എറണാകുളം – ബെംഗളൂരു വന്ദേ ഭാരത് എക്സ്പ്രസ്സ് ഇന്ന് രാത്രി 9 മണിക്ക് സർവീസ് നടത്തും; 6 മണിക്കൂറിലധികം വൈകും
ബെംഗളൂരു: എറണാകുളം ജങ്ഷനിൽ നിന്നും ബെംഗളൂരുവിലേക്ക് സർവീസ് നടത്തുന്ന വന്ദേ ഭാരത് എക്സ്പ്രസ്സ് (ട്രെയിൻ നമ്പർ: 26652) ഇന്ന് (ചൊവ്വാഴ്ച) ഒൻപത് മണിക്കൂറിലധികം വൈകി ഓടും.
ഇന്ന് ഉച്ചയ്ക്ക് 02.20-ന് പുറപ്പെടേണ്ടിയിരുന്ന ട്രെയിൻ, പുതുക്കിയ സമയം അനുസരിച്ച് രാത്രി 09.00 മണിക്ക് മാത്രമായിരിക്കും എറണാകുളം ജങ്ഷനിൽ നിന്നും യാത്ര തിരിക്കുക.
മറുദിശയിൽ നിന്നുമുള്ള പെയറിങ് ട്രെയിൻ (Pairing Train) നിശ്ചിത സമയത്തേക്കാൾ ഏറെ വൈകി ഓടുന്നതിനാലാണ് എറണാകുളത്ത് നിന്നുള്ള സർവീസും പുനഃക്രമീകരിക്കേണ്ടി വന്നതെന്ന് റെയിൽവേ അധികൃതർ അറിയിച്ചു.
ഏകദേശം 6 മണിക്കൂറും 40 മിനിറ്റും വൈകിയാണ് ട്രെയിൻ സർവീസ് ആരംഭിക്കുക. ട്രെയിൻ സമയം മാറിയത് യാത്രക്കാരെ മുൻകൂട്ടി അറിയിച്ചിട്ടുണ്ടെന്നും യാത്രക്കാർക്കുണ്ടായ അസൗകര്യത്തിൽ ഖേദിക്കുന്നതായും റെയിൽവേ വ്യക്തമാക്കി.
