Day: 15 October 2024

കൊച്ചി: നടന്‍ ശ്രീനാഥ് ഭാസിക്കെതിരെ വാഹനമിടിച്ച ശേഷം നിര്‍ത്താതെ പോയെന്ന പരാതിയില്‍ ശ്രീനാഥ് ഭാസിയെ അറസ്റ്റ് ചെയ്ത് വിട്ടയച്ചു. മട്ടാഞ്ചേരി സ്വദേശി നല്‍കിയ പരാതിയിലാണ് നടപടി. കഴിഞ്ഞ മാസമാണ് കേസിന് ആസ്പദമായ സംഭവം ഉണ്ടായത്. മട്ടാഞ്ചേരിയില്‍ വച്ച് കാറിടിച്ച ശേഷം ശ്രീനാഥ് ഭാസി നിര്‍ത്താതെ പോയെന്നായിരുന്നു മട്ടാഞ്ചേരി പൊലീസിന് ലഭിച്ച പരാതി. സെപ്റ്റംബര്‍ എട്ടിന് തെറ്റായ ദിശയിലൂടെയെത്തിയ ശ്രീനാഥ് ഭാസിയുടെ കാര്‍ പരാതിക്കാരന്റെ സ്‌കൂട്ടറിലിടിക്കുകയും നിര്‍ത്താതെ പോകുകയുമായിരുന്നു. അപകടത്തില്‍ പരാതിക്കാരന് സാരമായ പരിക്കുകള്‍ സംഭവിച്ചിരുന്നു. സംഭവത്തില്‍ നടനെതിരെ ഗുരുതര വകുപ്പുകള്‍ ചുമത്തിയിട്ടില്ലെന്നാണ് റിപ്പോര്‍ട്ട്.

ബെംഗളൂരു : കന്നഡ രാജ്യോത്സവദിനമായ നവംബർ ഒന്നിന് ബെംഗളൂരുവിലെ എല്ലാ സ്ഥാപനങ്ങളിലും കർണാടക സംസ്ഥാന പതാകയുയർത്തുന്നത് നിർബന്ധമാക്കി സർക്കാർ. വിദ്യാഭ്യാസ സ്ഥാപനങ്ങളിലും വാണിജ്യസ്ഥാപനങ്ങളിലും ഫാക്ടറികളിലും ഐ.ടി., ബയോടെക്‌നോളജി സ്ഥാപനങ്ങളിലും ഉൾപ്പെടെയാണിത്. ബെംഗളൂരു വികസനത്തിന്റെ ചുമതലയുള്ള ഉപമുഖ്യമന്ത്രി ഡി.കെ. ശിവകുമാറാണ് ഇക്കാര്യമറിയിച്ചത്. ഇതുസംബന്ധിച്ച ഉത്തരവ് ഉടനിറങ്ങുമെന്നും പറഞ്ഞു. ഭാഷാടിസ്ഥാനത്തിൽ കർണാടകസംസ്ഥാനം (പഴയ മൈസൂർ) രൂപംകൊണ്ട ദിവസമാണ് കന്നഡ രാജ്യോത്സവദിനമായി ആഘോഷിക്കുന്നത്. ബെംഗളൂരുവിൽ താമസിക്കുന്നവരിൽ 50 ശതമാനത്തിൽ കൂടുതൽപ്പേർ കർണാടകത്തിനു പുറത്തുനിന്നുള്ളവരാണെന്ന് ചൂണ്ടിക്കാട്ടിയ ശിവകുമാർ ഇവർ കന്നഡ പഠിക്കുന്നതിന് മുൻഗണന നൽകണമെന്നും പറഞ്ഞു. അതേസമയം കന്നഡ അനുകൂല…

തിരുവനന്തപുരം: അടുത്ത മൂന്ന് ദിവസത്തിനുള്ളിൽ രാജ്യത്ത്‌ നിന്ന് കാലവർഷം പൂർണ്ണമായും വിടവാങ്ങാൻ സാധ്യത. ഇന്നോ നാളെയോ ആയി തെക്ക് കിഴക്കേ ഇന്ത്യയിൽ തുലാവർഷം ആരംഭിച്ചേക്കുമെന്നും കേന്ദ്ര കാലാവസ്ഥാ വകുപ്പ് അറിയിച്ചു. മധ്യ അറബിക്കടലിൽ തീവ്ര ന്യുനമർദ്ദം സ്ഥിതി ചെയ്യുന്നുണ്ട്. പടിഞ്ഞാറ് വടക്ക് പടിഞ്ഞാറ് ദിശയിൽ സഞ്ചരിച്ച് ന്യൂനമർർദ്ദം ഒമാൻ തീരത്തേക്ക് നീങ്ങി അടുത്ത 12 മണിക്കൂറിനുള്ളിൽ ശക്തി കൂടിയ ന്യൂനമർദ്ദമായി മാറാൻ സാധ്യതയുണ്ടെന്നാണ് അറിയിപ്പ്. തീവ്ര ന്യൂനമർദ്ദത്തിൽ നിന്ന് തെക്കൻ കേരളം വഴി കോമറിൻ മേഖല വരെ ന്യൂനമർദ്ദ പാത്തി സ്ഥിതി ചെയ്യുന്നു. തെക്ക്…

ബെംഗളൂരു : ദസറ ആഘോഷത്തിന് പ്രൗഢിപകർന്ന ആനകളും അവയുടെ പാപ്പാന്മാരും തിങ്കളാഴ്ച കൊട്ടാരനഗരിയോട് വിടപറഞ്ഞ് തങ്ങളുടെ താവളങ്ങളിലേക്കുമടങ്ങി. കൊമ്പൻ അഭിമന്യുവും ഒപ്പമുണ്ടായിരുന്ന 13 ആനകളും അവരുടെ ക്യാമ്പുകളിലേക്ക് മടങ്ങിപ്പോയി. പ്രത്യേകപൂജകൾ ഇതിന്റെഭാഗമായി നടന്നു. ലോറികളിലാണ് ആനകളെ ക്യാമ്പുകളിലേക്ക് മടക്കിക്കൊണ്ടുപോയത്. മതിഗോഡു, രാമപുര, ഭീമനകട്ടെ, ദുബാരെ, ദൊഡ്ഡഹരവെ എന്നീ ആനക്യാമ്പുകളിൽനിന്നുള്ള ആനകളെയാണ് പരിശീലനംനൽകി ജംബൂസവാരിയിൽ എഴുന്നള്ളിച്ചത്. കൊമ്പൻ അഭിമന്യുവാണ് ഇത്തവണയും ചാമുണ്ഡേശ്വരിയുടെ വിഗ്രഹം സ്വർണ അംബാരിയിൽ എഴുന്നള്ളിച്ചത്. ഓഗസ്റ്റ് 21-നാണ് ആനകളെ ഗജപാനയ ചടങ്ങിലൂടെ മൈസൂരുവിലെത്തിച്ചത്. തുടർന്നുള്ളദിവസങ്ങളിൽ അവർ കൊട്ടാരവളപ്പിൽ പ്രത്യേകപരിചരണമേറ്റ് പരിശീലനവുമായി കഴിഞ്ഞുവരുകയായിരുന്നു.