Year: 2024

ബെംഗളൂരു: വഖഫ് ഭൂമി വിഷയവുമായി ബന്ധപ്പെട്ട് ബി.ജെ.പി. സംസ്ഥാന അധ്യക്ഷൻ ബി.വൈ.വിജയേന്ദ്രയുടെ പേരിൽ കൈക്കൂലി ആരോപണമുന്നയിച്ച് മുഖ്യമന്ത്രി സിദ്ധരാമയ്യ. ബി.എസ്. യെദ്യൂരപ്പ മുഖ്യമന്ത്രിയായിരിക്കെ വഖഫ് ഭൂമി കൈയേറ്റത്തെപ്പറ്റി നടന്ന അന്വേഷണറിപ്പോർട്ട് മറച്ചുവെക്കാൻ അന്നത്തെ ന്യൂനപക്ഷ കമ്മിഷൻ അധ്യക്ഷൻ അൻവർ മണിപ്പാടിക്ക് വിജയേന്ദ്ര 150 കോടി രൂപ കൈക്കൂലി നൽകാൻ ശ്രമം നടത്തിയെന്ന് സിദ്ധരാമയ്യ ആരോപിച്ചു. അൻവർ മണിപ്പാടിയുടെ വീട്ടിലെത്തിയാണ് തുക വാഗ്ദാനം ചെയ്തതെന്നും പറഞ്ഞു. ഇക്കാര്യം അൻവർ മണിപ്പാടി അന്ന് പരസ്യമാക്കിയിരുന്നു. വിജയേന്ദ്രയെ അന്ന് അൻവർ മണിപ്പാടി വീട്ടിൽ നിന്നു പുറത്താക്കുകയും സംഭവത്തെപ്പറ്റി പ്രധാനമന്ത്രി…

ബെംഗളൂരു:ചന്നപട്ടണയില്‍ തെരുവുനായയെ കെട്ടിയിട്ട് ലൈംഗികമായി പീഡിപ്പിച്ചയാള്‍ പിടിയില്‍. സംഭവത്തില്‍ മൃഗസ്‌നേഹികള്‍ പ്രതിഷേധിച്ചതോടെ പോലീസ് കേസെടുത്ത് പ്രതിയെ അറസ്റ്റ് ചെയ്തു. സാത്തനൂര്‍ റോഡില്‍ വച്ച്‌ പ്രതി തെരുവുനായയെ കെട്ടിയിട്ട് ലൈംഗികമായി പീഡിപ്പിക്കുന്നത് ആളുകള്‍ കണ്ടിരുന്നു. നാട്ടുകാര്‍ ഇയാളെ പിടികൂടി മര്‍ദിച്ചശേഷം പോലീസിന് കൈമാറുകയായിരുന്നു.

ബെംഗളൂരു: ബെംഗളൂരുവില്‍ നിന്നും തൃശൂരിലേക്ക് കഞ്ചാവുമായി പുറപ്പെട്ട യുവാക്കളെ പോലീസ് പിടികൂടി. ബസ് മാർഗമാണ് ഇവർ തൃശൂരിലേക്കെത്തിയത്. കമ്മീഷണർക്ക് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ ലഹരി വിരുദ്ധ സ്ക്വാഡായ ഡാൻസാഫ് അംഗങ്ങളും മണ്ണുത്തി പോലീസ് തോട്ടപ്പടിയില്‍ വച്ച്‌ പ്രതികളെ പിടികൂടുകയായിരുന്നു. ഇവരുടെ ബാഗുകളില്‍ നിന്നും പ്രത്യേകം പാക്ക് ചെയ്ത മൂന്ന് പൊതികളിലാണ് കഞ്ചാവ് സൂക്ഷിച്ചിരുന്നത്. മാള കുമ്പിടിഞ്ഞാമാക്കല്‍ സ്വദേശി 26 വയസ്സുള്ള ലിബിൻ, എറണാകുളം പള്ളുരുത്തി സ്വദേശി 23 വയസ്സുള്ള സ്റ്റെമിൻ എന്നിവരാണ് പോലീസിന്റെ പിടിയിലായത്. വയനാട് ബത്തേരി സ്റ്റേഷൻ പരിധിയില്‍ കഞ്ചാവ് കടത്തിയ…

ബെംഗളൂരു: വിവാഹമോചനത്തിന് മൂന്നു കോടിരൂപ ആവശ്യപ്പെട്ട് മാനസികമായി പീഡിപ്പിച്ചെന്ന ആരോപണം ഉന്നയിച്ച്‌ ഐടി ജീവനക്കാരന്‍ ആത്മഹത്യ ചെയ്ത സംഭവത്തില്‍ ഭാര്യയും കുടുംബവും അറസ്റ്റില്‍. അതുല്‍ സുഭാഷ് (34) ആത്മഹത്യ ചെയ്ത സംഭവത്തില്‍ ഭാര്യ നികിത, ഭാര്യയുടെ അമ്മ നിഷ, ഭാര്യാ സഹോദരന്‍ അനുരാഗ് എന്നിവരാണ് അറസ്റ്റിലായത്. നികിതയെ ഗുരുഗ്രാമില്‍നിന്നും അമ്മയെയും സഹോദരനെയും അലഹബാദില്‍നിന്നുമാണ് അറസ്റ്റു ചെയ്തത്. നികിതയുടെ അമ്മാവന്‍ സുശീലും കേസില്‍ പ്രതിയാണ്. ബിഹാര്‍ സ്വദേശിയായ അതുല്‍ സുഭാഷിനെ തിങ്കളാഴ്ചയാണ് ഫ്‌ലാറ്റില്‍ മരിച്ച നിലയില്‍ കണ്ടെത്തിയത്. 24 പേജുള്ള ആത്മഹത്യക്കുറിപ്പ് പോലീസ് കണ്ടെടുത്തിരുന്നു. ഭാര്യവീട്ടുകാരുടെ…

ബെംഗളൂരു: നമ്മ മെട്രോയില്‍ ഒരാള്‍ ഭിക്ഷയെടുക്കുന്നതിന്റെ വിഡിയോ ദൃശ്യം സമൂഹ മാധ്യമങ്ങളില്‍ വൈറലായി. സംഭവത്തില്‍ ബി.എം.ആർ.സി.എല്‍ അധികൃതർ അന്വേഷണം ആരംഭിച്ചു. ശനിയാഴ്ചയാണ് സംഭവം നടന്നതെന്ന് കരുതുന്നതായും ദിവസവും സമയവും ഉറപ്പുവരുത്താൻ അന്വേഷണം നടക്കുകയാണെന്നും ബെംഗളൂരു മെട്രോ റെയില്‍ കോർപറേഷൻ അറിയിച്ചു. ഭിക്ഷയെടുത്തയാള്‍ ഏതു സ്റ്റേഷനില്‍ നിന്നാണ് കയറിയതെന്നും സ്റ്റേഷനില്‍ പ്രവേശിക്കുന്ന സമയത്ത് ഇയാള്‍ തൊപ്പി ധരിച്ചിരുന്നതായി കരുതുന്നില്ലെന്നും അധികൃതർ പറഞ്ഞു. കഴിഞ്ഞ മൂന്നു വർഷത്തിനിടെ ഇത് രണ്ടാമത്തെ തവണയാണ് മെട്രോ ട്രെയിനില്‍ ഭിക്ഷയെടുക്കുന്ന സംഭവം ആവർത്തിക്കുന്നത്.

ബെംഗളൂരു: കലബുറഗിയില്‍ 1.40 ലക്ഷം രൂപ വിലയുള്ള സിഗരറ്റ് മോഷ്ടിച്ചെന്ന് ആരോപിച്ച്‌ സ്വകാര്യ സ്ഥാപനത്തിലെ ജീവനക്കാരനായ ദലിത് യുവാവിനെ ഉടമയുടെ നേതൃത്വത്തില്‍ മര്‍ദിച്ച്‌ കൊലപ്പെടുത്തി. സ്വകാര്യ ബ്ലഡ് ബാങ്കിലെ ജീവനക്കാരന്‍ ശശികാന്ത് (25) ആണ് മരിച്ചത്. സ്ഥാപന ഉടമ ചന്ദ്രശേഖര്‍ പാട്ടീലും സഹായികളും ഉള്‍പ്പെടെ 5 പേര്‍ക്കെതിരെ പോലീസ് കേസെടുത്തു. ഇവര്‍ ഒളിവിലാണ്.