Month: September 2024

ബെംഗളൂരു: അർജുന്റെ കുടുംബത്തിന് സഹായധനം പ്രഖ്യാപിച്ച് കർണാടക സർക്കാർ. അഞ്ച് ലക്ഷം രൂപ കുടുംബത്തിന് ആശ്വാസ ധനമായി നൽകുമെന്നാണ് പ്രഖ്യാപനം. ഷിരൂരിലെ ഗംഗാവലി പുഴയിൽ നിന്നെടുത്ത ലോറിക്കുള്ളിലെ മൃതദേഹം അർജുന്റേത് തന്നെയെന്ന് നേരത്തെ ഡി.എൻ.എ പരിശോധനയിലൂടെ സ്ഥിരീകരിച്ചിരുന്നു. മൃതദേഹം ബന്ധുക്കൾക്ക് കൈമാറി. നാളെ രാവിലെ ആറുമണിയോടെ മൃതദേഹം വീട്ടിലെത്തിക്കും,​ വീട് വരെ കർണാടക പോലീസ് ആംബുലൻസിനെ അനുഗമിക്കും. കർണാടക പോലീസിലെ സിഐ റാങ്കിലുള്ള ഉദ്യോഗസ്ഥനാണ് അർജുനുമായെത്തുന്ന ആംബുലൻസിന്റെ സുരക്ഷാ ചുമതല നൽകിയിരിക്കുന്നത്. കാർവാർ എംഎൽഎ സതീഷ് സെയിൽ ആംബുലൻസിനെ അനുഗമിക്കും. നാളെ പുലര്‍ച്ചെ അഞ്ച്…

ബെംഗളൂരു: ഓണ്‍ലൈൻ വ്യാപാരത്തില്‍ പങ്കാളിയാക്കാമെന്ന് പറഞ്ഞ് അഞ്ചേ മുക്കാല്‍ കോടി രൂപ തട്ടിയെന്ന പരാതിയില്‍ യുവതി അറസ്റ്റില്‍. പന്തീരങ്കാവ് പോലീസ് രജിസ്റ്റർ ചെയ്ത കേസില്‍ പ്രതി മലപ്പുറം വക്കല്ലൂർ പുളിക്കല്‍ ഫാത്തിമ സുമയ്യ (25) യെയാണ് ബെംഗളൂരു വിമാനത്താവളത്തില്‍ നിന്ന് അറസ്റ്റ് ചെയ്തത്. തട്ടിപ്പ് നടത്തി വിദേശത്തേക്ക് പോയ പ്രതികളെ കണ്ടെത്താൻ പോലീസ് ലുക്കൗട്ട് സർക്കുലർ പുറത്തിറക്കിയിരുന്നു. ബുധനാഴ്ച ബെംഗളൂരു വിമാനത്താവളത്തില്‍ പ്രതി ഇറങ്ങിയപ്പോള്‍ വിമാനത്താവള അധികൃതർ തടഞ്ഞുവച്ച്‌ പോലീസില്‍ വിവരമറിയിക്കുകയായിരുന്നു. കേസില്‍ മറ്റൊരു പ്രതി ഫാത്തിമ സുമയ്യയുടെ ഭർത്താവ് ഫൈസല്‍ ബാബു വിദേശത്താണ്.…

ബെംഗളൂരു: സംസ്ഥാനത്ത് സിബിഐ അന്വേഷണത്തിന് അനുമതി നല്‍കിക്കൊണ്ടുള്ള വിജ്ഞാപനം പിന്‍വലിച്ച് സര്‍ക്കാര്‍. മുഡ ഭൂമി തട്ടിപ്പ് കേസില്‍ മുഖ്യമന്ത്രി സിദ്ധരാമക്കെതിരെ സിബിഐ അന്വേഷണം വേണമെന്ന ആവശ്യമുയരുന്നതിനിടെയാണ് നടപടി. മുഡ കുംഭകോണത്തില്‍ കര്‍ണാടക ഹൈക്കോടതി അന്വേഷണത്തിന് ഉത്തരവിടുകയും ചെയ്തിരുന്നു. മുഖ്യമന്ത്രി സിദ്ധരാമയ്യയുടെ അധ്യക്ഷതയില്‍ ചേര്‍ന്ന മന്ത്രിസഭാ യോഗത്തിന് ശേഷം നിയമ മന്ത്രി എച്ച് കെ പാട്ടീല്‍ ആണ് ഇക്കാര്യം പ്രഖ്യാപിച്ചത്. മുഡ ഭൂമി തട്ടിപ്പ് കേസ് സിബിഐക്ക് വിടണമെന്ന് പ്രതിപക്ഷമായ ബിജെപിയും ആവശ്യപ്പെട്ടിരുന്നു. ഈ ആവശ്യം നിലനില്‍ക്കുന്നതിനിടെയാണ് കര്‍ണാടക സര്‍ക്കാരിന്റെ പുതിയ നീക്കം. ഏജന്‍സി പക്ഷപാതമായാണ്…

ബെംഗളൂരു : കോറമംഗലയിൽ യുവാവ് വനിതകളുടെ പെയിങ് ഗസ്റ്റ് (പി.ജി.) മുറിയിലെത്തി യുവതിയെ കുത്തിക്കൊലപ്പെടുത്തിയതിന്റെ ഞെട്ടൽമാറും മുൻപാണ് നഗരത്തിൽത്തന്നെ യുവതിയെ കൊന്ന് കഷണങ്ങളാക്കി ഫ്രിഡ്ജിൽ വെച്ച സംഭവമുണ്ടായത്. നഗരത്തിൽ കൊലപാതകങ്ങൾ തുടർക്കഥയാകുന്നത് ആശങ്കയ്ക്കിടയാക്കുകയാണ്. സ്ത്രീ സുരക്ഷയ്ക്ക് മുൻഗണന നൽകുമെന്ന് സർക്കാർ ആവർത്തിക്കുമ്പോഴും സ്ത്രീകൾ കൊല്ലപ്പെടുകയോ ആക്രമിക്കപ്പെടുകയോ ചെയ്യുന്നതിന് കുറവുണ്ടാകുന്നില്ല. കഴിഞ്ഞ ജൂലായിലാണ് കോറമംഗലയിൽ യുവതിയെ പെയിങ് ഗസ്റ്റ് മുറിയിലെത്തി യുവാവ് കുത്തിക്കൊലപ്പെടുത്തിയത്. ബിഹാർ സ്വദേശിനി കൃതി കുമാരിയാണ് (24) കൊല്ലപ്പെട്ടത്. യുവതിയെ കത്തിയുപയോഗിച്ച് കുത്തുന്നതും യുവതി നിലവിളിക്കുന്നതും സി.സി.ടി.വി. ദൃശ്യത്തിൽ വ്യക്തമായിരുന്നു. ആക്രമിച്ചശേഷം രക്ഷപ്പെട്ട…