ബെംഗളൂരു : വാഹനങ്ങളിൽ അതിസുരക്ഷാ രജിസ്ട്രേഷൻ പ്ലേറ്റ് (എച്ച്.എസ്.ആർ.പി.) ഘടിപ്പിക്കുന്നതിനുള്ള അവസാന തീയതി കർണാടകത്തിൽ ജനുവരി 31 വരെ നീട്ടി.
ഇത് ആറാമത്തെ തവണയാണ് സമയം നീട്ടുന്നത്. 2019 ഏപ്രിൽ ഒന്നുമുതലാണ് സംസ്ഥാനത്ത് അതിസുരക്ഷാ നമ്പർ പ്ലേറ്റ് നിർബന്ധമാക്കിയത്.
ഒട്ടേറെ വാഹനങ്ങൾക്ക് ഇനിയും ഇത് ഘടിപ്പിക്കാൻ കഴിഞ്ഞിട്ടില്ലെന്ന കാര്യം കണക്കിലെടുത്താണ് മോട്ടോർ വാഹനവകുപ്പ് സമയം നീട്ടിയത്.
