ഭര്‍ത്താവ് സുനില്‍ കുമാര്‍…

നിയന്ത്രണം വിട്ട കാർ ഡിവൈഡറിൽ ഇടിച്ച് യുവാവ് മരിച്ചു

January 30, 2023 Arya

ബെംഗളൂരു: ദേശീയപാതയില്‍ നിയന്ത്രണം വിട്ട കാര്‍ ഡിവൈഡറില്‍ കയറി വൈദ്യുതി തൂണില്‍ ഇടിച്ച്‌ യുവാവ് മരിച്ചു. രണ്ട് സ്ത്രീകളടക്കം മൂന്ന് പേര്‍ക്ക് പരുക്കേറ്റു. ഇതില്‍ ഒരാളുടെ നില ഗുരുതരമാണ്. ഉദ്യാവര്‍ കുഞ്ചത്തൂര്‍ സ്വദേശി സഈദ് കെ അബ്ദുല്ലയുടെ മകന്‍ അബ്ദുല്‍ രിഫാഈ ആണ് മരിച്ചത്. ഉപ്പള ഹിദായത് നഗറിലെ ബശാര്‍ അഹ്‌മദിനാണ് ഗുരുതരമായി പരുക്കേറ്റത്. കണ്ണൂര്‍ സ്വദേശികളായ ഫാത്തിമ, രേവതി എന്നിവര്‍ നിസാര പരിക്കുകളോടെ രക്ഷപ്പെട്ടു. കര്‍ണാടക തലപ്പാടിക്കടുത്ത കൊല്യയിലെ അഡ്കയ്ക്ക് സമീപമായിരുന്നു ഞായറാഴ്ച രാത്രിയോടെ അപകടം സംഭവിച്ചത്. കാര്‍ നിയന്ത്രണം വിട്ട് റോഡിലെ…

ജയന്റ് വീലിൽ മുടി കുടുങ്ങി പെൺകുട്ടിയുടെ തലയ്ക്ക് സാരമായ പരിക്ക്

January 30, 2023January 30, 2023 Arya

ബെംഗളൂരു: ജയന്റ് വീലിൽ മുടി കുടുങ്ങി ഗുരുതരമായി പരിക്കേറ്റ കുട്ടിയെ മംഗളൂരുവിലെ ആശുപത്രിയിൽ പ്രവേശിപ്പിച്ചു. മണ്ഡ്യയിൽ ആണ് സംഭവം. ജയന്റ് വീലിൽ കയറിയ ശ്രീവിദ്യ എന്ന പെൺകുട്ടിക്കാണ് അപകടം പറ്റിയത്. കുട്ടിയുടെ മുടി അബദ്ധത്തിൽ ജയന്റ് വീലിൽ കുടുങ്ങുകയായിരുന്നു. തലയുടെ ഒരു ഭാഗത്തിന്റെ പുറംതൊലി വിട്ടു വന്ന ഉടൻ തന്നെ മാതാപിതാക്കൾ ഉൾപ്പെടെയുള്ളവർ ചേർന്ന് കുട്ടിയെ ആശുപത്രിയിൽ എത്തിക്കുകയായിരുന്നു. ശ്രീവിദ്യയുടെ മാതാപിതാക്കളുടെ പരാതിയുടെ അടിസ്ഥാനത്തിൽ ജയന്റ് വീൽ ഉടമയെ പോലീസ് അറസ്റ്റ് ചെയ്തു. അന്വേഷണം ആരംഭിച്ചതായി പോലീസ് അറിയിച്ചു.

മലയാളി വിദ്യാർഥി ബൈക്കപകടത്തിൽ മരിച്ചു

January 24, 2023 News Team

ബെംഗളൂരു : ആവലഹള്ളിയിൽ ബൈക്ക് നിയന്ത്രണം വിട്ട്മറിഞ്ഞ് മലയാളി വിദ്യാർഥി മരിച്ചു. ശനിയാഴ്ച രാത്രി ഒരു മണിയോടെ കെ.ആർ. പുരത്തിന് സമീപമാണ് അപകടമുണ്ടായത്. ബിദരഹള്ളി ഈസ്റ്റ് പോയന്റ്‌ കോളേജിലെ ഒന്നാം വർഷ ബി.സി.എ. വിദ്യാർഥിയും വയനാട് സുൽത്താൻ ബത്തേരി ബീനാച്ചി കവിത ഹൗസിൽ പരേതനായ വി.പി. അജയ്‌ലാലിന്റേയും മിനിയുടേയും മകൻ അമൽ വി. അജയ് ( 19) ആണ് മരിച്ചത്. സുഹൃത്തിന്റെ താമസസ്ഥലത്തുനിന്ന് മടങ്ങുന്നതിനിടെ ഹമ്പിൽ കയറിയ ബൈക്കിന്റെ നിയന്ത്രണം നഷ്ടപ്പെട്ട് മറിയുകയായിരുന്നു.

മെട്രോ നിർമാണ സൈറ്റിലെ ബാരിക്കേഡ് കാറിനു മുകളിൽ വീണു

January 24, 2023 News Team

ബെംഗളൂരു: ബംഗളൂരുവിൽ മെട്രോ നിർമാണം നടക്കുന്ന സ്ഥലത്ത് കുടുംബാംഗങ്ങൾ സഞ്ചരിച്ചിരുന്ന കാറിന് മുകളിലേയ്ക്ക് ബാരിക്കേഡ് തകർന്ന് വീണ് വാഹനത്തിന് കേടുപാടുകൾ സംഭവിച്ചു. എന്നാൽ ഡ്രൈവർ സന്തോഷ് കുമാർ ഉൾപ്പെടെ കാറിലുണ്ടായിരുന്നവർ അത്ഭുദകരമായി രക്ഷപെട്ടു. ബെംഗളൂരുവിലെ ഔട്ടർ റിംഗ് റോഡിൽ മഹാദേവപുരയ്ക്ക് സമീപം ദൊഡ്ഡനെകുണ്ടി ക്രോസ്റോഡിൽ ശനിയാഴ്ച സന്തോഷ് കുമാർ കുടുംബത്തോടൊപ്പം വീട്ടിലേക്ക് പോകുമ്പോഴാണ് അപകടം. കാർത്തിക് നഗർ കഴിഞ്ഞ് കെആർ പുരത്തേക്ക് നീങ്ങുന്നതിനിടയിൽ റോഡിലെ ബാരിക്കേഡ് കാറിന് മുകളിലേക്ക് വീഴുകയും വാഹനത്തിന് കേടുപാടുകൾ സംഭവിക്കുകയും ചെയ്തു. അപകടം പരിശോധിക്കുന്നതിനായി, ബാംഗ്ലൂർ മെട്രോ റെയിൽ കോർപ്പറേഷൻ…

വൈറൽ വീഡിയോ; എസ്‌യുവി കാർ ബോണറ്റിൽ ഇരുത്തി വ്യവസായിയെ നഗരം ചുറ്റിച്ച് യുവതി

January 22, 2023 News Team

ബെംഗളൂരു: നവംബർ 20ന് പുലർച്ചെ ജ്ഞാനഭാരതിയിലെ ഉള്ളാൽ മെയിൻ റോഡിൽ 29 കാരനായ വ്യവസായിയെ എസ്‌യുവി ബോണറ്റിൽ ‘3 കിലോമീറ്ററോളം’ വലിച്ചിഴച്ചു. അവനെ രക്ഷിക്കാൻ വേണ്ടി. രാവിലെ 10.15നും 11നും ഇടയിൽ മംഗളൂരു ഇൻഡിപെൻഡന്റ് പിയു കോളജിന് സമീപമാണ് സംഭവം. Another case of road rage from #Bengaluru where a man is seen hanging on to the bonnet even as the driver of the car continues driving for over a kilometre. This…

മെട്രോ നിർമ്മാണത്തിനിടെ റോഡ് കുഴിഞ്ഞു, കുഴിയിൽ വീണ് ബൈക്ക് യാത്രികന് പരിക്ക്

January 12, 2023 Arya

ബെംഗളൂരു: സെൻട്രൽ ബെംഗളൂരുവിലെ ഷൂലെ സർക്കിളിൽ റോഡിന്റെ ഒരു ഭാഗം ഇടിഞ്ഞ് ഒരാൾക്ക് പരിക്കേറ്റു. ബ്രിഗേഡ് റോഡിൽ ബൈക്കിൽ സഞ്ചരിച്ചയാൾക്കാണ് പരിക്കേറ്റത്. യാത്രക്കിടെ റോഡ് കുഴിഞ്ഞ് പോവുകയായിരുന്നു. മെട്രോ നിർമ്മാണത്തിനുള്ള തുരങ്ക നിർമ്മാണ പ്രവർത്തനങ്ങൾ നടക്കുന്ന ഭാഗത്താണ് സംഭവം. റോഡ് തകർന്ന സ്ഥലത്ത് നിന്ന് 150 മീറ്റർ അകലെയാണ് നിർമ്മാണ പ്രവർത്തനങ്ങൾ നടക്കുന്ന മെട്രോ ടണൽ പദ്ധതിയുടെ രണ്ടാംഘട്ടമായ റെഡ് ലൈൻ എന്ന് വിളിക്കപ്പെടുന്ന നാഗവാര മുതൽ ഗോട്ടിഗെരെ വരെയുള്ള ഭാഗം. ബൈക്ക് യാത്രികൻ ഇതുവഴി പോകമ്പോൾ റോഡിന്റെ വലിയൊരു ഭാഗം ഇടിഞ്ഞതാണ് അപകടത്തിലേക്ക്…