Author: തെക്കിനേഴൻ

ബെംഗളൂരു: കർണാടക ഉപരി സഭയുടെ ചെയർമാനായി ജനതാദൾ എസ് നേതാവും സഭാംഗവും ആയ ബസവരാജ് ഹോരട്ടിയെ ചൊവ്വാഴ്ച തിരഞ്ഞെടുത്തു. ഉപരി സഭ ചെയർമാനായിരുന്ന പ്രതാപചന്ദ്ര ഷെട്ടി രാജിവച്ച ഒഴിവിലേക്കാണ് പുതിയ ചെയർമാൻ തെരഞ്ഞെടുപ്പ് നടത്തിയത്. ബിജെപിയുടെയും ജനതാദളിന്റെയും സംയുക്ത പിന്തുണയോടെയാണ് പുതിയ ചെയർമാൻ സ്ഥാനമേറ്റത്.

ബെംഗളൂരു: സംസ്ഥാന ബജറ്റിന് മുന്നോടിയായി നടക്കുന്ന വിശകലന ചർച്ചകളിൽ 2021 – 22 കാലഘട്ടത്തിലെ വരുമാന കമ്മി നികത്താൻ ഉള്ള ആലോചനയിലാണ് സംസ്ഥാനസർക്കാർ. സാമ്പത്തിക വകുപ്പിലെ എല്ലാ വിഭാഗങ്ങളും ബജറ്റിനു മുന്നോടിയായി നടക്കുന്ന ചർച്ചയിൽ ഇത്തവണ ഉണ്ടാകാൻ സാധ്യതയുള്ള വരുമാനകുറവിനെ കുറിച്ചാണ് കൂടുതൽ ശ്രദ്ധ വേണ്ടത് എന്ന് മുഖ്യമന്ത്രിയെ ധരിപ്പിച്ചിരുന്നു. വരുമാനക്കുറവ് പരിഹരിക്കുന്നതിനുള്ള ഏറ്റവും നൂതന പദ്ധതിയായി ചർച്ചയിൽ ഉയർന്നുവന്നത് പിഴയിടാക്കുന്നതിൽ കൂടുതൽ ശ്രദ്ധ കേന്ദ്രീകരിക്കണം എന്ന നിർദ്ദേശമാണ്. ഇതിന്റെ അടിസ്ഥാനത്തിൽ പിഴ ഈടാക്കാൻ സാധ്യതകളുള്ള എല്ലാ വകുപ്പുകൾക്കും അതിൽ കൂടുതൽ ശ്രദ്ധകേന്ദ്രീകരിക്കാൻ മുഖ്യമന്ത്രി…

ബെംഗളൂരു: വൃഷഭാവതി തടാകതീരത്തെ അനധികൃതമായി നിക്ഷേപിച്ചു വന്നിരുന്ന മാലിന്യകൂമ്പാരത്തിൽ ആണ് തീപിടിച്ചത്. ഇതിനടുത്തായി പാർക്കുചെയ്തിരുന്ന നിരവധി വാഹനങ്ങളും കത്തിനശിച്ചു. ആർ ആർ നഗർ ചന്ന സാന്ദ്ര പ്രദേശവാസികൾ തടാകതീരത്ത് കുന്നുകൂടിക്കിടക്കുന്ന മാലിന്യ നിക്ഷേപത്തെക്കുറിച്ച് ആവലാതികളുമായി നിരവധിതവണ അധികൃതരെ സമീപിച്ചിരുന്നു. മാലിന്യങ്ങൾ വേർതിരിച്ചിരുന്ന ഷഡ്ഡിന് അകത്തു നിന്നാണ് തീ പിടിച്ചത് എന്നാണ് അറിയാൻ കഴിയുന്നത്. തീപിടുത്തം ഉണ്ടാകാനുള്ള കാരണം വ്യക്തമല്ലെങ്കിലും അലക്ഷ്യമായി വലിച്ചെറിഞ്ഞ സിഗരറ്റ് കുറ്റിയിൽ നിന്നായിരിക്കാം തീ പിടിച്ചതെന്ന് അനുമാനിക്കുന്നു. ആളപായമൊന്നും ഉണ്ടായതായി റിപ്പോർട്ട് ചെയ്യപ്പെട്ടിട്ടില്ല.

ബെംഗളൂരു: കഴിഞ്ഞ മൂന്നു വർഷക്കാലത്തോളം ആയി ഗതാഗത നിയമ ലംഘകർക്ക് ചുമത്തിയിരിക്കുന്ന പിഴകൾ ഈടാക്കുന്നതിനായി ആകസ്മിക പരിശോധനകൾ നടത്താൻ പ്രത്യേക സംഘം രൂപീകരിച്ച് നഗരത്തിൽ അവിടെവിടെയായി വാഹനങ്ങൾ പരിശോധിക്കാൻ ട്രാഫിക് പോലീസ് വിഭാഗം നടപടികൾ ആരംഭിച്ചു. പിഴ ചുമത്തിയിട്ടുള്ളതിന്റെ അടിസ്ഥാനത്തിൽ വാഹന ഉടമയ്ക്ക് നോട്ടീസുകൾ അയച്ചിരുന്നെങ്കിലും പലരും ഇത് അവഗണിച്ചു മുന്നോട്ടു പോവുകയാണ്. സ്വമേധയാ വെബ്സൈറ്റിൽ പരിശോധിച്ച് പിഴയടയ്ക്കാമെന്നിരിക്കെ അതിനു മുന്നോട്ടു വരാത്ത സാഹചര്യത്തിലാണ് പുതിയ നടപടി. ഇതുവരെ ചുമത്തിയിരിക്കുന്ന പിഴ അടയ്ക്കാതെ നടക്കുന്ന വാഹനങ്ങൾക്കാണ് പിടി വീഴുക. പിടിക്കപ്പെട്ടാൽ തൽക്ഷണം ഇതുവരെയുള്ള പിഴകൾ…

ബെംഗളൂരു: കെങ്കേരിക്ക് അടുത്ത് ഭീമനകുപ്പയിൽ ആണ് കഴിഞ്ഞ രാത്രി വീണ്ടും പുലി പ്രത്യക്ഷപ്പെട്ടത്. പുലിയുടെ ദൃശ്യങ്ങൾ ഇവിടെയുള്ള നിരീക്ഷണ ക്യാമറകളിൽ പതിഞ്ഞിട്ടുണ്ട്. ഇതിനുമുൻപ് കണ്ടെത്തി എന്ന് പറയപ്പെടുന്ന പുലിയെ കഴിഞ്ഞദിവസമാണ് അധികാരികൾ കൂട്ടിൽ ആക്കിയത്. എന്നാൽ അതിനുശേഷവും വീണ്ടും പുലി പ്രത്യക്ഷപ്പെട്ടത് കെങ്കേരി നിവാസികളെ ആശങ്കയിലാഴ്ത്തി. നഗരത്തിൽ ഇറങ്ങിയ പുലിയെ പിടിക്കുന്നതിനു വേണ്ടി ഉള്ള ശ്രമം കഴിഞ്ഞ മൂന്ന് മാസമായി നടത്തിവരികയായിരുന്നു. ഇതിനായി രണ്ട് കൂടുകൾ സ്ഥാപിച്ചിരുന്നു എങ്കിലും കഴിഞ്ഞദിവസമാണ് പുലിയെ പിടിക്കാൻ ആയത്. പാറമടകളുടെ പ്രവർത്തനവും കഴിഞ്ഞ ദിവസങ്ങളിലായി നടത്തുന്ന പാറപൊട്ടിക്കൽ സ്ഫോടനവും…

ബെംഗളൂരു: സ്കൂളുകളിൽ മുഴുവൻ ക്ലാസ്സുകളും സാധാരണനിലയിൽ പുനരാരംഭിക്കണം എന്ന് മുഖ്യമന്ത്രി അഭിപ്രായപ്പെട്ടു. ഒന്നുമുതൽ പത്തുവരെയുള്ള ക്ലാസുകളും പൂർണ്ണമായും സ്കൂളുകളിൽ പുനരാരംഭിക്കണം എന്ന് ആവശ്യപ്പെട്ടുകൊണ്ട് നിരവധി കത്തുകളാണ് മുഖ്യമന്ത്രിക്ക് ലഭിച്ചുകൊണ്ടിരിക്കുന്നത്. പത്ത് – പന്ത്രണ്ട് ക്ലാസുകൾ ആദ്യം പകുതി ദിവസങ്ങളിലും പിന്നീട് മുഴുവൻ ദിവസങ്ങളിലും സ്കൂളുകളിൽ നടപ്പിലാക്കിയതിനുശേഷവും മഹാമാരി വ്യാപനം വർദ്ധിക്കാതെ ഇരിക്കുന്ന സാഹചര്യത്തിൽ ഒന്നുമുതൽ പത്തുവരെയുള്ള ക്ലാസുകൾ സ്കൂളുകളിൽ പൂർണതോതിൽ നടപ്പിലാക്കുന്നതിൽ തെറ്റില്ല എന്നാണ് ഇവർ ചൂണ്ടികാണിക്കുന്നത്. നഗരാതിർത്തിയിൽ ഉള്ളവർക്കും സാമ്പത്തികമായി മുന്നോക്കം നിൽക്കുന്ന വിഭാഗത്തിൽ പെട്ടവർക്കും ആണ് ഇപ്പോഴത്തെ സംവിധാനത്തിൽ വിദ്യാഭ്യാസം തുടരാൻ…

ബെംഗളൂരു: ബൃഹത് ബംഗളൂരു മഹാനഗര പാലികയുടെ പരിധിയിൽ രൂപീകൃതമാകുന്ന ഖരമാലിന്യങ്ങൾ ശേഖരിക്കുന്നതിനും നീക്കം ചെയ്യുന്നതിനും സംസ്കരിക്കുന്നതിനും ബി ബി എം പി യുടെ ഒരു വിഭാഗത്തെ പ്രത്യേക കമ്പനി ആക്കി മാറ്റാനുള്ള പദ്ധതിക്കാണ് നിയമ വിഭാഗത്തിന് അംഗീകാരം കിട്ടിയത്. നിയമ വിഭാഗത്തിന്റെ അനുമതി നേടിയതിനാൽ മറ്റു സർക്കാർ സംവിധാനങ്ങളുടെ അനുമതികൾ നേടുന്നത് എളുപ്പമായിരിക്കും എന്ന് ഇതുമായി ബന്ധപ്പെട്ട വക്താവ് അറിയിച്ചു. കമ്പനി രൂപീകരണത്തിന് മന്ത്രിസഭാതല അനുമതിക്കു മുൻപ്, നിരവധി സർക്കാർ വിഭാഗങ്ങളുടെ അനുമതി നേടേണ്ടതുണ്ട്. മാലിന്യ സംസ്കരണത്തിൽ നിലവിലുള്ള സംവിധാനങ്ങൾ കാര്യക്ഷമമായ പ്രവർത്തനം കാഴ്ച…