Day: 13 November 2024

ബെംഗളൂരു: സ്വർണം കാണാതായ സംഭവത്തില്‍ കെയർ ടേക്കർ പിടിയില്‍. സോണിയ എന്ന സ്ത്രീയാണ് പിടിയിലായത്. 12 ലക്ഷം രൂപ വിലവരുന്ന 108 ഗ്രാം സ്വർണമാണ് ഇവ‍ർ വീട്ടില്‍ നിന്ന് ആരുമറിയാതെ മോഷ്ടിച്ചത്. ഇതിന്റെ നല്ലൊരു ഭാഗം വില്‍ക്കുകയും ചെയ്തു. കൈവശമുണ്ടായിരുന്നതും വിറ്റതും ഉള്‍പ്പെടെയുള്ള ആഭരണങ്ങള്‍ അന്വേഷണത്തില്‍ വീണ്ടെടുത്തു. ബംഗളുരുവിലാണ് സംഭവം. അഞ്ജനാദ്രി ലേഔട്ടിലെ ഒരു അപ്പാട്ട്മെന്റില്‍ താമസിക്കുന്ന ഭാവന എന്ന സ്ത്രീ ഒക്ടോബ‍ർ 31നാണ് പരാതിയുമായി പൊലീസിനെ സമീപിച്ചത്. തന്റെ വീട്ടില്‍ സൂക്ഷിച്ചിരുന്ന ആറ് മാലകളും രണ്ട് വളകളും കമ്മലുകളും ബ്രേസ്‍ലറ്റുകളും മൂക്കുത്തിയും ഉള്‍പ്പെടെയുള്ള…

ബെംഗളൂരു: ലിഫ്റ്റിന്റെ വാതിലില്‍ കുടുങ്ങി മുകളിലേക്ക് ഉയര്‍ന്ന 52 കാരന്‍ ചുമരില്‍ ചെന്നിടിച്ച്‌ മരച്ചു. റിച്ച്‌മണ്ട് റോഡിലെ എച്ച്‌ജെഎസ് ചേംബേഴ്‌സിലാണ് അപകടമുണ്ടായത്. എംപി സ്വര്‍ണ മഹല്‍ എന്ന സ്ഥാപനത്തിലെ ജീവനക്കാരനായ ലക്ഷ്മണ്‍ എന്നയാളാണ് മരിച്ചത്. ചൊവ്വാഴ്ച ഉച്ചയ്ക്ക് 12.30ഓടെയാണ് അപകടം സംഭവിച്ചത്. കെട്ടിടത്തിലെ താഴത്തെ നിലയില്‍ നിന്ന് ഒന്നാം നിലയിലേക്ക് പോവുകയായിരുന്നു ലക്ഷ്മണ്‍. ആദ്യം ഒരു സ്ത്രീയും പുരുഷനും ലിഫ്റ്റിലുണ്ടായിരുന്നു. ഡോറുകള്‍ അടയാന്‍ തുടങ്ങവെയാണ് ലക്ഷ്മണ്‍ അകത്തേക്ക് കയറിയത്. എന്നാല്‍ ഡോര്‍ പാതി അടഞ്ഞ നിലയില്‍ തന്നെ ലിഫ്റ്റ് മുകളിലേക്ക് ഉയരാന്‍ തുടങ്ങി. ഡോറുകള്‍ക്കിടയില്‍…

ബെംഗളൂരു: കുടുംബത്തോടൊപ്പം സഞ്ചരിക്കുകയായിരുന്ന യുവാവിനെ കാർ തടഞ്ഞ് വധിക്കാൻ ശ്രമിച്ച കേസില്‍ പ്രായപൂർത്തിയാകാത്ത ഒരാള്‍ ഉള്‍പ്പെടെ നാലുപേr അറസ്റ്റ് ചെയ്തു. ഇഡിയ ഈശ്വർ നഗറിലെ ഹനുമന്തിന്റെ മകൻ അന്നപ്പ സ്വാമി എന്ന മനു (24), പഡില്‍ ഭഗവതി നിലയത്തില്‍ മഞ്ചുനാഥിന്റെ മകൻ കെ. സചിൻ (24), പജിർ കുംബ്രപ്പദവ് പഡല്‍കോടിയില്‍ ചന്ദ്രശേഖറിന്റെ മകൻ കുഷിത് (18), പ്രായപൂർത്തിയാകാത്ത ആണ്‍കുട്ടി എന്നിവരാണ് അറസ്റ്റിലായത്. ഈ മാസം എട്ടിന് ദേശീയപാത 66ലൂടെ കേരളത്തിലേക്ക് വരികയായിരുന്ന കാസർകോട് ബഡാജെ ഫാത്തിമ മൻസിലില്‍ മുഹമ്മദ് ആസിഫിന്റെ (33) കാർ കെ.സി…

ബെംഗളൂരു: കന്നഡ നടൻ യഷ് നായകനായ സിനിമ ‘ടോക്സിക്കി’ന്റെ ചിത്രീകരണത്തിനായി അനധികൃതമായി മരങ്ങള്‍ മുറിച്ചു മാറ്റിയെന്ന് ചൂണ്ടിക്കാട്ടി നിർമാതാവ് ഉള്‍പ്പെടെ 3 പേർക്കെതിരെ വനം വകുപ്പ് കേസെടുത്തു. നടി കൂടിയായ ഗീതു മോഹൻദാസ് സംവിധാനം ചെയ്യുന്ന ടോക്സിക്കിനായി പടുകൂറ്റൻ സെറ്റ് ഒരുക്കുന്നതിന് ജാലഹള്ളി എച്ച്‌എംടി കോംപൗണ്ടിലെ 599 ഏക്കർ പീനിയ പ്ലാന്റേഷനില്‍നിന്ന് നൂറിലധികം മരങ്ങള്‍ വെട്ടിമാറ്റിയതിനെതിരെയാണ് നടപടി. സിനിമയുടെ നിർമാതാക്കളായ കെവിഎൻ മാസ്റ്റർ മൈൻഡ് ക്രിയേഷൻസ്, എച്ച്‌എംടി ജനറല്‍ മാനേജർ ഉള്‍പ്പെടെയുള്ളവർക്ക് എതിരെയാണ് കേസ്. എച്ച്‌എംടിയുടെ അനുമതിയോടെയാണ് ചിത്രീകരണം. എന്നാല്‍, സംരക്ഷിത വനഭൂമിയായ പീനിയ…

ബെംഗളൂരു : ഉപതിരഞ്ഞെടുപ്പ് നടക്കുന്ന ചന്നപട്ടണ, ഷിഗാവ്, സന്ദൂർ മണ്ഡലങ്ങളിൽ നിന്നായി 33.33 കോടി രൂപയുടെ മദ്യം പിടിച്ചെടുത്തു. പോലീസും എക്സൈസും മറ്റ് ഏജൻസികളും ഒക്ടോബർ 16 മുതൽ നവംബർ 11 വരെ നടത്തിയ പരിശോധനയിലാണ് ഇത്രയും മദ്യം പിടിച്ചെടുത്തത്. കേന്ദ്രമന്ത്രി എച്ച്.ഡി. കുമാരസ്വാമിയുടെ മകൻ നിഖിൽ കുമാരസ്വാമി മത്സരിക്കുന്ന ചന്നപട്ടണയിൽമാത്രം 29 കോടി രൂപയുടെ മദ്യം പിടിച്ചെടുത്തു. ചന്നപട്ടണയിൽനിന്ന് 2,95,395 ലിറ്റർ മദ്യവും സന്ദൂരിൽനിന്ന് 2926 ലിറ്റർ മദ്യവും ഷിഗാവിൽ നിന്ന് 300 ലിറ്റർ മദ്യവുമാണ് പിടിച്ചെടുത്തത്. ഷിഗാവിൽ നിന്ന് 8.2 കിലോഗ്രാം…