Category: KARNATAKA

ബെംഗളൂരു: കഴിഞ്ഞ കുറേ ദിവസങ്ങളായി തുടർച്ചയായ കൊടുംചൂടിൽ വലഞ്ഞിരുന്ന സിലിക്കൺ സിറ്റിക്ക് ആശ്വാസമായി പരക്കെ കനത്ത മഴയും കാറ്റും. എന്നാൽ പെട്ടെന്നുണ്ടായ ശക്തമായ മഴ നഗരത്തിൽ വൻ യാത്രാദുരിതത്തിനും ഗതാഗതക്കുരുക്കിനുമാണ് വഴിവെച്ചത്. ഓഫിസ് സമയത്തിന് ശേഷം വീട്ടിലേക്ക് മടങ്ങാനിറങ്ങിയ ജീവനക്കാരും വാഹനമോടിക്കുന്നവരും റോഡുകളിൽ മണിക്കൂറുകളോളം കുടുങ്ങി വലഞ്ഞു. പെട്ടെന്ന് പെയ്ത കനത്ത മഴയെത്തുടർന്ന് ഇരുചക്രവാഹന യാത്രക്കാർ റോഡരികുകളിലും ബസ് സ്റ്റോപ്പുകളിലും കടത്തിണ്ണകളിലും ബൈക്കുകൾ പാർക്ക് ചെയ്ത് അഭയം തേടിയത് പലയിടങ്ങളിലും ഗതാഗതം കൂടുതൽ സങ്കീർണ്ണമാക്കി. നഗരത്തിലെ ഭൂരിഭാഗം പ്രധാന റോഡുകളും വെള്ളത്തിനടിയിലായി. ശാസ്ത്രീയമായ ഓവുചാൽ…

ബെംഗളൂരു: കൊലക്കേസ് പ്രതിയും കന്നഡ സൂപ്പർതാരവുമായ ദർശൻ തൂഗുദീപ പരപ്പന അഗ്രഹാര സെൻട്രൽ ജയിലിനുള്ളിൽ ആത്മഹത്യയ്ക്ക് ശ്രമിച്ചെന്ന അഭ്യൂഹങ്ങളെ തുടർന്ന് ജയിൽ പരിസരത്ത് കനത്ത സംഘർഷാവസ്ഥ. തിങ്കളാഴ്ച രാവിലെയാണ് ജയിലിന് മുന്നിൽ നാടകീയ രംഗങ്ങൾ അരങ്ങേറിയത്. എന്നാൽ വാർത്തകൾ തീർത്തും വ്യാജമാണെന്ന് ജയിൽ അധികൃതർ അറിയിച്ചതോടെയാണ് ആശങ്കകൾക്ക് വിരാമമായത്. ഞായറാഴ്ച രാത്രിയോടെയാണ് ദർശൻ ജയിലിനുള്ളിൽ ആത്മഹത്യാശ്രമം നടത്തിയെന്ന രീതിയിലുള്ള വാർത്തകൾ സാമൂഹിക മാധ്യമങ്ങളിലടക്കം പ്രചരിച്ചു തുടങ്ങിയത്. ഇതോടെ പരപ്പന അഗ്രഹാര പോലീസ് സ്റ്റേഷനിലെ ഉദ്യോഗസ്ഥർ ജയിൽ അധികൃതരുമായി ലാൻഡ്‌ലൈൻ വഴി ബന്ധപ്പെടുകയും വിവരങ്ങൾ തേടുകയും…

ബെംഗളൂരു: ദുല്‍ഹിജ്ജ മാസപ്പിറവി ദൃശ്യമാവാത്തതിനാല്‍ ദുല്‍ഖഅദ് മുപ്പത് പൂര്‍ത്തിയാക്കി ചൊവ്വാഴ്ച്ച മുതല്‍ ദുല്‍ഹിജ്ജ ആരംഭിക്കുമെന്ന് മലബാര്‍ മുസ്ലിം അസോസിയേഷന്‍ ഖത്തീബ് ഉമര്‍ അബ്ദുല്ല ഫൈസി അറിയിച്ചു. കര്‍ണാടക ഹിലാല്‍ കമ്മിറ്റിയുടെ തീരുമാനപ്രകാരമാണിത്. മാസപ്പിറവി കാണാത്ത സാഹചര്യത്തില്‍ മാസം മുപ്പത് പൂര്‍ത്തിയാക്കിയാണ് പുതിയ മാസം കണക്കാക്കുന്നത്. അതനുസരിച്ച് വരാനിരിക്കുന്ന വലിയ പെരുന്നാള്‍ (ബലി പെരുന്നാള്‍) മെയ് 28-ന് ആയിരിക്കുമെന്നും അദ്ദേഹം വ്യക്തമാക്കി. പെരുന്നാളിന് മുന്നോടിയായുള്ള പുണ്യദിനമായ അറഫ നോമ്പ് മെയ് 27 ബുധനാഴ്ച്ച ആയിരിക്കുമെന്നും ഖത്തീബ് ഉമര്‍ അബ്ദുല്ല ഫൈസി അറിയിച്ചിട്ടുണ്ട്.

ബെംഗളൂരു: ബെംഗളൂരുവിൽ നിന്നും മംഗളൂരുവിലേക്ക് സർവീസ് നടത്തുകയായിരുന്ന സ്വകാര്യ സ്ലീപ്പർ ബസിന് തീപിടിച്ചു. ഹാസൻ താലൂക്കിലെ ശാന്തിഗ്രാമയ്ക്ക് സമീപം ദേശീയപാത 75-ൽ വെള്ളിയാഴ്ച രാത്രിയാണ് അപകടം സംഭവിച്ചത്. ബസിലുണ്ടായിരുന്ന 36 യാത്രക്കാരും പരിക്കുകളൊന്നുമില്ലാതെ അത്ഭുതകരമായി രക്ഷപ്പെട്ടു. യാത്രയ്ക്കിടയിൽ ബസിന്റെ ടയറുകളിലൊന്ന് പഞ്ചറായതിനെത്തുടർന്ന് വാഹനത്തിനുള്ളിൽ കനത്ത പുക പടരുകയായിരുന്നു. അപകടം മണത്ത ഡ്രൈവർ ഉടൻ തന്നെ വാഹനം റോഡരികിലേക്ക് നിർത്തി യാത്രക്കാരോട് അടിയന്തരമായി പുറത്തിറങ്ങാൻ ആവശ്യപ്പെട്ടു. ഡ്രൈവറുടെ സമയോചിതമായ ഇടപെടലാണ് വൻ ദുരന്തം ഒഴിവാക്കിയത്. ബസിനുള്ളിൽ പുക നിറഞ്ഞതോടെ പരിഭ്രാന്തരായ യാത്രക്കാർ കൈവശമുണ്ടായിരുന്ന ഹാൻഡ് ബാഗുകളുമായി…