ബെംഗളൂരു: കഴിഞ്ഞ ദിവസം കെട്ടിടത്തിൽനിന്ന് വീണ് മരിച്ച മലയാളി യുവാവിന് കോവിഡ് സ്ഥിരീകരിച്ചു.
http://88t.8a2.myftpupload.com/archives/56397
കണ്ണൂർ ശ്രീകണ്ഠാപുരം കൂട്ടമുഖം പുല്ലാംപ്ലാവിൽ ഷെറിൻ ഫിലിപ്പിനാണ് (37) മരണശേഷം കോവിഡ് സ്ഥിരീകരിച്ചത്. ബെംഗളൂരു ബൗറിങ് ആശുപത്രിയിൽ നടന്ന സ്രവ പരിശോധനയാണ് പോസിറ്റീവായത്.
ഇദ്ദേഹത്തിന്റെ മൃതദേഹം സ്വദേശത്തേക്ക് കൊണ്ടുപോയി കോവിഡ് പ്രോട്ടോകോൾ അനുസരിച്ച് നടത്തുമെന്ന് ബന്ധുക്കൾ അറിയിച്ചു. സംസ്ഥാന സർക്കാരിന്റെയും കേരള സർക്കാരിന്റെയും അനുമതി ഇതിനായി ലഭിച്ചതായും ബന്ധുക്കൾ പറഞ്ഞു.
കെട്ടിട നിർമാണ സ്ഥാപനം നടത്തുകയായിരുന്ന ഷെറിൻ കെട്ടിടത്തിന്റെ അറ്റകുറ്റപ്പണിയുമായി ബന്ധപ്പെട്ട് പരിശോധനയ്ക്കാണ് ഫ്രേസർ ടൗണിലെ പാരിഷ് ഹാളിലെത്തിയത്. കെട്ടിടത്തിനുമുകളിൽനിന്ന് ഷീറ്റ് തകർന്നാണ് ഷെറിൻ താഴേക്ക് വീണത്.
