Month: May 2024

ബെംഗളൂരു : ലോക്‌സഭാ തിരഞ്ഞെടുപ്പിനോടനുബന്ധിച്ചുള്ള മാതൃകാപെരുമാറ്റച്ചട്ടം നിലവിൽവന്നശേഷം കർണാടകത്തിൽനിന്ന് തിരഞ്ഞെടുപ്പ് കമ്മിഷൻ പിടിച്ചെടുത്തത് 557.69 കോടി രൂപ. പെരുമാറ്റച്ചട്ടം നിലവിൽവന്ന മാർച്ച് 16 മുതൽ തിരഞ്ഞെടുപ്പുകഴിഞ്ഞ മേയ് ഏഴുവരെയുള്ള കാലയളവിലാണ് ഇത്രയുംതുക പിടിച്ചെടുത്തത്. കർണാടകത്തിൽ ആദ്യമായിട്ടാണ് തിരഞ്ഞെടുപ്പിനോടനുബന്ധിച്ച് ഇത്രയുംതുക പിടിച്ചെടുക്കുന്നത് 2019 ലോക്‌സഭാതിരഞ്ഞെടുപ്പുസമയത്ത് 88.27 കോടി രൂപയായിരുന്നു പിടിച്ചെടുത്തത്. കഴിഞ്ഞ ഓഗസ്റ്റ് മുതൽ മാർച്ച് 16 വരെ സംസ്ഥാനത്തുനിന്ന് 537 കോടി വിലമതിക്കുന്ന വസ്തുക്കളും പിടിച്ചെടുത്തിരുന്നു. 151 കോടി രൂപ, 42 കോടിയുടെ മദ്യം, 126 കോടിയുടെ ലഹരിമരുന്ന്, 71 കോടിയുടെ സ്വർണം, 144…

ബെംഗളൂരു : പോട്ടറി ടൗണിൽ നിർമാണത്തിലുള്ള മെട്രോ സ്റ്റേഷനു സമീപം റോഡിൽ കുഴി രൂപപ്പെട്ടതിനാൽ വാഹനഗതാഗതത്തിന് നിയന്ത്രണമേർപ്പെടുത്തി. ബോർ ബാങ്ക് റോഡിൽനിന്ന് ബെൻസൺ ടൗൺ, നന്ദി ദുർഗ റോഡ് ഭാഗങ്ങളിലേക്ക് പോകേണ്ടവർ ഹൈൻസ് റോഡ് ഉപയോഗിക്കണമെന്ന് അധികൃതർ അറിയിച്ചു. റോഡ് തകർന്നത് ബോർ ബാങ്ക് റോഡിൽനിന്ന് ബെൻസൺ ടൗണിലേക്കു പോകുന്ന യാത്രക്കാർക്കാണ് ബുദ്ധിമുട്ടായത്. മെട്രോ നിർമാണപ്രവർത്തനങ്ങൾക്ക് കുഴിയെടുക്കുന്നതിനായി താത്കാലികമായി സ്ഥാപിച്ചിരുന്ന ഉപകരണം വീണാണ് റോഡ് തകർന്നത്. അറ്റകുറ്റപ്പണികൾ പൂർത്തിയാകുന്നതുവരെ ഈ ഭാഗത്തുകൂടിയുള്ള വാഹനഗതാഗതം നിരോധിച്ചെന്ന് അധികൃതർ അറിയിച്ചു. റോഡ് നന്നാക്കുന്ന ജോലികൾ ബാംഗ്ലൂർ മെട്രോ…

ബെംഗളൂരു : മൂന്നുദിവസങ്ങളിലായി നഗരത്തിൽ പെയ്ത വേനൽമഴയിൽ കടപുഴകി വീണത് 152 മരങ്ങൾ. ബെംഗളൂരു കോർപ്പറേഷന്റേതാണ് കണക്ക്. മരം വീണതിനെത്തുടർന്ന് വിവിധ ഭാഗങ്ങളിൽ വ്യാപകമായി വൈദ്യുതി തടസ്സവുമുണ്ടായി. പലയിടങ്ങളിലും ഗതാഗതം താറുമാറായി. എന്നാൽ ജീവനക്കാരുടെ ഇടപെടലിനെത്തുടർന്ന് നിശ്ചിത സമയത്തിനുള്ളിൽതന്നെ മരങ്ങൾ നീക്കം ചെയ്യാൻ കഴിഞ്ഞതായും കോർപ്പറേഷൻ അറിയിച്ചു. ഹെബ്ബാൾ സർക്കിൾ, ജയമഹൽ റോഡ്, യെലഹങ്ക, കെ.ആർ. മാർക്കറ്റ്, ടിൻ ഫാക്ടറി, നയന്തനഹള്ളി, ബെന്നിഗനഹള്ളി, എസ്. ജെ.പി. റോഡ്, മൈസൂരു റോഡ്, രാമമൂർത്തി നഗർ, വദ്ദരപ്പാളയ എന്നിവിടങ്ങളിൽ വേനൽമഴയിൽ വലിയതോതിൽ വെള്ളക്കെട്ട് രൂപപ്പെട്ടു. മഴക്കാലമെത്തുന്നതിന് മുമ്പ്…

ബെംഗളൂരു : വ്യാഴാഴ്ചരാത്രി പെയ്ത കനത്തമഴയെത്തുടർന്ന് വെള്ളിയാഴ്ച ബെംഗളൂരു കെംപെഗൗഡ അന്താരാഷ്ട്ര വിമാനത്താവളത്തിലേക്കുള്ള 17 വിമാനങ്ങൾ വഴിതിരിച്ചുവിട്ടു. 13 ആഭ്യന്തരവിമാനങ്ങളും മൂന്ന് അന്താരാഷ്ട്ര വിമാനങ്ങളും ഒരു ചരക്കുവിമാനവുമാണ് ചെന്നൈയിലേക്ക് വഴിതിരിച്ചുവിട്ടത്. ഡൽഹി, ഹൈദരാബാദ്, ജയ്പുർ, ജാംനഗർ, കൊൽക്കത്ത, ലഖ്നൗ, പുണെ, മധുര, റാഞ്ചി എന്നിവിടങ്ങളിൽ നിന്നുള്ള ഇൻഡിഗോ, എയർ ഇന്ത്യ, എയർ ഇന്ത്യ എക്സ്പ്രസ്, വിസ്താര, ആകാശ എയർ, സ്റ്റാർ എയർ എന്നീ കമ്പനികളുടെ ആഭ്യന്തരസർവീസുകളും സിങ്കപ്പൂർ എയർലൈൻ, ഇത്തിഹാദ്, കെ.എൽ.എം. എന്നിവയുടെ അന്താരാഷ്ട്ര സർവീസുകളുമാണ് തിരിച്ചുവിട്ടത്. വ്യാഴാഴ്ച രാത്രി 9.25-നും 10.29-നും ഇടയിൽ…