Month: May 2024

ബെംഗളൂരു : ഇന്ന് നഗരത്തിൽ നടക്കാൻ ഇരിക്കുന്ന ഐ.പി.എൽ. ക്രിക്കറ്റ് മത്സരത്തെ തുടര്‍ന്ന് ചിന്നസ്വാമി സ്റ്റേഡിയത്തിന്‍റെ സമീപ പ്രദേശങ്ങളില്‍ ഇന്ന് (ഞായറാഴ്ച) ഗതാഗതനിയന്ത്രണം ഏര്‍പ്പെടുത്തി ട്രാഫിക് പോലീസ്. ഉച്ചയ്ക്ക് മൂന്നുമുതൽ രാത്രി 11 വരെയാണ് നിയന്ത്രണമേർപ്പെടുത്തിയിരിക്കുന്നത്. ട്രാഫിക് നിരോധനം ഏർപ്പെടുത്തിയിരിക്കുന്ന മേഖലകൾ; അനിൽകുംബ്ലെ സർക്കിളിൽ നിന്ന് കബൺപാർക്ക് റോഡിലേക്ക് പ്രവേശിക്കുന്നത്‌ ട്രാഫിക് പോലീസ് നിരോധിച്ചിട്ടുണ്ട്. വാഹനങ്ങൾ പാർക്ക് ചെയ്യുന്നത് പൂർണമായും നിരോധിച്ച മേഖലകൾ; ക്വീൻസ് റോഡ്, എം.ജി. റോഡ്, രാജ്ഭവൻ റോഡ്, സെൻട്രൽ സ്ട്രീറ്റ് റോഡ്, കബൺ റോഡ്, സെയ്ന്റ് മാർക്ക്‌സ് റോഡ്, മ്യൂസിയം…

ബെംഗളൂരു : കർണാടക മുൻ മുഖ്യമന്ത്രിയും ബി.ജെ.പി. നേതാവുമായ എസ്.എം. കൃഷ്ണയെ (92) ബെംഗളൂരു മണിപ്പാൽ ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചു. രണ്ടാഴ്ചയോളമായി ചികിത്സയിലായിരുന്ന അദ്ദേഹത്തെ ശനിയാഴ്ചയാണ് ഐ.സി.യു.വിൽ പ്രവേശിപ്പിച്ചത്. ഡോ. സത്യനാരായണ മൈസൂർ, ഡോ. സുനിൽ കാരന്തിന്റെ നേതൃത്വത്തിലുള്ള ക്രിട്ടിക്കൽ കെയർ സംഘം എന്നിവരാണ് എസ്.എം. കൃഷ്ണയെ ചികിത്സിക്കുന്നത്. ഏപ്രിൽ 29-നാണ് അദ്ദേഹത്തെ ശ്വാസകോശ അണുബാധയെത്തുടർന്ന് മണിപ്പാൽ ആശുപത്രിയിൽ പ്രവേശിപ്പിച്ചത്.

ബെംഗളൂരു: കഴിഞ്ഞ കുറച്ച് വർഷങ്ങളായി വസ്തു നികുതി കുടിശ്ശിക തീർക്കുന്നതിൽ വീഴ്ച വരുത്തിയതിനാൽ ബിബിഎംപിയുടെ റവന്യൂ ഉദ്യോഗസ്ഥർ മല്ലേശ്വരത്തെ മന്ത്രി സ്‌ക്വയർ മാൾ സീൽ ചെയ്യുകയും ട്രേഡ് ലൈസൻസ് സസ്പെൻഡ് ചെയ്യുകയും ചെയ്തു. മാളിന് 50 കോടിയിലധികം വസ്തു നികുതി കുടിശ്ശിക വന്നിട്ടുണ്ടെന്ന് അധികൃതർ പറഞ്ഞു. കഴിഞ്ഞ കുറച്ച് വർഷങ്ങളായി ബിബിഎംപി മാൾ ഒന്നിലധികം തവണയാണ് സീൽ ചെയ്തത്. അവസാനമായി മാർച്ച് 16 ന് രാവിലെ 8.30ഓടെ മാളിലെത്തി സിവിൽ ഉദ്യോഗസ്ഥർ മാർഷലുകളുടെയും പോലീസിൻ്റെയും സഹായത്തോടെ മാൾ  മുദ്രവെക്കുകയായിരുന്നു. മാളിൽ പലതവണ ഡിമാൻഡ് നോട്ടീസ്…

ബെംഗളൂരു: വീട്ടില്‍ ഒറ്റയ്ക്കായിരുന്ന ടെക്കി യുവതിക്ക് നേരേ ലൈംഗികാതിക്രമം നടത്തിയെന്ന കേസില്‍ യുവാവ് അറസ്റ്റില്‍. വാട്ടര്‍ പ്യൂരിഫയര്‍ ടെക്നീഷ്യനായ യുവാവിനെയാണ് പോലീസ് അറസ്റ്റ് ചെയ്തത്. മേയ് നാലാം തീയതിയായിരുന്നു കേസിനാസ്പദമായ സംഭവം. ബേഗൂരില്‍ താമസിക്കുന്ന 30-കാരിക്ക് നേരേയാണ് വാട്ടര്‍ പ്യൂരിഫയര്‍ സര്‍വീസിനെത്തിയ ടെക്നീഷ്യന്‍ അതിക്രമം കാട്ടിയത്. സംഭവദിവസം വൈകിട്ട് അഞ്ചുമണിയോടെയാണ് പ്രതി യുവതിയുടെ വീട്ടിലെത്തിയത്. തുടര്‍ന്ന് പ്യൂരിഫയര്‍ സംബന്ധിച്ചുള്ള പ്രശ്നം പരാതിക്കാരി വിവരിച്ചുനല്‍കി. തുടര്‍ന്ന് ടെക്നീഷ്യന്‍ വീടിനകത്ത് പ്രവേശിക്കുകയും ജോലി ആരംഭിക്കുകയുംചെയ്തു. ഇതിനിടെ, വീടിന്റെ മെയിന്‍ സ്വിച്ച്‌ ഓഫ് ചെയ്യാനും പ്രതി ആവശ്യപ്പെട്ടിരുന്നു. ടെക്നീഷ്യനെ…

ബെംഗളൂരു: പ്രജ്വൽ രേവണ്ണക്കെതിരായ ലൈംഗികാതിക്രമ കേസ് സി.ബി.ഐക്ക് വിടേണ്ട ആവശ്യമില്ലെന്ന് മുഖ്യമന്ത്രി സിദ്ധരാമയ്യ. നിയമപരമായ അന്വേഷണം കേസിൽ പോലീസ് നടത്തുമെന്ന് ആത്മവിശ്വാസമുണ്ട്. അതുകൊണ്ട് കേസ് നിലവിൽ സി.ബി.ഐക്ക് വിടേണ്ട ആവശ്യമില്ലെന്ന് സിദ്ധരാമയ്യ പറഞ്ഞു. ജെ.ഡി.എസ് അധ്യക്ഷൻ എച്ച്.ഡി കുമാരസ്വാമി കേസ് സി.ബി.ഐക്ക് വിടാൻ അഭ്യർഥിച്ചതിനെ കുറിച്ചുള്ള ചോദ്യത്തിനായിരുന്നു സിദ്ധരാമയ്യയുടെ മറുപടി. ബി.ജെ.പി ഒരു കേസെങ്കിലും സി.ബി.ഐക്ക് വിട്ടിട്ടുണ്ടോയെന്ന് സിദ്ധരാമയ്യ ചോദിച്ചു. കോൺഗ്രസ് സർക്കാർ ഭരിച്ചിരുന്ന സമയത്ത് ഡോ.രവി കേസ്, ലോട്ടറി കേസ്, ​മന്ത്രി കെ.ജി ജോർജിനെതിരായ ആരോപണങ്ങൾ എന്നിവയെല്ലം സി.ബി.ഐക്ക് വിട്ടു. ഈ കേസുകളിൽ…

ബെംഗളൂരു : നഗരത്തിൽ 14 വരെ ഇടിമിന്നലോടുകൂടിയ വേനൽമഴ ലഭിക്കുമെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. ഇതിന്റെ ഭാഗമായി മഞ്ഞമുന്നറിയിപ്പും പുറപ്പെടുവിച്ചു. ഈദിവസങ്ങളിൽ നഗരത്തിലെ കുറഞ്ഞതാപനില 23 ഡിഗ്രിസെൽഷ്യസും കൂടിയ താപനില 33 ഡിഗ്രിസെൽഷ്യസുമായിരിക്കും. തീരദേശ ജില്ലകളിൽ 12, 13 തീയതികളിൽ ശക്തമായ മഴ ലഭിക്കുമെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പുനൽകി. അതേസമയം, കഴിഞ്ഞ ഏതാനും ദിവസങ്ങളിലായി നഗരത്തിൽ വേനൽമഴ ലഭിക്കുന്നുണ്ട്. ഇന്ദിരാനഗർ, മാറത്തഹള്ളി, വിജയനഗർ, സി.വി. രാമൻനഗർ, രാമമൂർത്തിനഗർ, കെ.ആർ. പുരം, ഹൂഡി, മഹാദേവപുര, ബാനസവാടി തുടങ്ങിയ പ്രദേശങ്ങളിൽ വലിയതോതിലുള്ള വെള്ളക്കെട്ടും രൂപപ്പെട്ടിരുന്നു. നഗരത്തിൽ വിവിധയിടങ്ങളിൽ…