ബെംഗളൂരു : ഹുബ്ബള്ളിയിൽ സംഘടിപ്പിച്ച സർക്കാർ പരിപാടിയിൽ ഖുർആൻ പാരായണം നടത്തിയത് അടുത്തിടെ വിവാദത്തിന് തിരികൊളുത്തി.
ഓൾഡ് ഹുബ്ബള്ളിയിലെ ദേവരഗുഡിഹാൾ റോഡിലെ വിശാൽ നഗറിലെ 34-ാം വാർഡിൽ ഞായറാഴ്ച നടന്ന പരിപാടിയിൽ ഹുബ്ബള്ളി-ധാർവാഡ് മുനിസിപ്പൽ കോർപ്പറേഷൻ, പൊതുമരാമത്ത് വകുപ്പ്, ഹെസ്കോം വകുപ്പ് എന്നിവയുടെ 10 കോടി രൂപയുടെ പദ്ധതികൾക്ക് തറക്കല്ലിടുകയായിരുന്നു ലക്ഷ്യം.
ജില്ലാ ചുമതലയുള്ള മന്ത്രി സന്തോഷ് ലാഡും സർക്കാർ ഉദ്യോഗസ്ഥരും ചടങ്ങിൽ പങ്കെടുത്തു. എന്നിരുന്നാലും, നിയമസഭാ പ്രതിപക്ഷ ഉപനേതാവും എംഎൽഎയുമായ അരവിന്ദ് ബെല്ലാഡ് പരിപാടിയെ വിമർശിച്ചു, ഉദ്യോഗസ്ഥർ സർക്കാർ പരിപാടി സംഘടിപ്പിച്ചത് ഒരു പാർട്ടി പരിപാടിയായിട്ടാണ് എന്ന് അദ്ദേഹം പറഞ്ഞു.
വേദിയിൽ ഖുർആൻ പാരായണം അനുവദിച്ചുകൊണ്ട് അവർ സർക്കാർ നിയമങ്ങളും പ്രോട്ടോക്കോളും ലംഘിച്ചുവെന്ന് അദ്ദേഹം ആരോപിച്ചു. ഉദ്യോഗസ്ഥർക്കെതിരെ ഉചിതമായ നിയമനടപടി ആവശ്യപ്പെട്ട് ബെല്ലാദ് സർക്കാർ ചീഫ് സെക്രട്ടറിക്ക് ഒരു കത്ത് എഴുതി.
സംഭവത്തിന്റെ വീഡിയോ ദൃശ്യങ്ങൾ പ്രചരിച്ചതിനെത്തുടർന്ന് ബിജെപിയുടെ പ്രതിഷേധം. ഹുബ്ബള്ളി കോർപ്പറേഷനിൽ വിവിധ പദ്ധതികളുടെ നിർമാണോദ്ഘാടന ചടങ്ങിലെ ദൃശ്യങ്ങളാണ് ഓൺലൈനിൽ പ്രചരിച്ചത്.
ധാർവാർഡ് ഡെപ്യൂട്ടി കമ്മിഷണർ ഓഫീസിനുമുന്നിൽ ഹോമം നടത്തിയായിരുന്നു ബിജെപിയുടെ പ്രതിഷേധം. എംഎൽഎ അരവിന്ദ് ബല്ലാഡിന്റെ നേതൃത്വത്തിൽ അരങ്ങേറിയ പ്രതിഷേധം മുല്ലാ മോക്ഷ ഹോമമാണെന്ന് ബിജെപി നേതാക്കൾ പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
