ബെംഗളൂരു : നഗരത്തിൽ 14 വരെ ഇടിമിന്നലോടുകൂടിയ വേനൽമഴ ലഭിക്കുമെന്ന് കാലാവസ്ഥാ നിരീക്ഷണകേന്ദ്രം അറിയിച്ചു.
ഇതിന്റെ ഭാഗമായി മഞ്ഞമുന്നറിയിപ്പും പുറപ്പെടുവിച്ചു.
ഈദിവസങ്ങളിൽ നഗരത്തിലെ കുറഞ്ഞതാപനില 23 ഡിഗ്രിസെൽഷ്യസും കൂടിയ താപനില 33 ഡിഗ്രിസെൽഷ്യസുമായിരിക്കും.
തീരദേശ ജില്ലകളിൽ 12, 13 തീയതികളിൽ ശക്തമായ മഴ ലഭിക്കുമെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പുനൽകി.
അതേസമയം, കഴിഞ്ഞ ഏതാനും ദിവസങ്ങളിലായി നഗരത്തിൽ വേനൽമഴ ലഭിക്കുന്നുണ്ട്. ഇന്ദിരാനഗർ, മാറത്തഹള്ളി, വിജയനഗർ, സി.വി. രാമൻനഗർ, രാമമൂർത്തിനഗർ, കെ.ആർ. പുരം, ഹൂഡി, മഹാദേവപുര, ബാനസവാടി തുടങ്ങിയ പ്രദേശങ്ങളിൽ വലിയതോതിലുള്ള വെള്ളക്കെട്ടും രൂപപ്പെട്ടിരുന്നു.
നഗരത്തിൽ വിവിധയിടങ്ങളിൽ മരംവീണ് വൈദ്യുതിതടസ്സവുമുണ്ടായി.
വൈദ്യുതിതടസ്സം പതിവായ സാഹചര്യത്തിൽ കഴിഞ്ഞദിവസം പരാതികളറിയിക്കാൻ ബെസ്കോം പ്രത്യേക വാട്സാപ്പ് നമ്പറുകൾ സജ്ജമാക്കിയിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
