Month: October 2025

ബെംഗളൂരു : ചെറുപുഴ വഴി ബെംഗളൂരിലേക്കുള്ള കെ.എസ്.ആർ.ടി.സി. സർവ്വീസ് ചൊവ്വാഴ്ച (28.10.2025) എ.സി. സെമി സ്ലീപ്പർ ബസ്സായി സർവ്വീസ് ആരംഭിച്ചു. പുതിയ സർവ്വീസ് ടി.ഐ. മധുസൂദനൻ എം.എൽ.എ. പയ്യന്നൂരിൽ വെച്ച് ഫ്ലാഗ് ഓഫ് ചെയ്തു. വൈകുന്നേരം ആറ് മണിക്ക് പയ്യന്നൂരിൽ നിന്ന് പുറപ്പെട്ടിരുന്ന സ്വിഫ്റ്റ് നോൺ എ.സി. ഡീലക്‌സ് ബസ്സിനു പകരമായാണ് കെ.എസ്.ആർ.ടി.സി.യുടെ മലാബാർ വിഭാഗം പുതിയ എ.സി. സെമി സ്ലീപ്പർ സർവ്വീസ് രംഗത്തിറക്കുന്നത്. ഇത് മലബാർ മേഖലയിലെ ബെംഗളൂരു യാത്രക്കാർക്ക് കൂടുതൽ ആശ്വാസകരമാകും. വൈകുന്നേരം ആറ് മണിക്ക് പയ്യന്നൂരിൽ നിന്ന് യാത്ര പുറപ്പെടുന്ന…

ബെംഗളൂരു : ഡേറ്റിങ് ആപ്പുവഴി പരിചയപ്പെട്ട് ബന്ധം സ്ഥാപിച്ച യുവതിയെ ലൈംഗികമായി പീഡിപ്പിച്ചെന്നാരോപിച്ച് യുവാവിന്റെ പേരിലെടുത്ത കേസ് തള്ളി കർണാടക ഹൈക്കോടതി. വ്യക്തമായ കേസുകളിൽ ഒഴികെ, പരസ്പരസമ്മതത്തോടെയുള്ള ലൈംഗികബന്ധം ക്രിമിനൽ നിയമപ്രകാരം കുറ്റകരമായി മാറില്ലെന്ന് കോടതി വിധിച്ചു. കേസ് തള്ളണമെന്നാവശ്യപ്പെട്ട് 23-കാരൻ നൽകിയ ഹർജി അനുവദിച്ച് ജസ്റ്റിസ് എം. നാഗപ്രസന്നയുടേതാണ് ഉത്തരവ്. ഡേറ്റിങ് ആപ്പു വഴി പരിചയപ്പെട്ടശേഷം ഇരുവരും ഒരുവർഷത്തോളം ഇൻസ്റ്റഗ്രാം വഴി ബന്ധം തുടർന്നെന്നും പിന്നീട് യുവതിയെ ഹോട്ടലിൽ കൊണ്ടുപോയി ബലാത്സംഗം ചെയ്തെന്നുമായിരുന്നു പ്രോസിക്യൂഷൻ കേസ്. പിറ്റേന്ന് യുവതി ശാരീരികാസ്വാസ്ഥ്യം അനുഭവപ്പെട്ടതിനത്തുടർന്ന് ആശുപത്രിയിൽ…

ബെംഗളൂരു പ്രതിപക്ഷത്തിന്റെ എതിര്‍പ്പിനിടയിലും ഹെബ്ബാള്‍ – സില്‍ക്ക് ബോര്‍ഡ് തുരങ്കപാതാ പദ്ധതി നടപ്പാക്കാനുറപ്പിച്ച് സര്‍ക്കാര്‍. ഭാവിയില്‍ നഗകത്തിലെ ഗതാഗതകുരുക്കിനുളള പരിഹാരമാണ് തുരങ്ക പാതയെന്നും ദൈവത്തിനല്ലാതെ മറ്റാര്‍ക്കും നിര്‍മ്മാണം തടയാന്‍ ആകില്ലെന്നും ഉപമുഖ്യമന്ത്രി ഡി കെ ശിവകുമാര്‍ പറഞ്ഞു. പ്രതിപക്ഷ നേതാവ് ആര്‍ അശോക, തേജസ്വി സൂര്യ എം പി തുടങ്ങിയവര്‍ നിരന്തരം എതിര്‍പ്പുമായി രംഗത്തെത്തിയയോടെയാണ് പിന്മാറില്ലെന്ന സര്ഡക്കാര്‍ പ്രഖ്യാപനം പദ്ധതിക്കെതിരെ ചിലപരിസ്ഥിതി പ്രവര്‍ത്തകരും രംഗത്ത് വന്നിട്ടുണ്ട്‌

ബെംഗളൂരു : ധർമസ്ഥലയിലെ കൊലപാതക വെളിപ്പെടുത്തലിനെപ്പറ്റി പ്രത്യേക അന്വേഷണസംഘം ഉടൻ റിപ്പോർട്ട് സമർപ്പിക്കും. ധർമസ്ഥലയിൽനിന്ന് ലഭിച്ച അസ്ഥികളുടെ ഫൊറൻസിക് പരിശോധനാഫലം ഈ മാസംതന്നെ ലഭിക്കുമെന്ന് അന്വേഷണ ഉദ്യോഗസ്ഥർ അറിയിച്ചിട്ടുണ്ടെന്ന് ആഭ്യന്തരമന്ത്രി ജി. പരമേശ്വര തിങ്കളാഴ്ച ബെംഗളൂരുവിൽ പറഞ്ഞു. പരിശോധനാഫലം ലഭിച്ചയുടൻ അന്വേഷണസംഘം സർക്കാരിന് റിപ്പോർട്ട് കൈമാറുമെന്നും അറിയിച്ചു. ധർമസ്ഥലയിൽ കണ്ടെത്തിയ അസ്ഥികളുടെ ഫൊറൻസിക് പരിശോധനയുടെയും രാസപരിശോധനയുടെയും ഫലം അന്വേഷണത്തിൽ നിർണായകമായിരിക്കും. കൊലചെയ്യപ്പെട്ടെന്ന് ആരോപിക്കപ്പെടുന്നവരുടേതാണ് ഇതെന്നുതെളിഞ്ഞാൽ അന്വേഷണം മറ്റുരീതിയിലേക്ക് മാറും. അല്ലെന്നാണ് തെളിയുന്നതെങ്കിൽ അന്വേഷണം അവിടെ അവസാനിക്കും.