Month: January 2024

ബെംഗളൂരു: രണ്ട് ദിവസമായി അടച്ചിട്ടിരുന്ന പീനിയ മേൽപ്പാലം ലൈറ്റ് മോട്ടോർ വാഹനങ്ങൾക്കും ലഘു ചരക്ക് വാഹനങ്ങൾക്കും മാത്രമായി വെള്ളിയാഴ്ച തുറന്നു. നാഷണൽ ഹൈവേ അതോറിറ്റി ഓഫ് ഇന്ത്യയുടെ (എൻഎച്ച്എഐ) ലോഡ് ടെസ്റ്റിംഗ് സുഗമമാക്കുന്നതിനായി കഴിഞ്ഞ ചൊവ്വാഴ്ച രാത്രി 11 മുതലാണ് എല്ലാ വാഹനങ്ങൾക്കും 4.2 കിലോമീറ്റർ മേൽപ്പാലം താൽക്കാലികമായി അടച്ചത്. ഫ്‌ളൈഓവർ ബലപ്പെടുത്തുന്നതിനായി എൻഎച്ച്എഐ ഉദ്യോഗസ്ഥർ 240 പ്രീസ്ട്രെസ്ഡ് കേബിളുകളിൽ ലോഡ് ടെസ്റ്റുകൾ നടത്തി. വെള്ളിയാഴ്ച രാവിലെ 10 മണിയോടെയാണ് പരിശോധന പൂർത്തിയാക്കിയത്. ഇതേത്തുടർന്ന് ഇരുചക്രവാഹനങ്ങൾ, കാറുകൾ, ചെറുകിട ചരക്ക് വാഹനങ്ങൾ എന്നിവയ്ക്ക് മേൽപ്പാലത്തിലേക്ക്…

ബെംഗളൂരു : ചിക്കബെല്ലാപുരയിൽ ആക്രിപെറുക്കിനടന്ന എട്ടുവയസ്സുകാരൻ റോഡരികിലെ ട്രാൻസ്‌ഫോർമറിൽനിന്ന് ഷോക്കേറ്റ് മരിച്ചു. മഞ്ചെനഹള്ളി സ്വദേശി നാഗേന്ദ്രയാണ് മരിച്ചത്. വ്യാഴാഴ്ച രാവിലെയാണ് സംഭവം. മഞ്ചെനഹള്ളിയിൽ അഴുക്കുചാലിന് സമീപം സ്ഥാപിച്ചിട്ടുള്ള ട്രാൻസ്‌ഫോർമറിൽ ഘടിപ്പിച്ച കയർ വലിക്കാൻ ശ്രമിക്കുന്നതിനിടെയാണ് ഷോക്കേറ്റതെന്ന് ബെംഗളൂരു ഇലക്‌ട്രിസിറ്റി സപ്ലൈ കമ്പനി ലിമിറ്റഡ് (ബെസ്‌കോം) അറിയിച്ചു. കയർ വലിക്കുന്നതിനിടെ എൽ.ടി. സർക്യൂട്ടുമായി ബന്ധംവന്നപ്പോൾ ഷോക്കേൽക്കുകയായിരുന്നു. അതിനാൽ ബെസ്‌കോമിന്റെ ഭാഗത്ത് അനാസ്ഥ സംഭവിച്ചിട്ടില്ലെന്ന് ഉദ്യോഗസ്ഥർ പറഞ്ഞു. മുതിർന്ന ബെസ്‌കോം ഉദ്യോഗസ്ഥർ അപകടസ്ഥലം സന്ദർശിച്ചു.