Tag: train

ബെംഗളൂരു∙ കൊച്ചുവേളി–യശ്വന്ത്പുര എസി പ്രതിവാര എക്സ്പ്രസിന് (22678) ബംഗാർപെട്ടിൽ സ്റ്റോപ്പ് അനുവദിച്ചു. ഒരു മിനിറ്റ് താൽക്കാലിക സ്റ്റോപ്പാണ് നിലവിൽ അനുവദിച്ചിട്ടുള്ളത്. സെപ്റ്റംബർ ഒന്നുവരെ 6 മാസത്തേക്കാണ് സ്റ്റോപ്പ്. വെള്ളിയാഴ്ചകളിൽ കൊച്ചുവേളിയിൽ നിന്ന് പുറപ്പെടുന്ന ട്രെയിൻ വെളുപ്പിന് 2.29നു ബംഗാർപെട്ടിൽ നിർത്തും. എന്നാൽ വ്യാഴാഴ്ചകളിൽ പുറപ്പെടുന്ന യശ്വന്ത്പുര–കൊച്ചുവേളി എസി എക്സ്പ്രസിന് (22677) ബംഗാർപെട്ടിൽ സ്റ്റോപ്പില്ല. കെആർ പുരം കഴിഞ്ഞാൽ സേലം ജംക്‌ഷനിലാണ് സ്റ്റോപ്പ് ഉണ്ടാവുക.   

ബെംഗളൂരു : ഈസ്റ്റർ അവധിക്ക് ഇനി ഒരുമാസത്തിലേറെ ബാക്കിനിൽക്കേ ബെംഗളൂരുവിൽനിന്ന് കേരളത്തിലേക്കുള്ള തീവണ്ടികളിൽ ടിക്കറ്റ് തീർന്നു. ഏപ്രിൽ ഒമ്പതിന് ഈസ്റ്ററും 15-ന് വിഷുവും വരുന്നതിനാൽ ഏപ്രിൽ ആദ്യവാരം മുതൽ മലയാളികൾ നാട്ടിലേക്ക് യാത്ര ആരംഭിക്കും.ഈ ദിവസങ്ങളിലെ മിക്ക തീവണ്ടികളും വെയ്റ്റിങ് ലിസ്റ്റിലാണ്. അവധിയോടനുബന്ധിച്ച് റെയിൽവേപ്രത്യേക സർവീസ് നടത്തിയില്ലെങ്കിൽ ബെംഗളൂരു മലയാളികളുടെ വേനലവധിയാത്ര ദുരിതമാകും. രാവിലെ 6.10-ന് പുറപ്പെടുന്ന എറണാകുളം എക്സ്പ്രസിലും (12677) രാത്രി 9.47-ന് പുറപ്പെടുന്ന കണ്ണൂർ എക്സ്പ്രസിലും (16511) ഈസ്റ്റർവരെ ഏതാനും ടിക്കറ്റുകൾ ലഭ്യമാണ്. വിഷുവിന്റെ തൊട്ടുമുമ്പുള്ള ദിവസങ്ങളിൽ തീവണ്ടികൾ വെയ്റ്റിങ് ലിസ്റ്റിലാണ്.…

ബെംഗളൂരു : കെ.എസ്.ആർ. ബെംഗളൂരു-എറണാകുളം എക്സ്‌പ്രസ് (12677) ഈമാസം 28-ന് കൃഷ്ണരാജപുരം, ബംഗാരപ്പേട്ട്, തിരുപ്പട്ടൂർ, സേലം വഴിയാകും സർവീസ് നടത്തുകയെന്ന് റെയിൽവേ അറിയിച്ചു. സാധാരണദിവസങ്ങളിൽ കർമാലരം, ഹൊസൂർ, ധർമപുരി എന്നീ സ്റ്റേഷനുകൾവഴിയാണ് ഈ തീവണ്ടി കടന്നുപോകുന്നത്.

ബെംഗളൂരു: കർമാലാരം – ഹീലലിഗെ ഇരട്ടിപ്പിച്ച പാതയിൽ റെയിൽവേ സുരക്ഷാ കമ്മീഷണറുടെ പരിശോധന ആരംഭിച്ചു. ബയ്യപ്പനഹള്ളി – ഹൊസൂര്‍ പാതയിൽ കർമാലാരം മുതൽ ഹീലലിഗെ വരെ 10 5 കിലോമീറ്ററാണ് ഇരട്ടിപ്പാത നിർമിച്ചത്. 48 കിലോമീറ്റർ വരുന്ന ബയ്യപ്പനഹള്ളി – ഹൊസൂര്‍ പാതയുടെ ഇരട്ടിപ്പിക്കൽ അടുത്ത ഫെബ്രുവരിയിൽ പൂർത്തിയാകും. പാത ഇരട്ടിപ്പിക്കൽ പൂർത്തിയായാൽ കേരളത്തിലേക്ക് ഹൊസൂര്‍ വഴിയുള്ള ട്രെയിനുകൾ ക്രോസിങ്ങിന് പിടിച്ചിടുന്ന പ്രശ്നം പരിഹരിക്കാൻ സാധിക്കും