ബെംഗളൂരു : നെലമംഗലയിലെ കുനിഗൽ ബൈപാസിന് സമീപം ബൈക്കും, ലോറിയും കൂട്ടിയിടിച്ച് യുവ നർത്തകർക്ക് ദാരുണാന്ത്യം. അമിത വേഗതയിൽ വന്ന ലോറി മോട്ടോർ സൈക്കിളുമായി കൂട്ടിയിടിക്കുകയായിരുന്നു.
ബംഗളൂരു ശ്രീരാംപുര സ്വദേശികളായ പ്രജ്വൽ (22), സഹന (21) എന്നിവരാണ് മരിച്ചത്. പ്രാദേശിക കലാരംഗത്ത് പ്രശസ്തരായ ഇരുവരും നിരവധി സാംസ്കാരിക പരിപാടികളിൽ ഒരുമിച്ച് പരിപാടികളിൽ പങ്കെടുക്കുന്നവരാണ്.
ചില സിനിമയുടെ ഭാഗമായിട്ടുണ്ട്. തുമകുരു ജില്ലയിലെ കുനിഗലിൽ നൃത്ത പരിപാടി പൂർത്തിയാക്കി ബെംഗളൂരുവിലേക്ക് മടങ്ങവേയാണ് അപകടം.
സംഭവത്തിൽ നെലമംഗല ട്രാഫിക് പൊലീസ് കേസ് രജിസ്റ്റർ ചെയ്തു. കൂടുതൽ അന്വേഷണത്തിൻ്റെ ഭാഗമായി ലോറിയെയും, ഡ്രൈവറെയും കസ്റ്റഡിയിലെടുത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
