Day: 25 January 2025

കണ്ണൂർ – യശ്വന്ത്പുർ എക്സ്‌പ്രസിലെ സ്ലീപ്പർ കോച്ചുകൾ ഞായറാഴ്ച മുതൽ എട്ടായി ചുരുങ്ങും. ഒരു സെക്കൻഡ് എസി കോച്ച് ട്രെയിനിൽ വർധിക്കും. തേർഡ് എസി കോച്ചുകളുടെ എണ്ണത്തിൽ മാറ്റമില്ല. നാല് ജനറൽ കോച്ചുകളും ട്രെയിനിലുണ്ടാകും. ആകെ 11 സ്ലീപ്പർ കോച്ചുകളായിരുന്നു ട്രെയിനിൽ ഉണ്ടായിരുന്നത്. ഇത് ഒൻപതാക്കി കുറക്കുമെന്ന് റെയിഷൽവേ നേരത്തെ തന്നെ പ്രഖ്യാപിച്ചിരുന്നു, കുറയുന്ന രണ്ട് സ്ലീപ്പർ കോച്ചിനുപകരം രണ്ട്‌ ജനറൽ കോച്ചുകൾ വർധിപ്പിക്കുകയാണ് ചെയ്യുന്നത്. രാവിലെ പാലക്കാട് നിന്ന് കോഴിക്കോട്, കണ്ണൂർ ഭാഗങ്ങളിലേക്ക് യാത്ര ചെയ്യുന്നവർക്ക് ആശ്വാസമേകുന്ന തീരുമാനമാണ് ജനറൽ ക്ലാസ് കോച്ചുകൾ…

നടി മഞ്ജു വാര്യരോട് തനിക്ക് പ്രണയമാണെന്ന് സംവിധായകൻ സനൽ കുമാർ ശശിധരൻ മുൻപ് വെളിപ്പെടുത്തിയിരുന്നു. മഞ്ജുവിനും തന്നെ ഇഷ്ടമാണെന്നും എന്നാൽ ആ ഇഷ്ടം തുറന്നുപറയാൻ സാധിക്കാത്തത് അവരുടെ ജീവന് ഭീഷണി ഉള്ളതിനാലാണെന്നായിരുന്നു സനൽ കുമാർ ആരോപിച്ചത്. ഇത് സംബന്ധിച്ച് നിരന്തരം ഫെയ്സ്ബുക്കിൽ കുറിപ്പ് പങ്കുവെച്ചതോടെ മഞ്ജു സനലിനെതിരെ പൊലീസിൽ പരാതി നൽകുകയും ചെയ്തു. നടിയുടെ പരാതിയിൽ പൊലീസ് സനലിനെ അറസ്റ്റ് ചെയ്യുകയും ജാമ്യത്തിൽ വിടുകയും ചെയ്തിരുന്നു. നിലവിൽ അമേരിക്കയിലാണ് സനൽ കുമാർ. കഴിഞ്ഞ കുറച്ച് ദിവസങ്ങളായി മഞ്ജു വാര്യരെ കുറിച്ച് വീണ്ടും ഫെയ്സ്ബുക്കിലൂടെ പോസ്റ്റുകൾ…

ബെംഗളൂരു: മുഡ (മൈസൂരു നഗര വികസന അതോറിറ്റി) അഴിമതിക്കേസിൽ ലോകായുക്ത പോലീസ് അന്വേഷണറിപ്പോർട്ട് ശനിയാഴ്ച ബെംഗളൂരു പ്രത്യേക കോടതിയിൽ നൽകും. അന്വേഷണം വേഗത്തിൽ പൂർത്തിയാക്കി റിപ്പോർട്ട് നൽകാൻ കോടതി നേരത്തേ നിർദേശിച്ചിരുന്നു. ഇതിനിടെ, കേസിൽ മുഖ്യമന്ത്രി സിദ്ധരാമയ്യക്ക് ക്ലീൻചിറ്റ് നൽകുമെന്ന അഭ്യൂഹം ശക്തമാണ്. ഇങ്ങനെ വന്നാൽ, സംസ്ഥാനവ്യാപകമായി സമരം ശക്തമാക്കാനുള്ള തയ്യാറെടുപ്പിലാണ് ബി.ജെ.പി. എന്നാൽ, ക്ലീൻചിറ്റുമായി ബന്ധപ്പെട്ട ഒരു വിവരവും ഔദ്യോഗികമായി ലഭിച്ചിട്ടില്ലെന്ന് സിദ്ധരാമയ്യയുടെ മകനും എം.എൽ.സി.യുമായ ഡോ. യതീന്ദ്ര അറിയിച്ചു. എന്തുവന്നാലും സത്യം ജയിക്കും. തന്റെ പിതാവിനും കുടുംബത്തിനും അഴിമതി ആരോപണവുമായി ഒരു…

ബെംഗളൂരു : ദേശീയ ബാലികാ ദിനത്തോടനുബന്ധിച്ച് വെള്ളിയാഴ്ച ജില്ലാ ആശുപത്രികളിൽ പിറന്ന പെൺകുഞ്ഞുങ്ങൾക്ക് ആയിരം രൂപയുടെ സമ്മാനക്കിറ്റ് പ്രഖ്യാപിച്ച് ആരോഗ്യവകുപ്പ്. ബാലികാ ദിനത്തോടനുബന്ധിച്ച് ആശുപത്രികൾ പിങ്ക് ലൈറ്റുകൾ ഉപയോഗിച്ച് അലങ്കരിക്കുകയും ചെയ്തു. പെൺകുട്ടികളുടെ പ്രാധാന്യത്തെക്കുറിച്ചുള്ള ബോധവത്കരണമാണ് ഇതിലൂടെ ആരോഗ്യവകുപ്പ് ലക്ഷ്യമിടുന്നത്. പെൺകുട്ടികളെ സംരക്ഷിക്കാൻ സർക്കാർ പ്രതിജ്ഞാബദ്ധമാണെന്ന് ആരോഗ്യമന്ത്രി ദിനേശ് ഗുണ്ടുറാവു പറഞ്ഞു. പെൺകുട്ടികളുടെ ആരോഗ്യം സംരക്ഷിക്കാൻ സർക്കാർ അനീമിയ മുക്ത പൗഷ്തിക കർണാടക സ്‌കീം, ശുചി സ്‌കീം, ജനനി സുരക്ഷ സ്‌കീം തുടങ്ങിയവ ഏർപ്പെടുത്തിയിട്ടുണ്ട്. പെൺഭ്രൂണഹത്യ നടത്തുന്നവർക്കെതിരേ കടുത്ത നടപടി സ്വീകരിക്കുമെന്നും മന്ത്രി പറഞ്ഞു.

ചെന്നൈ : തിരുച്ചിറപ്പള്ളിയിൽ മുഖംമൂടിസംഘം ഐ.ടി. ജീവനക്കാരന്റെ വീട്ടിൽനിന്ന് 26 പവൻ സ്വർണാഭരണവും പണവും കൊള്ളയടിച്ചു. സാത്താനൂരിൽ താമസിക്കുന്ന രവിശങ്കറിന്റെ വീട്ടിലാണ് കവർച്ച നടന്നത്. സംഭവം നടന്നസമയത്ത് രവിശങ്കറും ഭാര്യ സാധനയും മകൻ വിശ്വനും ആശുപത്രിയിൽപ്പോയതായിരുന്നു. ഇതിനിടയിൽ രവിശങ്കറിന്റെ മൊബൈലുമായി ബന്ധിപ്പിച്ച സി.സി.ടി.വി. ക്യാമറാ ദൃശ്യങ്ങൾ നോക്കിയപ്പോൾ മുഖംമൂടി ധരിച്ച രണ്ടുപേർ തന്റെ വീട്ടിലേക്ക് കടന്നുചെല്ലുന്നതായി കണ്ടെത്തി. ഉടൻതന്നെ കെ.കെ. നഗർ പോലീസിൽ വിവരമറിയിച്ച് അയാൾ വീട്ടിലേക്കുതിരിച്ചു. അപ്പോഴേക്കും കവർച്ചാസംഘം സ്ഥലംവിട്ടിരുന്നു. സംഭവത്തിൽ കെ.കെ. നഗർ പോലീസ് അന്വേഷണം തുടരുകയാണ്.

ബെംഗളൂരു : കർണാടകത്തിൽ സ്വകാര്യ മൈക്രോ ഫിനാൻസ് കമ്പനികളുടെ ചൂഷണത്തിനെതിരേ പരാതികൾ വ്യാപകമാകുന്നതിനിടെ വ്യത്യസ്ത സമരവുമായി ഹാവേരിയിൽ സ്ത്രീകൾ. കമ്പനികളുടെ ചൂഷണത്തിൽനിന്ന് രക്ഷിക്കണമെന്നാവശ്യപ്പെട്ട് താലിമാലയൂരി മുഖ്യമന്ത്രിക്ക് അയച്ചു കൊടുത്തായിരുന്നു സമരം. മുഖ്യമന്ത്രിക്കുള്ള നിവേദനത്തോടൊപ്പമാണ് താലിമാലയും അയച്ചത്. ഹാവേരിയിലെ പോസ്റ്റ് ഓഫീസിനുമുൻപിലായിരുന്നു സമരം. റാണിബെന്നൂരിലെ കർഷകസംഘടനയാണ് സമരത്തിന് നേതൃത്വം നൽകിയത്. ഫിനാൻസ് കമ്പനികളുടെ പ്രതിനിധികൾ വീട്ടിലെത്തി ഭർത്താക്കൻമാരെ ഭീഷണിപ്പെടുത്തുകയാണെന്ന് സ്ത്രീകൾ പറഞ്ഞു. ഭർത്താക്കന്മാരെയും താലിമാലയെയും രക്ഷിക്കണമെന്ന് ആവശ്യപ്പെട്ടു. റാണിബെന്നൂരിലും സമീപത്തുമുള്ള താലൂക്കുകളിൽ ഉയർന്ന പലിശനിരക്കിലാണ് ആളുകൾക്ക് വായ്പ നൽകിയിരിക്കുന്നത്. വായ്പാഗഡുക്കൾ അടച്ചിട്ടും കൂടുതൽ പണം കമ്പനിയുടെ…