Category: CRIME

ബെംഗളൂരു: അവിഹിതബന്ധമുണ്ടെന്ന് സംശയിച്ച് ഭാര്യയുടെ സുഹൃത്തിനെ ഭർത്താവ് വെട്ടിക്കൊന്നു. ശാന്തേബെന്നൂർ താലൂക്കിലെ ബഡ റോഡിൽ പെട്രോൾ പമ്പിന് സമീപമാണ് സംഭവം നടന്നത്. സന്തോഷ് (33) ആണ് കൊല്ലപ്പെട്ടത്, രംഗസ്വാമി ആണ് കൊലക്കേസ് പ്രതി. കൊല്ലപ്പെട്ട സന്തോഷ് പ്ലാസ്റ്ററിലാണ് ജോലി ചെയ്തിരുന്നത്. ഭാര്യയുമായി അവിഹിത ബന്ധമുണ്ടെന്ന് സംശയിച്ച രംഗസ്വാമി തിങ്കളാഴ്ച രാത്രി 9.45ന് നടുറോഡിൽ സന്തോഷിനെ ക്രൂരമായി കൊലപ്പെടുത്തി. കൊലപാതകത്തിന് ശേഷം രംഗസ്വാമി നേരിട്ട് ചന്നപ്പൂരിലെ വീട്ടിലെത്തി ഭാര്യയെ ആക്രമിക്കുകയായിരുന്നു. കൊലപാതകം നടന്ന സ്ഥലം സന്ദർശിച്ച പൊലീസ് പ്രതിയെ കണ്ടെത്താൻ നായയെ ഉപയോഗിച്ച് ഓപ്പറേഷൻ തുടങ്ങി.…

ബെംഗളൂരു : തുമകൂരുവിൽ 35,000 രൂപയ്ക്കുവേണ്ടി അമ്മയുടെ സഹോദരി വിറ്റ പതിനൊന്നുവയസ്സുകാരിയെ ഒരു വർഷത്തിനുശേഷം ആന്ധ്രാപ്രദേശിലെ ഹിന്ദുപുരത്തുനിന്ന് പോലീസ് രക്ഷപ്പെടുത്തി. തുമകൂരു സ്വദേശിനിയായ 33-കാരിയുടെ മകളെയാണ് ഇളയസഹോദരിയും ഭർത്താവും ചേർന്ന് ഹിന്ദുപുരയിൽ പൗൾട്രി ഫാം നടത്തുന്ന ശ്രീരാമുലു എന്നയാൾക്ക് വിറ്റത്. ദമ്പതിമാർ വാങ്ങിയ പണം തിരികെ കൊടുക്കുന്നതിന് പകരമായിട്ടായിരുന്നു കുട്ടിയെ വിറ്റതെന്ന് പോലീസ് പറഞ്ഞു. യുവതിയുടെ സഹോദരിയും ഭർത്താവും പെൺകുട്ടിയെ സംരക്ഷിക്കാമെന്നുപറഞ്ഞാണ് കഴിഞ്ഞവർഷം ഹിന്ദുപുരത്തേക്ക് കൊണ്ടുപോയത്. കുട്ടിയെ സ്കൂളിൽ ചേർത്തെന്ന് അമ്മയെ അറിയിച്ചിരുന്നു. എന്നാൽ, ഒരുവർഷമായിട്ടും മകളെ തിരിച്ചെത്തിക്കാത്തതിനാൽ യുവതി സഹോദരി താമസിക്കുന്ന ഹിന്ദുപുരത്തെത്തിയപ്പോഴാണ്…

ബെംഗളൂരു : സർക്കാർ സ്ഥാപനമായ ഡി. ദേവരാജ് അരശ് ട്രക്ക് ടെർമിനൽ ലിമിറ്റഡിൽ 47.1 കോടി രൂപയുടെ തട്ടിപ്പുനടത്തിയ കേസിൽ ബി.ജെ.പി. യുടെ മുൻ എം.എൽ.സി. ഡി.എസ്.വീരയ്യ അറസ്റ്റിൽ. കേസന്വേഷിക്കുന്ന പോലീസിന്റെ സി.ഐ.ഡി. വിഭാഗമാണ് അറസ്റ്റ് ചെയ്തത്. വീരയ്യ ചെയർമാനായിരിക്കുമ്പോൾ സ്ഥാപനം ഏറ്റെടുത്തുനടത്തിയ പ്രവൃത്തികളുമായി ബന്ധപ്പെട്ടാണ് കേസ്. ടെൻഡർ വിളിക്കാതെ പ്രവൃത്തി നടത്തിയതുൾപ്പെടെ കണ്ടെത്തിയിരുന്നു. വ്യാജ രേഖ ചമച്ചതായും ആരോപണമുണ്ട്. കേസിൽ വീരയ്യ സമർപ്പിച്ച മുൻകൂർ ജാമ്യ ഹർജി ബെംഗളൂരുവിലെ പ്രത്യേക കോടതി തള്ളിയിരുന്നു. തുടർന്നാണ് അറസ്റ്റ്. സ്ഥാപനത്തിന്റെ ഡെപ്യൂട്ടി ഡയറക്ടറായിരുന്ന എസ്. ശങ്കരപ്പയെ…

ബെംഗളൂരു : രേണുകാസ്വാമി കൊലക്കേസിൽനിന്ന് രക്ഷപ്പെടാൻ നടൻ ദർശൻ ഉപയോഗിച്ച പണത്തിന്റെ ഉറവിടം കണ്ടെത്താനുള്ള ശ്രമത്തിൽ അന്വേഷണോദ്യോഗസ്ഥർ. ഇതിന്റെഭാഗമായി ബെംഗളൂരു മുൻ ഡെപ്യൂട്ടി മേയർ സി.എസ്. റാംമോഹൻ രാജുവിനെ പോലീസ് ചോദ്യംചെയ്തു. ദർശന് 40 ലക്ഷം രൂപ കൈമാറിയത് രാജുവാണെന്ന് പോലീസ് കണ്ടെത്തിയതിനെത്തുടർന്നാണിത്. ബൊമ്മനഹള്ളി വാർഡിൽനിന്നുള്ള ബി.ജെ.പി.യുടെ മുൻ കോർപ്പറേറ്ററാണ് രാജു. താൻ ദർശനോടുവാങ്ങിയ പണം തിരികെനൽകിയതാണെന്നും മറ്റൊന്നും തനിക്കറിയില്ലെന്നും അദ്ദേഹം പോലീസിന് മൊഴിനൽകി. ദർശന്റെ ബെംഗളൂരുവിലെ വീട്ടിൽനിന്ന് പോലീസ് നടത്തിയ തിരച്ചിലിൽ 40 ലക്ഷം രൂപ പിടിച്ചെടുത്തിരുന്നു. ഇത് രാജു കൈമാറിയ പണമാണെന്നുകരുതുന്നു.…

ബെംഗളൂരു: ലൈംഗീകപീഡന കേസുകളിൽ ജനതാദൾ (എസ്) മുൻ എം.പി. പ്രജ്വൽ രേവന്ന സമർപ്പിച്ച ജാമ്യാപേക്ഷയിൽ ഹൈക്കോടതി, പോലീസ് പ്രത്യേക അന്വേഷണ സംഘത്തിന് നോട്ടീസ് അയച്ചു. രണ്ടാഴ്ചയ്ക്കു ശേഷം കേസ് വീണ്ടും പരിഗണിക്കുന്നതിന് മുൻപ് ഇത് സംബന്ധിച്ച് പ്രത്യേകം അറിയിക്കണമെന്നും ജസ്റ്റിസ് കൃഷ്ണ എസ്. ദക്ഷിത് നിർദേശിച്ചു. 4 ലൈംഗീകാതിക്രമ കേസുകളിലെ പ്രതിയാണ് പ്രജ്വൽ, മെയ് 30 ന് അറസ്റ്റിലായ പ്രജ്വൽ ജാമ്യത്തിനായി മജിസ്‌ട്രേറ്റ് കോടതിയെ പലതവണ സമീപിച്ചിട്ടും ലഭിക്കാതെ വന്നതോടെയാണ് ഹൈക്കോടതിയെ സമീപിച്ചത്