Year: 2024

ബെംഗളൂരു : ഉപതിരഞ്ഞെടുപ്പ് നടക്കുന്ന ചന്നപട്ടണ, ഷിഗാവ്, സന്ദൂർ മണ്ഡലങ്ങളിൽ നിന്നായി 33.33 കോടി രൂപയുടെ മദ്യം പിടിച്ചെടുത്തു. പോലീസും എക്സൈസും മറ്റ് ഏജൻസികളും ഒക്ടോബർ 16 മുതൽ നവംബർ 11 വരെ നടത്തിയ പരിശോധനയിലാണ് ഇത്രയും മദ്യം പിടിച്ചെടുത്തത്. കേന്ദ്രമന്ത്രി എച്ച്.ഡി. കുമാരസ്വാമിയുടെ മകൻ നിഖിൽ കുമാരസ്വാമി മത്സരിക്കുന്ന ചന്നപട്ടണയിൽമാത്രം 29 കോടി രൂപയുടെ മദ്യം പിടിച്ചെടുത്തു. ചന്നപട്ടണയിൽനിന്ന് 2,95,395 ലിറ്റർ മദ്യവും സന്ദൂരിൽനിന്ന് 2926 ലിറ്റർ മദ്യവും ഷിഗാവിൽ നിന്ന് 300 ലിറ്റർ മദ്യവുമാണ് പിടിച്ചെടുത്തത്. ഷിഗാവിൽ നിന്ന് 8.2 കിലോഗ്രാം…

ബെംഗളൂരു: മൈസൂരു- ബെംഗളൂരു നള്ളങ്കട്ടയിൽ മലയാളി കുടുംബം സഞ്ചരിച്ച കാറിൽ കർണാടക ആർടിസി ബസ് ഇടിച്ച് ഒരാൾ മരിച്ചു. 4 പേർക്ക് പരിക്കേറ്റു. കാർ ഓടിച്ച ഇരിട്ടി സ്വദേശി കെടി ഗിരീഷ് ആണ് മരിച്ചത്. കൊളക്കാട് രാജമുടി സ്വദേശികളായ ചൊള്ളംപുഴ ബൈജു, ഭാര്യ ബിൻസി, മക്കളായ അക്ഷയ്, ആകാശ് എന്നിവരെ ഡിആർഎം മൾട്ടി സ്പെഷ്യൽ ആശുപത്രിയിൽ പ്രവേശിപ്പിച്ചു.

ബെംഗളൂരു : ബെംഗളൂരു വിമാനത്താവളം റോഡിൽ തർക്കിച്ചുകൊണ്ടിരുന്ന രണ്ടുവാഹനങ്ങളിലെ ഡ്രൈവർമാർ ബസ്സിടിച്ചുമരിച്ചു. ലോറി ഡ്രൈവർ കുൽദിപ് കുമാർ (42), കാർ ഡ്രൈവർ ജഗദീഷ് (40) എന്നിവരാണ് മരിച്ചത്. തിങ്കളാഴ്ച രാത്രി 11.30-ഓടെ ജക്കൂർ ലെഗസി സിറോക്കോ അപ്പാർട്ട്‌മെന്റിന് സമീപത്തായിരുന്നു അപകടം. സിമന്റ് ലോറി മുന്നിൽപോകുന്ന കാറിൽ ഇടിച്ചതിനെത്തുടർന്ന് രണ്ടുവാഹനങ്ങളിലെയും ഡ്രൈവർമാർ റോഡിലിറങ്ങി തർക്കിക്കുകയായിരുന്നു. ഈ സമയം വേഗത്തിലെത്തിയ ബി.എം.ടി.സി. ബസ് ലോറിയിൽ ഇടിച്ചു. തുടർന്ന്, ലോറി മുന്നോട്ടെത്തി ഡ്രൈവർമാരുടെ ദേഹത്തുകൂടി കയറിയിറങ്ങി. ഗുരുതരപരിക്കേറ്റ കുൽദിപ് അപകടസ്ഥലത്തും ജഗദീഷ് ആശുപത്രിയിലുമാണ് മരിച്ചത്. ബസ് ഡ്രൈവറുടെ പേരിൽ…

ബെംഗളൂരു : സംസ്ഥാനത്തെ മൂന്ന് നിയമസഭാ മണ്ഡലങ്ങൾ ഇന്ന് പോളിങ് ബൂത്തിലേക്ക്. നാടിളക്കിയുള്ള പ്രചാരണത്തിനുശേഷമാണ് വോട്ടർമാർ ജനവിധി രേഖപ്പെടുത്താനെത്തുന്നത്. ഭരണതലത്തിൽ മാറ്റമുണ്ടാക്കാൻപോന്ന തിരഞ്ഞെടുപ്പല്ലെങ്കിലും കോൺഗ്രസിനും ബി.ജെ.പി.ക്കും ജെ.ഡി.എസിനും നെഞ്ചിടിപ്പുയർത്തുന്നതുതന്നെയാണ് ഈ ജനവിധി. പ്രധാനനേതാക്കളുടെ ഭാവിയെപ്പറ്റി തിരഞ്ഞെടുപ്പുഫലം ചോദ്യങ്ങളുന്നയിക്കുമെന്നതാണ് കാരണം.

ബെംഗളൂരു: ചിക്കമഗളൂരു ജില്ലയില്‍ ജയപുര പോലീസ് സ്റ്റേഷൻ പരിധിയില്‍ തെരുവുനായെ ലൈംഗികമായി ഉപദ്രവിച്ച ചിക്കമഗളൂരു കട്ടിമനയ സ്വദേശിയായ ശിവരാജക്കെതിരെ (31) കേസെടുത്തു. ജയനഗർ ബസ് സ്റ്റോപ്പില്‍ കഴിഞ്ഞ മാസം 18ന് നടന്ന അതിക്രമം ഞായറാഴ്ചയാണ് പുറത്തറിഞ്ഞത്. ബീറ്റ് കോണ്‍സ്റ്റബിളിന്റെ പരാതിയില്‍ കേസെടുത്ത് യുവാവിനെ കസ്റ്റഡിലെടുത്ത പോലീസ് ചോദ്യം ചെയ്തുവരുന്നു.

ബെംഗളൂരു: 40,000 രൂപ വാടകയുള്ള ഫ്‌ളാറ്റിന് ഉടമ സെക്യൂരിറ്റി ഡിപ്പോസിറ്റായി ആവശ്യപ്പെട്ടത് 5 ലക്ഷം. തനിക്കുണ്ടായ വിഷമകരമായ അനുഭവം സോഷ്യല്‍ മീഡിയയിലൂടെ പങ്കുവച്ചിരിക്കുകയാണ് ഹര്‍ണിതി കൗര്‍ എന്ന യുവതി. ഇവര്‍ എക്‌സിലൂടെ പങ്കുവച്ച കുറിപ്പ് സോഷ്യല്‍മീഡിയയില്‍ ഏറെ ശ്രദ്ധനേടികഴിഞ്ഞു. 40,000 വാടകയുളള ഫ്‌ളാറ്റിന് 5 ലക്ഷം ഡിപ്പോസിറ്റ് ഞാന്‍ മടുത്തുപോയി എന്നാണ് ഹര്‍ണിത് കൗര്‍ എക്‌സില്‍ എഴുതിയത്. പോസ്റ്റ് വൈറലായതോടുകൂടി നിരവധിപേരാണ് തങ്ങളുടെ അഭിപ്രായം എക്‌സ് പ്ലാറ്റ്‌ഫോമിലൂടെ തുറന്നുപറഞ്ഞിരിക്കുന്നത്. ഡല്‍ഹി പോലുള്ള നഗരങ്ങളിലും സെക്യൂരിറ്റി ഡിപ്പോസിറ്റായി സാധാരണ രണ്ടോ മൂന്നോ മാസത്തെ വാടകയാണ് വാങ്ങുന്നത്.…

ബെംഗളൂരു : മണ്ഡ്യയിൽ 12 വയസ്സുകാരിയെ ലൈംഗികമായി ഉപദ്രവിച്ചെന്ന പരാതിയിൽ ബി.ജെ.പി. പ്രാദേശികനേതാവിന്റെ പേരിൽ പോക്സോ കേസ് രജിസ്റ്റർചെയ്തു. ഗ്രാമപ്പഞ്ചായത്ത് മുൻ പ്രസിഡന്റായ രമേഷിന്റെ പേരിലാണ്‌ കേസ്. മകളെ ഉപദ്രവിച്ചെന്നാരോപിച്ച് അമ്മ നൽകിയ പരാതിയിലാണ് കേസെടുത്തത്. വീട്ടിൽ താനില്ലാത്തസമയത്ത് രമേഷ് മകളെ ഉപദ്രവിച്ചെന്നാണ് പരാതി. ഇക്കാര്യം അമ്മ ചോദ്യംചെയ്തപ്പോൾ രമേഷ് ഭീഷണിപ്പെടുത്തിയെന്നും പരാതിയിൽ പറഞ്ഞു. രമേഷിന്റെ സുഹൃത്തുക്കളായ മൂന്നാളുടെേപരിലും കേസെടുത്തിട്ടുണ്ട്.