Tag: covid

ബെം​ഗളുരു; കർണ്ണാടകയുടെ അതിർത്തി ജില്ലകളിൽ കോവിഡ് നിയന്ത്രണങ്ങളിൽ ഇളവുകൾ വരുത്തുന്നത് ദസറ ആഘോഷങ്ങൾക്ക് ശേഷം തീരുമാനിക്കുമെന്ന് മുഖ്യമന്ത്രി ബസവരാജ് ബൊമ്മെ അറിയിച്ചു. കൂടാതെ അതിർത്തി ജില്ലകളിലെ നിലവിലുള്ള അവസ്ഥയെക്കുറിച്ച് വിശദമായി പഠിച്ച് തീരുമാനമെടുക്കാൻ ദസറക്ക് ശേഷം വിദ​ഗ്ദരുടെ യോ​ഗം വിളിച്ച് ചേർക്കുമെന്നും മുഖ്യമന്ത്രി വ്യക്തമാക്കി. ഇത്തരത്തിൽ കേരളവുമായും മഹാരാഷ്ട്രയുമായും അതിർത്തി പങ്കിടുന്ന പ്രദേശങ്ങളിലാണ് കർശന നിയന്ത്രണങ്ങൾ നിലവിലുള്ളത്. നിലവിൽ കേരളത്തിൽ നിന്നുള്ളവർക്ക് 2 ഡോസ് വാക്സിൻ എടുത്തിട്ടുണ്ടെങ്കിലും ആർടിപിസിആർ നിർബന്ധമാണ്. ഈ തീരുമാനം കർണ്ണാടക മാറ്റുമോ എന്നറിയാനാണ് യാത്രക്കാർ ആകാംക്ഷയോടെ കാത്തിരിയ്ക്കുന്നത്.