Day: 1 August 2020

ബെംഗളൂരു :കോവിഡ് നിയന്ത്രണങ്ങളെ തുടർന്നുള്ള രാത്രി കർഫ്യൂവും ഞായറാഴ്ച ലോക്സഡൗണും നീക്കി കർണാടക സർക്കാർ. കേന്ദ്ര ആഭ്യന്തര മന്ത്രാലയത്തിന്റെ മാർഗനിർദേശങ്ങളെ തുടർന്ന് ചീഫ് സെ ക്രട്ടറി ടി.എം വിജയഭാസ്കർ രണ്ട് ദിവസം മുൻപ് പുറത്തിറക്കിയ ഉത്തരവിലാണ് ഇക്കാര്യം വ്യക്തമാക്കിയിരിക്കുന്നത്. രാത്രി 9 മുതൽ രാവിലെ 5 വരെയാണ് കർഫ്യൂ ഏർപ്പെട്ടടുത്തിയിരുന്നത്. യോഗ കേന്ദ്രങ്ങളും ജിമ്മുകളും ഓഗസ്റ്റ് 5ന് തുറക്കും. കണ്ടെയ്ൻമെൻ്റ് സോണുകൾ ഓഗസ്റ്റ് 31 വരെ അടഞ്ഞുകിടക്കും.

ബെംഗളുരു : കോവിഡ് പ്രതിരോധ രംഗത്തുള്ള സ്ത്രീകൾക്കു സർക്കാർ 6 ലക്ഷം സാരി വിതരണം ചെയ്യും. ഒരാൾക്ക് 2 സാരി നൽകാനാണ് പദ്ധതി. സംസ്ഥാന കൈത്തറി, ടെക്സ്റ്റയിൽസ് വകുപ്പിന്റെ നേതൃത്വത്തിലാണ് സാരി വിതരണം ലോക് ഡൌണിനെ തുടർന്ന് ഉൽപന്നങ്ങൾ വിറ്റഴിക്കാൻ കഴിയാതെ വലഞ്ഞ നെയ്ത്ത്തുകാരിൽ നിന്ന്  സാരികൾ ശേഖരിച്ച് വിവിധ ജില്ലകളിൽ വിതരണം ചെയ്യുകയെന്നു മന്ത്രി ശ്രീമന്ത് പാട്ടീൽ പറഞ്ഞു. അങ്കണവാടി, ആശാവർക്കർ എന്നിവർക്കാണു ആദ്യഘട്ട ത്തിൽ സാരി നൽകുക.

ബെംഗളൂരു: ആശുപത്രിയിൽ പ്രവേശനം ലഭിക്കാത്തതിനെത്തുടർന്ന് സ്വകാര്യ ആശുപത്രിക്കുമുന്നിൽ നിർത്തിയിട്ട ആംബുലൻസിൽവെച്ച് 75-കാരനായ കോവിഡ് രോഗി മരിക്കുകയായിരുന്നു. രോഗി ആംബുലൻസിൽ മരിച്ചതിനെത്തുടർന്ന് ബന്ധുക്കൾ ഡ്രൈവറെ മർദ്ദിച്ചു. ഡ്രൈവറുടെ പരാതിയിൽ പോലീസ് കേസെടുത്തു. ഭാരതിനഗറിൽനിന്നാണ് 75-കാരനായ കോവിഡ് രോഗിയെ രാമയ്യ ആശുപത്രിയിലെത്തിച്ചത്. എന്നാൽ പ്രവേശന നടപടികൾ പൂർത്തിയാക്കാൻ കാത്തിരിക്കാൻ ആശുപത്രി അധികൃതർ ആവശ്യപ്പെടുകയായിരുന്നു. ഇതിനിടയിൽ രോഗി മരിക്കുകയായിരുന്നു. രോഗിയെ ആശുപത്രിയിലേക്കെത്തിക്കുമ്പോൾ ഒക്സിജൻ സിലിൻഡർ നൽകിയില്ലെന്നും ഇതാണ് രോഗി മരിക്കാൻ കാരണമെന്നും ബന്ധുക്കൾ ആരോപിച്ചു. രോഗിയെ ആശുപത്രിയിലേക്ക് കൊണ്ടുവരുമ്പോൾതന്നെ ഗുരുതരാവസ്ഥയിലായിരുന്നുവെന്നും ഒക്സിജൻ നൽകിയിരുന്നുവെന്നുമാണ് ഡ്രൈവർ പോലീസിന് മൊഴി നൽകിയത്.

ബെംഗളൂരു : അടച്ചിട്ട വീടുകൾ കേന്ദ്രീകരിച്ച് നഗരത്തിൽ വ്യാപക കവർച്ച നടത്തിയിരുന്ന കൊളംബിയൻ സംഘം പോലീസിൻ്റെ പിടിയിലായി. 6 കിലോ സ്വർണാഭരണങ്ങൾ ഉൾപ്പെടെ 2.6 കോടി രൂപയ്ക്കുള്ള കവർച്ചാ മുതലും ഇവരിൽ നിന്നു കണ്ടെടുത്തു. കന്നഡ സൂപ്പർ താരം ശിവരാജ് കുമാറിന്റെ വീടിനു സമീപം കവർച്ചാ ശ്രമത്തിനിടെ സിസിടിവി ക്യാമറയിൽ ഇവരുടെ ദൃശ്യങ്ങൾ പതിഞ്ഞതാണ് വൻ കവർച്ചാക്കസിനു തെളിവായത്. സൈക്കിളിൽ നഗരം ചുറ്റുന്ന സംഘം കവർച്ച നടത്തേണ്ട വീട് കണ്ടെത്തും. തുടർന്ന് കാറിലും ബൈക്കിലുമായി എത്തും. വീട്ടിൽ ആളുണ്ടോ എന്നറിയാൽ കോളിങ് ബെൽ അമർത്തുന്ന…

ബെംഗളൂരു: മൂന്ന് ദിവസത്തിനുള്ളിൽ രണ്ട് പേർക്ക് കോവിഡ് ബാധിച്ചതിനെ തുടർന്ന് ബെംഗളൂരു അന്തർദേശീയ വിമാനത്താവളത്തിലെ കാർഗോ പ്രവർത്തനങ്ങൾ വ്യാഴാഴ്ച്ച താത്കാലികമായി നിർത്തിവെച്ചു.  മെൻസീസ് ബൊബ്ബ, എയര്‍ ഇന്ത്യ എസ്  എ ടി എസ് ബിൽഡിങ്ങുകളിലായി പ്രവർത്തിക്കുന്ന എയർ കാർഗോ കെട്ടിടം അണുനശീകരണത്തിനായി രണ്ട് ദിവസത്തേക് അടച്ചിട്ടു. ശനിയാഴ്ച രാവിലെയോട് കൂടി പ്രവർത്തനങ്ങൾ  പുനരാരംഭിക്കും.