ബെംഗളൂരു: സാമ്പത്തിക പ്രശ്‌നത്തിന്റെ പേരിൽ 49-കാരൻ ഭാര്യയെ കുത്തിക്കൊലപ്പെടുത്തുകയും 14 വയസ്സുള്ള മകളെ കൊല്ലാൻ ശ്രമിക്കുകയും ചെയ്തു. ബുധനാഴ്ച പുലർച്ചെ വടക്കൻ ബെംഗളൂരുവിലെ യശ്വന്ത്പൂരിനടുത്തുള്ള മത്തികെരെയിലെ വാടകവീട്ടിലാണ് സംഭവം
ഭാര്യയ്ക്കും മകൾക്കും പിന്നാലെ ആത്മഹത്യ ചെയ്യണമെന്നായിരുന്നു പ്രതിയുടെ ആഗ്രഹമെങ്കിലും മനം മാറിയ പ്രതി പോലീസിന് മുന്നിൽ കീഴടങ്ങുകയായിരുന്നു.
അനുസൂയ (42) ആണ് മരിച്ചത്, അപകടനില തരണം ചെയ്‌ത മകൾ സഹന ഒമ്പതാം ക്ലാസിൽ പഠിക്കുന്നത്. ധനേന്ദ്ര (49) ആണ് പ്രതി. ആന്ധ്രാപ്രദേശിലെ ചിറ്റൂർ സ്വദേശിയായ കുടുംബം വർഷങ്ങളായി നഗരത്തിൽ താമസിക്കുന്നത്. 15 വർഷം മുമ്പാണ് ഇരുവരും വിവാഹിതരായത്.
തയ്യൽക്കാരായ ധനേന്ദ്രയും അനുസൂയയും വീടിന് സമീപം കട നടത്തുകയായിരുന്നുവെന്ന് പോലീസ് പറഞ്ഞു. ധനേന്ദ്ര വിവിധ ആളുകളിൽ നിന്നായി രണ്ടര ലക്ഷത്തോളം രൂപ വായ്പ എടുത്തിരുന്നു. വായ്പ തീർപ്പാക്കാത്തതിനെ അനുസൂയ എതിർക്കുകയും ഇതേച്ചൊല്ലി ഭർത്താവുമായി വഴക്കിടുകയും പതിവായിരുന്നു.
നാല് മാസമായി ധനേന്ദ്രയ്ക്ക് ഭാര്യയെയും ഏക മകളെയും കൊലപ്പെടുത്താൻ പദ്ധതിയിട്ടിരുന്നതായി പോലീസ് പറഞ്ഞു. കഴിഞ്ഞ ഒരാഴ്ചയായിട്ടാണ് ധനേന്ദ്ര കൊലനടത്തൻ മനസ്സിൽ ഉറപ്പിച്ചത്. ചൊവ്വാഴ്ച രാത്രിയാണ് ധനേന്ദ്ര മദ്യപിച്ചത്. മകളുടെ ഭാവിക്കായി പണം സൂക്ഷിക്കുന്നതിനെച്ചൊല്ലി അന്നും ധനേന്ദ്രയുമായി ഭാര്യ വഴക്കുണ്ടാക്കിയിരുന്നു. തുടർന്നാണ് പുലർച്ചെ 3.30 ഓടെ ഭാര്യയുടെ തൊണ്ടയിൽ
ധനേന്ദ്ര കുത്തുകയായിരുന്നു, അവൾ ഉറങ്ങിക്കിടക്കുമ്പോൾ തുടർന്ന് ഉറങ്ങികിടന്നിരുന്ന മകളുടെ കവിളിലും കുത്തുകയായിരുന്നു.
അച്ഛൻ വീണ്ടും കുത്തുമെന്ന് ഭയന്ന് പെൺകുട്ടി മരിച്ചുവെന്ന് നടിച്ചു കിടന്നു. ധനേന്ദ്ര മകളെ കഴുത്ത് ഞെരിച്ച് കൊല്ലാൻ ശ്രമിച്ചെങ്കിലും മകൾ നിശ്ചലയായി തന്നെ കിടന്നു. മകൾ മരിച്ചുവെന്നാണ് ധനേന്ദ്ര കരുതിയത്. ശേഷം ആത്മഹത്യ ചെയ്യണമെന്നു തോന്നിയെങ്കിലും അതിനു കഴിഞ്ഞില്ല എന്നും ധനേന്ദ്ര പറഞ്ഞു. ഏതാനും മണിക്കൂറുകളോളം ധനേന്ദ്ര ആ വീട്ടിൽ തന്നെ നിന്നു. രാവിലെ ആറരയോടെയാണ് മകൾ ഉണർന്നത്. ധനേന്ദ്ര അവളെ ജീവനോടെ കാണുകയും തന്റെ പദ്ധതികളെക്കുറിച്ച് സമ്മതിക്കുകയും ചെയ്തു.
മകളെ കൊല്ലാൻ കഴിയില്ലെന്നും ധനേന്ദ്ര മകളോട് പറഞ്ഞു, തുടർന്ന് അയാൾ തന്നെ പോലീസ് കൺട്രോൾ റൂമിൽ വിളിച്ച് സംഭവം അറിയിക്കുകയായിരുന്നു. യശ്വന്ത്പൂർ പോലീസ് കസ്റ്റഡിയിലെടുത്തതും കാത്ത് അയാൾ വീട്ടിൽ കാത്തുനിന്നു. ധനേന്ദ്രയ്‌ക്കെതിരെ കൊലപാതകത്തിനും വധശ്രമത്തിനും കേസെടുത്തു.
ഭാര്യയെയും മകളെയും കുത്താൻ രണ്ട് വ്യത്യസ്ത കത്തികൾ ഉപയോഗിച്ചതായി ധനേന്ദ്ര സമ്മതിച്ചു. പാൻഡെമിക്കിന് ശേഷം അവരുടെ വരുമാനത്തെ ബാധിച്ചതിനാൽ അവരുടെ നാട്ടിലേക്ക് മടങ്ങാൻ ആഗ്രഹിച്ചിരുന്നെന്നും ചോദ്യം ചെയ്യലിൽ അദ്ദേഹം സമ്മതിച്ചു. എന്നാൽ, ഭാര്യ പിന്മാറാൻ നിർബന്ധിച്ചുവെന്നും അതിന് വഴങ്ങാത്തതിനെ തുടർന്നാണ് ഭാര്യയെ കൊല്ലാൻ തീരുമാനിച്ചതെന്നും അദ്ദേഹം പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
