Month: September 2020

ബെംഗളൂരു: ബാബറി മസ്ജിദ് തകർത്ത കേസിൽ പ്രത്യേക സിബിഐ കോടതി ഇന്ന് വിധിപുറപ്പെടുവിച്ചിരുന്നു. കേസിൽ നിന്നും ബിജെപി മുതിർന്ന നേതാക്കളായ എൽ കെ അദ്വാനി, മുരളി മനോഹർ ജോഷി, മുൻ മുഖ്യമന്ത്രി കല്യാൺ സിംഗ്, ഉമാ ഭാരതി, വിനയ് കടിയാർ എന്നിവരുൾപ്പെടെ 32 പ്രതികളേയും കോടതി കുറ്റവിമുക്തരാക്കി. വിധിയിൽ ബാബറി മസ്ജിദ് പൊളിച്ചത് മുൻകൂട്ടി ആസൂത്രണം ചെയ്തതല്ലെന്നും സംഭവത്തിന് ശക്തമായ തെളിവുകളൊന്നുമില്ലയെന്നും കോടതി പറഞ്ഞു. മാത്രമല്ല സിബിഐ ഉന്നയിച്ച ആരോപണങ്ങൾക്കെതിരെ വ്യക്തമായ തെളിവുകളില്ലെന്നും കോടതി വിലയിരുത്തിയിട്ടുണ്ട്. എന്നാൽ 32 പ്രതികളേയും കുറ്റവിമുക്തരാക്കിയ കോടതി വിധി…

ബെംഗളൂരു: കോവിഡ് രോഗികളുടെ എണ്ണത്തിൽ വൻവർധന. സംസ്ഥാനത്ത് രോഗികൾ ആറ് ലക്ഷത്തിലേക്ക് കടക്കുകയാണ്. ഇന്നലെ 10453 പേർക്കുക്കൂടി രോഗം സ്ഥിരീകരിച്ചതോടെ സംസ്ഥാനത്തെ ഒരു ദിവസത്തെ ഏറ്റവും വലിയ വർധനവാണ് രേഖപ്പെടുത്തിയത്. കോവിഡ് മൂലമുള്ള മരണവും കുത്തനെ ഉയരുന്നു. ബെല്ലാരി, മൈസൂരു, ബെലഗാവി, ബാഗൽകോട്ട, ദക്ഷിണ കന്നഡ എന്നിവിടങ്ങളിലും രോഗികൾ കൂടുകയാണ്. ബംഗളുരുവിലെ സ്ഥിതിയും വെത്യസ്‌ഥമല്ല. നഗരത്തിൽ 4868 പേർക്കുക്കൂടി രോഗം സ്ഥിരീകരിച്ചതോടെ രോഗികൾ 2,28,437 ആയി. നഗരത്തിൽ കോവിഡ് വ്യാപനം കൂടുന്നത് ഈ സ്ഥലങ്ങളിലാണ്: – ഉത്തരഹള്ളി – സിംഗസാന്ദ്ര – കെംപെഗൗഡ – തനിസാന്ദ്ര…

ബെംഗളൂരു: ലഹരിമരുന്നുമായി മലയാളികളടക്കം നാലുപേരെ നർക്കോട്ടിക്സ് കൺട്രോൾ ബ്യൂറോ അറസ്റ്റുചെയ്തു. 750 എം.ഡി.എം.എ. ഗുളികകളുമായി കാർത്തിക് പ്രമോദ് (25), ഫഹീം (23), അബുഹാഷിർ (22), സഹിത് ഷെട്ടി (22) എന്നിവരാണ് അറസ്റ്റിലായത്. ഇവരിൽ പ്രമോദും ഫഹീമും മലയാളികളാണ്. കണ്ണൂർ സ്വദേശികളാണെന്നാണ് സൂചന. കഴിഞ്ഞ രണ്ടുവർഷമായി ഇവർ ബെംഗൂളൂരുവിൽ ലഹരിമരുന്നുവിതരണം നടത്തുന്നുണ്ടെന്ന് എൻ.സി.ബി. ഉദ്യോഗസ്ഥർ പറഞ്ഞു. ഡാർക്ക് വെബ് വഴി നെതർലൻഡ്സിൽനിന്നാണ് ഇവർ ലഹരിമരുന്ന് പാർസൽവഴി ബെംഗളൂരുവിലെത്തിച്ചത്. മേൽവിലാസമില്ലാത്ത പാർസൽവഴി കഴിഞ്ഞ വ്യാഴാഴ്ചയാണ് എം.ഡി.എം.എ. ഗുളികകളെത്തിച്ചത്. കോളേജ് വിദ്യാർഥികൾക്കും യുവാക്കൾക്കുമാണ് മയക്കുമരുന്നെത്തിച്ചിരുന്നത്. തുടർന്ന് എൻ.സി.ബി. നടത്തിയ അന്വേഷണത്തിലാണ്…

ബെംഗളൂരു: കുട്ടി ഉറക്കത്തില്‍ ഞെട്ടി ഉണരുന്നത് പ്രേതബാധ മൂലമാണെന്ന സംശയത്തിന്റെ പേരില്‍ ഒരു മണിക്കൂറോളം തുടര്‍ച്ചയായി മര്‍ദ്ദനമേറ്റ മൂന്ന് വയസുകാരിക്ക് ദാരുണാന്ത്യം. ചിത്രദുര്‍ഗ ജില്ലയിലാണ് സംഭവം. പ്രവീണ്‍, ബേബി ദമ്പതികളുടെ മൂന്ന് വയസുളള പൂര്‍വ്വിക എന്ന പെണ്‍കുട്ടിയാണ് മര്‍ദ്ദനത്തെ തുടര്‍ന്ന് മരിച്ചത്. മാതാപിതാക്കള്‍ കുടിലിന് പുറത്ത് നില്‍ക്കുമ്പോള്‍ സ്വയം പ്രഖ്യാപിത ആള്‍ദൈവവും സഹോദരനും ചേര്‍ന്നാണ് കുട്ടിയെ ഉപദ്രവിച്ചത്. സംഭവത്തില്‍ പ്രതികളായ രാകേഷ്, സഹോദരന്‍ പുരുഷോത്തം എന്നിവരെ കൊലപാതക കുറ്റം ചുമത്തി പൊലീസ് അറസ്റ്റ് ചെയ്തു. കഴിഞ്ഞ ഒരാഴ്ചയായി പൂര്‍വ്വിക രാത്രിയില്‍ നിരന്തരം ഞെട്ടി എഴുന്നേറ്റ്…