Month: May 2026

ബെംഗളൂരു: നഗരത്തിലെ പ്രധാന ഗതാഗത തടസ്സ കേന്ദ്രമായ ഔട്ടർ റിംഗ് റോഡിലെ (ORR) കുരുക്ക് അഴിക്കാൻ ബസ് മുൻഗണനാ പാതകൾ (BPL) പുനഃസ്ഥാപിക്കുന്നു. സിറ്റി പോലീസ് കമ്മീഷണർ സീമന്ത് കുമാർ സിംഗിന്റെ നേതൃത്വത്തിൽ നടന്ന ഉന്നതതല യോഗത്തിലാണ് ഇതുസംബന്ധിച്ച തീരുമാനമായത്. പൊതുഗതാഗതത്തെ പ്രോത്സാഹിപ്പിക്കാനും ഒറ്റയാൾ യാത്രക്കാരുള്ള വാഹനങ്ങളെ നിരുത്സാഹപ്പെടുത്താനുമാണ് അധികൃതരുടെ നീക്കം. ട്രാഫിക് പോലീസ്, ബി.എം.ടി.സി, മെട്രോ റെയിൽ കോർപ്പറേഷൻ, ഗ്രേറ്റർ ബെംഗളൂരു അതോറിറ്റി (GBA), ഐടി കമ്പനികളുടെ കൂട്ടായ്മയായ ഒ.ആർ.ആർ.സി.എ (ORRCA) എന്നിവർ സംയുക്തമായാണ് പദ്ധതി നടപ്പിലാക്കുന്നത്. പഴയ രൂപത്തിൽ നിന്നും മാറി,…

ബെംഗളൂരു: കാലവർഷം അടുത്തെത്തിയതോടെ ബെംഗളൂരുവിലെ എച്ച്.ബി.ആർ ലേഔട്ട്, ഹെന്നൂർ-ബാഗലൂർ റോഡിന് സമീപമുള്ള സായി ലേഔട്ട് എന്നിവിടങ്ങളിൽ വീണ്ടും പ്രളയഭീതി. കഴിഞ്ഞ വർഷത്തെ കനത്ത വെള്ളപ്പൊക്കത്തിന് പിന്നാലെ മുഖ്യമന്ത്രി സിദ്ധരാമയ്യയും ഉപമുഖ്യമന്ത്രി ഡി.കെ. ശിവകുമാറും പ്രദേശം സന്ദർശിച്ചിരുന്നെങ്കിലും, താഴെത്തട്ടിൽ കാര്യമായ മാറ്റങ്ങളൊന്നും ഉണ്ടായിട്ടില്ലെന്നാണ് പ്രദേശവാസികൾ പരാതിപ്പെടുന്നത്. വർഷാവർഷം ഉണ്ടാകുന്ന വെള്ളപ്പൊക്കം വലിയ സാമ്പത്തിക നഷ്ടവും മാനസിക വിഷമവുമാണ് ഈ മേഖലയിലുള്ളവർക്ക് ഉണ്ടാക്കുന്നത്. കഴിഞ്ഞ വർഷം മാത്രം കാർ അറ്റകുറ്റപ്പണികൾക്കും വീട്ടിലെ ഗൃഹോപകരണങ്ങൾക്കുമായി ആയിരക്കണക്കിന് രൂപ ചെലവാക്കേണ്ടി വന്നുവെന്ന് താമസക്കാർ പറയുന്നു. 2017 മുതൽ തുടരുന്ന ഈ…

ബെംഗളൂരു : നഗരത്തിൽ തെരുവ് നായ ശല്യം രൂക്ഷമാകുന്നതിനിടെ, ശാന്തി നഗറിൽ ആറോളം നായ്ക്കളെ വിഷം നൽകി കൊലപ്പെടുത്തിയ നിലയിൽ കണ്ടെത്തി. അജ്ഞാതർ ഭക്ഷണത്തിൽ വിഷം കലർത്തി നൽകുകയായിരുന്നുവെന്നാണ് സൂചന. രണ്ട് നായ്ക്കളുടെ നില അതീവ ഗുരുതരമായി തുടരുകയാണ്. സംഭവത്തിൽ മൃഗസ്നേഹികൾ കടുത്ത പ്രതിഷേധവുമായി രംഗത്തെത്തി. മെയ് ആറിന് രാജ്കുമാർ ലേഔട്ടിൽ മൂന്ന് വയസ്സുകാരനെ തെരുവ് നായ ആക്രമിച്ച സംഭവത്തിന് പിന്നാലെയാണ് നഗരത്തിൽ ഇത്തരമൊരു ക്രൂരത നടന്നത്. നിലവിൽ ശാന്തി നഗർ മേഖലയിൽ നായ്ക്കളുടെ ആക്രമണം റിപ്പോർട്ട് ചെയ്തിട്ടില്ലെങ്കിലും, മുൻകരുതൽ എന്നോണം ചിലർ വിഷം…

ബെംഗളൂരു: വീട്ടിനുള്ളിൽ ഇലക്ട്രിക് സ്കൂട്ടർ ചാർജ് ചെയ്യുന്നതിനിടെയുണ്ടായ സ്ഫോടനത്തിൽ ഗൃഹനാഥൻ പൊള്ളലേറ്റ് മരിച്ചു. ബെംഗളൂരു അൾസൂരു മർഫി ടൗണിൽ താമസിക്കുന്ന ഓട്ടോ ഡ്രൈവർ ലൂർഡ് നാഥൻ (65) ആണ് മരിച്ചത്. കഴിഞ്ഞ മെയ് 11ന് പുലർച്ചെയായിരുന്നു അപകടം. രാത്രി 11 മണിയോടെ സ്കൂട്ടർ ചാർജ് ചെയ്യാൻ വെച്ച ശേഷം ലൂർഡ് നാഥൻ താഴത്തെ നിലയിലുള്ള മുറിയിൽ ഉറങ്ങാൻ കിടക്കുകയായിരുന്നു. മകൻ ഫ്രാങ്ക് ആന്റണിയും ഭാര്യയും വീടിന്റെ മുകളിലത്തെ നിലയിലായിരുന്നു താമസം. പുലർച്ചെ മൂന്ന് മണിയോടെ വലിയ ശബ്ദത്തോടെ സ്കൂട്ടർ പൊട്ടിത്തെറിക്കുകയും വീടിനുള്ളിലേക്ക് തീ പടരുകയുമായിരുന്നു.…