Day: 22 August 2024

ബെംഗളൂരു: ശിവമൊഗ്ഗ അയനൂർ ഗ്രാമത്തില്‍ ബുധനാഴ്ച പാചക വാതക സിലിണ്ടർ പൊട്ടിത്തെറിച്ച്‌ ബേക്കറി കത്തി നശിച്ചു. ഉടമയും ജീവനക്കാരും ഓടിരക്ഷപ്പെട്ടതിനാല്‍ ആളപായമില്ല. അയനൂർ ഹനഗെരെ റോഡിലെ എസ്.എല്‍.വി അയ്യങ്കാർ ബേക്കറിയിലാണ് സ്ഫോടനം നടന്നത്. രണ്ടാമത് സിലിണ്ടർ പൊട്ടിത്തെറിച്ചതോടെ സമീപത്തെ കടയിലും തീ പടർന്നു. അവിടെയുള്ളവരും ഭയന്ന് ഓടി രക്ഷപ്പെട്ടു. സ്ഫോടനം നടന്നതിന്റെ അധികം അകലെയല്ലാതെ പെട്രോള്‍ പമ്പ് പ്രവർത്തിക്കുന്നുണ്ട്. അഗ്നിശമന സേന കുതിച്ചെത്തി രക്ഷാപ്രവർത്തനം നടത്തിയതിനാല്‍ വൻ ദുരന്തം ഒഴിവായി.

ബെംഗളൂരു: ഒരു കുറിപ്പിലൂടെ ബെംഗളൂരുവിലെ ഒരു വീട്ടുടമസ്ഥൻ ഇപ്പോള്‍ സമൂഹ മാധ്യമങ്ങളില്‍ താരമാവുകയാണ്. കാര്യം മറ്റൊന്നുമല്ല, തന്‍റെ വീട്ടില്‍ താമസിക്കുന്ന വാടകക്കാരോടുള്ള ഇദ്ദേഹത്തിന്‍റെ പെരുമാറ്റമാണ് സമൂഹ മാധ്യമ ഉപയോക്താക്കള്‍ക്കിടയില്‍ അദ്ദേഹത്തെ താരമാക്കിയത്. ബെംഗളൂരുവിലെ ഒരു വാടകക്കാരനാണ് തന്‍റെ വീട്ടുടുമയുമായുള്ള അപൂർവ്വ സൗഹൃദത്തിന്‍റെ കഥ സമൂഹ മാധ്യമ പ്ലാറ്റ്ഫോമായ റെഡ്ഡിറ്റില്‍ പങ്കുവെച്ചത്. 65 കാരനായ തന്‍റെ വീട്ടുടമ വലിയൊരു മനസിന് ഉടമയാണെന്നും കഴിഞ്ഞ അഞ്ച് വർഷത്തോളമായി താൻ അദ്ദേഹത്തിന്‍റെ വീട്ടിലാണ് താമസിക്കുന്നത് എങ്കിലും ഒരു രൂപ പോലും അദ്ദേഹം ഇതുവരെയായും വാടക കൂട്ടിയിട്ടില്ലെന്നുമാണ് സമൂഹ മാധ്യമങ്ങളില്‍…

ബെംഗളൂരു: ഭർത്താവില്‍ നിന്ന് പ്രതിമാസം ആറുലക്ഷം രൂപ ജീവനാംശം ആവശ്യപ്പെട്ട സ്ത്രീയ്ക്ക് കോടതിയുടെ രൂക്ഷവിമർശനം. ഇത്രയും തുക ഒരാള്‍ക്ക് ഒരുമാസം ചെലവിന് വേണമെങ്കില്‍ ഹർജിക്കാരി ഒറ്റയ്ക്ക് സമ്പാദിക്കട്ടെ എന്നായിരുന്നു ഹൈക്കോടതിയിലെ വനിതാ ജഡ്ജിയുടെ വാക്കുകള്‍. പ്രതിമാസം ന്യായമായ തുക ആവശ്യപ്പെടുകയാണെങ്കില്‍ ഹർജി പരിഗണിക്കാമെന്നും അല്ലെങ്കില്‍ ഹർജി തള്ളുമെന്നും കോടതി ഹർജിക്കാരിയുടെ അഭിഭാഷകനോട് വ്യക്തമാക്കി. ഓഗസ്റ്റ് 20-ന് നടന്ന കോടതി നടപടികളുടെ വീഡിയോ സാമൂഹികമാധ്യമങ്ങളിലും വൈറലായി. കർണാടക സ്വദേശിനിയായ രാധ മുനുകുന്തളയാണ് ഭർത്താവ് നരസിംഹയില്‍ നിന്ന് പ്രതിമാസം ജീവനാംശമായി ലഭിക്കേണ്ട തുക ഉയർത്തണമെന്ന് ആവശ്യപ്പെട്ട് ഹൈക്കോടതിയെ…

ബെംഗളൂരു : ‘മുഡ’ ഭൂമി കൈമാറ്റത്തിൽ മുഖ്യമന്ത്രി സിദ്ധരാമയ്യയെ കുറ്റവിചാരണ ചെയ്യാൻ അനുമതി നൽകിയ ഗവർണർ താവർചന്ദ് ഗഹ്‌ലോതിനെതിരായ പ്രക്ഷോഭത്തിന്റെ ഭാഗമായി പന്തംകൊളുത്തി പ്രകടനം നടത്തി അഹിന്ദ സമുദായങ്ങൾ. ബെംഗളൂരു ഫ്രീഡം പാർക്കിൽ നടന്ന പന്തം കൊളുത്തി പ്രകടനത്തിൽ ദളിത്- പിന്നാക്ക വിഭാഗങ്ങളിൽപ്പെട്ട നൂറു കണക്കിനു പേർ പങ്കെടുത്തു. അഹിന്ദ സമുദായങ്ങളുടെ കൂട്ടായ്മയായ മഹാ ഒക്കൂട്ടയുടെ നേതൃത്വത്തിലായിരുന്നു പ്രതിഷേധം. പ്രക്ഷോഭത്തിന്റെ ഭാഗമായി 27-നും പ്രതിഷേധ സമ്മേളനം സംഘടിപ്പിക്കും. ദളിത് സമുദായങ്ങളിലെ നേതാക്കൾ സമ്മേളനത്തിൽ പങ്കെടുക്കും. അഹിന്ദ സമുദായങ്ങളുടെ നേതാവായാണ് സിദ്ധരാമയ്യയെ കണക്കാക്കുന്നത്.

ബെംഗളൂരു : സിദ്ധരാമയ്യയെ കുറ്റവിചാരണ ചെയ്യാൻ അനുമതിനൽകിയ കർണാടക ഗവർണർ താവർചന്ദ് ഗഹ്‌ലോതിന് ബുള്ളറ്റ് പ്രൂഫ് കാർ അനുവദിച്ച് സർക്കാർ. ഗവർണർക്ക് സുരക്ഷാഭീഷണിയുണ്ടെന്ന റിപ്പോർട്ടിനെത്തുടർന്നാണിത്. സിദ്ധരാമയ്യയെ കുറ്റവിചാരണചെയ്യാൻ അനുമതി നൽകിയതിനെതിരേ കോൺഗ്രസ് പ്രവർത്തകരും നേതാക്കളും ഗവർണർക്കെതിരേ കടുത്ത പ്രതിഷേധമുയർത്തിയിരുന്നു. തിങ്കളാഴ്ച ഗവർണർക്കെതിരേ പ്രതിഷേധംനടത്തി. ഇതിൽ ചിലനേതാക്കൾ ഗവർണർക്കെതിരേ ഭീഷണിസ്വരത്തിൽ സംസാരിക്കുകയുംചെയ്തു. മുൻപ്‌ ഗവർണർക്ക് സർക്കാർ ബുള്ളറ്റ്‌കാർ അനുവദിച്ചതാണെങ്കിലും സ്വീകരിച്ചിരുന്നില്ല.