Month: May 2026

ബെംഗളൂരു: ദുല്‍ഹിജ്ജ മാസപ്പിറവി ദൃശ്യമാവാത്തതിനാല്‍ ദുല്‍ഖഅദ് മുപ്പത് പൂര്‍ത്തിയാക്കി ചൊവ്വാഴ്ച്ച മുതല്‍ ദുല്‍ഹിജ്ജ ആരംഭിക്കുമെന്ന് മലബാര്‍ മുസ്ലിം അസോസിയേഷന്‍ ഖത്തീബ് ഉമര്‍ അബ്ദുല്ല ഫൈസി അറിയിച്ചു. കര്‍ണാടക ഹിലാല്‍ കമ്മിറ്റിയുടെ തീരുമാനപ്രകാരമാണിത്. മാസപ്പിറവി കാണാത്ത സാഹചര്യത്തില്‍ മാസം മുപ്പത് പൂര്‍ത്തിയാക്കിയാണ് പുതിയ മാസം കണക്കാക്കുന്നത്. അതനുസരിച്ച് വരാനിരിക്കുന്ന വലിയ പെരുന്നാള്‍ (ബലി പെരുന്നാള്‍) മെയ് 28-ന് ആയിരിക്കുമെന്നും അദ്ദേഹം വ്യക്തമാക്കി. പെരുന്നാളിന് മുന്നോടിയായുള്ള പുണ്യദിനമായ അറഫ നോമ്പ് മെയ് 27 ബുധനാഴ്ച്ച ആയിരിക്കുമെന്നും ഖത്തീബ് ഉമര്‍ അബ്ദുല്ല ഫൈസി അറിയിച്ചിട്ടുണ്ട്.

ബെംഗളൂരു: ബെംഗളൂരുവിൽ നിന്നും മംഗളൂരുവിലേക്ക് സർവീസ് നടത്തുകയായിരുന്ന സ്വകാര്യ സ്ലീപ്പർ ബസിന് തീപിടിച്ചു. ഹാസൻ താലൂക്കിലെ ശാന്തിഗ്രാമയ്ക്ക് സമീപം ദേശീയപാത 75-ൽ വെള്ളിയാഴ്ച രാത്രിയാണ് അപകടം സംഭവിച്ചത്. ബസിലുണ്ടായിരുന്ന 36 യാത്രക്കാരും പരിക്കുകളൊന്നുമില്ലാതെ അത്ഭുതകരമായി രക്ഷപ്പെട്ടു. യാത്രയ്ക്കിടയിൽ ബസിന്റെ ടയറുകളിലൊന്ന് പഞ്ചറായതിനെത്തുടർന്ന് വാഹനത്തിനുള്ളിൽ കനത്ത പുക പടരുകയായിരുന്നു. അപകടം മണത്ത ഡ്രൈവർ ഉടൻ തന്നെ വാഹനം റോഡരികിലേക്ക് നിർത്തി യാത്രക്കാരോട് അടിയന്തരമായി പുറത്തിറങ്ങാൻ ആവശ്യപ്പെട്ടു. ഡ്രൈവറുടെ സമയോചിതമായ ഇടപെടലാണ് വൻ ദുരന്തം ഒഴിവാക്കിയത്. ബസിനുള്ളിൽ പുക നിറഞ്ഞതോടെ പരിഭ്രാന്തരായ യാത്രക്കാർ കൈവശമുണ്ടായിരുന്ന ഹാൻഡ് ബാഗുകളുമായി…

ബെംഗളൂരു: കർണാടക സർക്കാർ പരീക്ഷണാടിസ്ഥാനത്തിൽ നടപ്പിലാക്കുന്ന സമ്പൂർണ്ണ പേപ്പർ രഹിത സ്വത്ത് രജിസ്ട്രേഷൻ സംവിധാനം ആധാരമെഴുത്തുകാരുടെ ഇടയിൽ വലിയ ആശങ്കയ്ക്ക് കാരണമാകുന്നു. പുതിയ നയം നടപ്പിലാക്കുന്നതോടെ നിയമപരമായ സുരക്ഷാ മാനദണ്ഡങ്ങൾ ദുർബലമാകുമെന്നും ഈ മേഖലയെ ആശ്രയിച്ചു കഴിയുന്ന ആയിരക്കണക്കിന് ആളുകളുടെ ഉപജീവനമാർഗ്ഗം തടസ്സപ്പെടുമെന്നും ഇവർ മുന്നറിയിപ്പ് നൽകുന്നു. കർണാടക സ്റ്റേറ്റ് സ്റ്റാമ്പ്‌സ് ആൻഡ് രജിസ്‌ട്രേഷൻ ഡെവലപ്‌മെന്റ് ഓതറൈസ്ഡ് ലൈസൻസ്ഡ് ഡോക്യുമെന്റ് റൈറ്റേഴ്സ് യൂണിയന്റെ കണക്കനുസരിച്ച് സംസ്ഥാനത്തുടനീളം 15,000-ഓളം ആധാരമെഴുത്തുകാരുണ്ട്. ഇവരെ കൂടാതെ ഈ മേഖലയിൽ ജോലി ചെയ്യുന്ന ലക്ഷക്കണക്കിന് ജീവനക്കാരും തൊഴിൽ നഷ്ടപ്പെടുമെന്ന ഭീതിയിലാണ്.…