Month: March 2021

ബെംഗളൂരു : ധനകാര്യ ചുമതലയുള്ള മുഖ്യമന്ത്രി യെദിയൂരപ്പ ഇന്ന് നിയമസഭയിൽ അവതരിപ്പിച്ച ബജറ്റിൽ ഏറെയും സ്ത്രീകൾക്ക് അനുകൂലമായ പദ്ധതികൾ. അന്താരാഷ്ട്ര വനിതാ ദിനത്തിൽ 37188 കോടി ആണ് വനിതകളുമായി ബന്ധപ്പെട്ട പദ്ധതികൾക്ക് വകയിരുത്തിയത്. പ്രസവാവധിക്ക് പുറമെ വനിതാ സർക്കാർ ജീവനക്കാർക്ക് 6 മാസം കൂടി കുട്ടികളെ നോക്കാനുള്ള അവധി. ബജറ്റിലെ ചില പ്രധാന നിർദ്ദേശങ്ങൾ താഴെ. എല്ലാ ജില്ലകളിലും ഗോശാലകൾ. 2021-22 സാമ്പത്തിക വർഷം പ്രതീക്ഷിക്കുന്ന ധനക്കമ്മി 15134 കോടി 2019-20 നെ അപേക്ഷിച്ച് കോവിഡ് കാരണം സാമ്പത്തിക വളർച്ച 2.6% ആയി കുറഞ്ഞു.…

ബെംഗളൂരു: ദേശീയ റോഡ് സൈക്ലിങ് ചാമ്പ്യൻഷിപ്പിൽ ‘ഇൻഡിവിജ്വൽ ടൈം ട്രയൽ’ വിഭാഗത്തിൽ ജേതാവായി മലയാളി സൈക്ലിങ്താരം നവീൻ ജോൺ. ആലപ്പുഴ ചെങ്ങന്നൂർ സ്വദേശിയായ നവീൻ ജോൺ ബെംഗളൂരുവിലാണ് താമസം. കർണാടക സൈക്ലിങ് ടീമിലെ അംഗമാണ്. നവി മുംബൈയിലാണ് ചാമ്പ്യൻഷിപ്പ് നടന്നത്. 40 കിലോമീറ്റർ ദൂരം 53 മിനിറ്റും 35.533 സെക്കൻഡും കൊണ്ടാണ് നവീൻ പൂർത്തിയാക്കിയത്. ശരാശരി 44.78 കിലോമീറ്ററായിരുന്നു വേഗം. അഞ്ചാം തവണയാണ് നവീൻ ഈ നേട്ടം കൈവരിക്കുന്നത്. ഇന്ത്യയിലെ മികച്ച സൈക്ലിസ്റ്റുകളിൽ ഒരാളായ നവീൻ ജോൺ മൂന്നുതവണ ദേശീയ ഐ.ടി.ടി. ചാമ്പ്യൻഷിപ്പ് നേടിയിട്ടുണ്ട്.…

ബെംഗളൂരു: സംസ്ഥാന ബജറ്റ് ഇന്ന് നിയമസഭയിൽ ധനകാര്യവകുപ്പിന്റെ ചുമതലയുള്ള മുഖ്യമന്ത്രി ബി.എസ്. യെദ്യൂരപ്പ അവതരിപ്പിക്കും. ബി.എസ്. യെദ്യൂരപ്പയുടെ ആറാമത്തെ ബജറ്റാകും ഇന്നത്തേത്. 2013 ൽ അധികാരമേറ്റെടുത്തതിന് ശേഷമുള്ള മൂന്നാമത്തെ ബജറ്റ് ആണ് യെദിയൂരപ്പയുടേത്. ഇന്ന് ഉച്ചക്ക് 12:05 ന് ആണ് ബജറ്റ് അവതരണം ആരംഭിക്കുക. കാർഷിക മേഖലയ്ക്കും ജലസേചനത്തിനും പ്രധാന്യമുണ്ടാകുമെന്നാണ് പ്രതീക്ഷിക്കപ്പെടുന്നത്. സംസ്ഥാനത്തിന്റെ കടമെടുപ്പ് പരിധി ഉയർത്തിയതിനാൽ കൂടുതൽ പദ്ധതികൾ ബജറ്റിൽ ഉൾപ്പെട്ടേക്കും. ഈമാസം നാലിന് ആരംഭിച്ച ബജറ്റ് സമ്മേളനം 31-നാണ് സമാപിക്കുന്നത്

ബെംഗളൂരു: നഗരത്തിൻ്റെ സ്വപ്ന പദ്ധതിയായ സബർബൻ റെയിൽ പദ്ധതിയുടെ കോറിഡോറുകളുടെ പേരുകൾ പ്രഖ്യാപിച്ചു. റെയിൽവേ മന്ത്രാലയത്തിൻ്റേയും സംസ്ഥാന സർക്കാറിൻ്റെയും സംയുക്ത സംരഭമായ കർണാടക റെയിൽ ഇൻഫ്രാസ്ട്രക്ചർ ഡവലപ്പ്മെൻ്റ് എൻ്റർപ്രൈസസ് (K_Raide) ന് ആണ് ആകെ 148 കിലോമീറ്റർ ദൂരം വരുന്ന പദ്ധതിയുടെ നിർമ്മാതാക്കൾ. നാല് കോറിഡോറുകൾ ആണ് ഇതിൽ ഉള്ളത്. കെ.എസ്.ആർ, യെലഹങ്ക, ദേവനഹള്ളി കോറിഡോറിന് സെംപിഗെ (ചെമ്പകം), ബയപ്പനഹള്ളി, യെശ്വന്ത് പുര, ചിക്കബാനവാര കോറിഡോറിന് മല്ലിഗെ, കെങ്കേരി ,കൻ്റോൺമെൻ്റ്, വൈറ്റ് ഫീൽഡ് കോറിഡോറിന് പാരിജാത, ഹീലളിഗെ, രാജന് കുണ്ടെ, യെലഹങ്ക കോറിഡോറിന് കനക എന്നിങ്ങനെയാണ്…

ബെംഗളൂരു: സംസ്ഥാനത്ത് വീണ്ടും കോവിഡ് കേസുകൾ ഉയരുന്ന സാഹചര്യത്തിൽ അടുത്ത ഒരുമാസത്തേക്ക് ജനങ്ങൾ തിങ്ങിക്കൂടുന്ന പരിപാടികൾ പാടില്ലെന്ന് ആരോഗ്യമന്ത്രി ഡോ. കെ. സുധാകർ. ധാരാളം ആളുകൾ പങ്കെടുക്കുന്ന യോഗങ്ങൾ, ആഘോഷപരിപാടികൾ, മതപരിപാടികൾ, പ്രതിഷേധങ്ങൾ, രാഷ്ട്രീയയോഗങ്ങൾ എന്നിവ പാടില്ലെന്നാണ് കോവിഡ് സാങ്കേതിക വിദഗ്ധസമിതിയുടെ നിർദേശമെന്നും മന്ത്രി പറഞ്ഞു. ആളുകൾ കൂടുന്നത് ഒഴിവാക്കാൻ രാഷ്ട്രീയനേതാക്കളോടും മതനേതാക്കളോടും ആവശ്യപ്പെടും. കല്യാണ ആഘോഷങ്ങൾക്ക് 500 ആളുകൾ മാത്രമേ പങ്കെടുക്കാവൂ. കോവിഡ് മാനദണ്ഡങ്ങൾ പാലിക്കുന്നുണ്ടോയെന്ന് അറിയാൻ കല്യാണ ഓഡിറ്റോറിയങ്ങളിൽ കൂടുതൽ മാർഷൽമാരെ നിയോഗിക്കുമെന്നും മന്ത്രി അറിയിച്ചു. നഗരത്തിൽ പുതിയ രണ്ട് ക്ലസ്റ്ററുകൾകൂടി രൂപപ്പെട്ടതിനാലാണ് നിയന്ത്രണം…