Day: 6 August 2024

ബെംഗളൂരു :  ഉപയോഗരഹിതമായ സ്ഥലങ്ങൾ വൃത്തിഹീനമായിട്ടിടുന്ന സ്ഥലമുടമകൾക്ക് നോട്ടീസുനൽകാനും പിഴചുമത്താനും തുഷാർ ഗിരിനാഥ് പറഞ്ഞു. കോർപ്പറേഷന്റെ ഓരോസോണിന്റെയും പരിധികളിലെ ഒഴിഞ്ഞസ്ഥലങ്ങൾ കണ്ടെത്തണം. ഈ സ്ഥലങ്ങളെ വസ്തുനികുതിയുടെ പരിധിയിൽ കൊണ്ടുവരാനും കമ്മിഷണർ നിർദേശംനൽകി. നഗരത്തിലെ റോഡുകളുടെ വൈറ്റ് ടോപ്പിങ് ജോലികൾ വേഗത്തിൽ പൂർത്തിയാക്കും. മൊബൈൽ പോലീസ് ഉദ്യോഗസ്ഥരുടെ സഹകരണത്തോടെവേണം വൈറ്റ് ടോപ്പിങ് ജോലികൾ ചെയ്യാനെന്നും സമയബന്ധിതമായി പൂർത്തിയാക്കണമെന്നും കമ്മിഷണർ പറഞ്ഞു.

ബെംഗളൂരു : നഗരത്തിലെ അനധികൃത പരസ്യബാനറുകൾ പ്രിന്റുചെയ്യുന്ന സ്ഥാപനങ്ങൾക്കെതിരേ കർശനനടപടിയുമായി ബെംഗളൂരു കോർപ്പറേഷൻ. പരിധിയിലെ അനധികൃതപരസ്യങ്ങൾ ഇല്ലാതാക്കാൻ പ്രസ്സുകൾക്ക് നോട്ടീസയക്കും. അനധികൃതപരസ്യങ്ങൾ പ്രിന്റുചെയ്യുന്നതിനെതിരേ ഫ്ളെക്സ്, ബാനർ പ്രിന്റിങ് സ്ഥാപനങ്ങൾക്ക് ഇതുസംബന്ധിച്ച് മുന്നിറിയിപ്പുനൽകി. നിയമം ലംഘിക്കുന്നവർക്ക് രണ്ടുലക്ഷം രൂപ പിഴയും ഒരുവർഷം തടവും ലഭിക്കുമെന്ന് ബി.ബി.എം.പി. ചീഫ് കമ്മിഷണർ തുഷാർ ഗിരിനാഥ് പറഞ്ഞു. പ്രിന്റിങ് സ്ഥാപനങ്ങളക്കുറിച്ചുള്ള റിപ്പോർട്ട് സമർപ്പിക്കാൻ ഉദ്യോഗസ്ഥർക്ക് നിർദേശംനൽകി. ബി.ബി.എം.പി.യുടെ അനുമതിയില്ലാതെ ഫ്ളക്സുകളും ബാനറുകളും പ്രിന്റുചെയ്യരുത്. അനുമതിയുടെ പകർപ്പ് പ്രിന്റിങ് സ്ഥാപനങ്ങളിൽ കാണിക്കണം. പകർപ്പ് കോർപ്പറേഷനിൽനിന്നുതന്നെ ഉള്ളതാണെന്ന് പ്രിന്റർമാർ ഉറപ്പാക്കണമെന്നും കമ്മിഷണർ നിർദേശിച്ചു.…