Day: 12 September 2024

മദ്യ കുപ്പികൾ പരസ്യമായി നിരത്തിവച്ചിരിക്കുന്നത് കണ്ടാൽ ഏതെങ്കിലും കുടിയൻമാർ വെറുതെ ഇരിക്കുമോ?. അതും നശിപ്പിക്കാനാണെങ്കിലോ പിന്നെ പറയേണ്ട. ഏതു വിധേനയും തടനായിരിക്കും ശ്രമിക്കും. ആന്ധ്രപ്രദേശിലെ ഗുണ്ടൂരിൽ നടന്ന ഇത്തരമൊരു രസകരമായൊരു സംഭവത്തിന്റെ വീഡിയോയാണ് സോഷ്യൽ മീഡിയയിൽ പ്രചരിക്കുന്നത്. പിടിച്ചെടുത്ത അനധികൃത മദ്യം നശിപ്പിക്കാൻ ശ്രമിച്ച പൊലീസിനാണ് കുടിയൻമാർ എട്ടിന്റെ പണി കൊടുത്തത്. ബുൾഡോസർ ഉപയോഗിച്ച് നശിപ്പിക്കാനായി അടുക്കിവച്ചിരുന്ന മദ്യകുപ്പികളാണ് പോലീസ് നോക്കിനിൽക്കേ ആളുകൾ കൂട്ടമായി എത്തി കവർന്നത്. 50 ലക്ഷം രൂപ വില വരുന്ന മദ്യമാണ് എടുകുരു റോഡിലെ ഡമ്പിങ് യാർഡിൽ നശിപ്പിച്ച് കളയാൻ…

മരുന്ന് കുറിപ്പടികള്‍ കന്നടയിലാക്കണമെന്ന കർണാടക ലാംഗ്വേജ് ഡെവലപ്മെന്റ് അതോറിറ്റിയുടെ (കെ.എല്‍.ഡി.എ) നിർദേശം തള്ളി സംസ്ഥാന ആരോഗ്യ മന്ത്രി ദിനേശ് ഗുണ്ടുറാവു. ഭാഷയെ പ്രോത്സാഹിപ്പിക്കാനുള്ള ആശയമാണെങ്കിലും നടപ്പാക്കാൻ പറ്റിയ സാഹചര്യമല്ല നിലവിലുള്ളതെന്ന് മന്ത്രി പറഞ്ഞു. സർക്കാർ ആശുപത്രികളിലെയും ആരോഗ്യ കേന്ദ്രങ്ങളിലെയും ഡോക്ടർമാർ എഴുതുന്ന കുറിപ്പടികള്‍ കന്നടയിലാക്കിയാല്‍ അത് സംസ്ഥാനത്തിന്റെ ഭാഷാപരമായ സ്വത്വം സംരക്ഷിക്കുന്നതിനുള്ള നിർണായകമായ ചുവടുവെപ്പാകുമെന്ന് കെ.എല്‍.ഡി.എ ചെയർമാൻ പുരുഷോത്തം ബിലിമാലെ ആരോഗ്യ മന്ത്രിക്കെഴുതിയ കത്തില്‍ പറഞ്ഞിരുന്നു. നൂറുകണക്കിന് ഡോക്ടർമാർ ഇതിന് സന്നദ്ധമാണെന്നും കത്തിലുണ്ടായിരുന്നു. ഇത് ഭാഷ ദേശീയതയിലൂന്നിയ വാദമാണെന്നും മെഡിക്കല്‍ ടെർമിനോളജികള്‍ പരിഭാഷപ്പെടുത്തുന്നതില്‍ പരിമിതികളുണ്ടെന്നും…

ബെംഗളൂരു : പുതിയതായി വാങ്ങിയ സ്‌കൂട്ടറിന്റെ തകരാർ പരിഹരിച്ചില്ലെന്നാരോപിച്ച് ഒല ഇലക്‌ട്രിക് സ്‌കൂട്ടർ ഷോറൂമിന് യുവാവ് തീയിട്ടു. വടക്കൻ കർണാടകയിലെ കലബുറഗിയിലാണ് സംഭവം. പ്രദേശവാസിയായ മുഹമ്മദ് നദീമാണ് (26) ഷോറൂമിന് തീയിട്ടത്. ആറു സ്‌കൂട്ടറുകളും ഫർണിച്ചറുകളും കത്തിനശിച്ചതായി പോലീസ് പറഞ്ഞു. 20 ദിവസംമുൻപാണ് നദീം സ്‌കൂട്ടർ വാങ്ങിയത്. എന്നാൽ, സ്‌കൂട്ടറിന് ചില പ്രശ്നങ്ങളുണ്ടെന്നു പറഞ്ഞ് ഒട്ടേറെത്തവണ നദീം ഷോറൂമിലെത്തി പരിഹരിക്കണമെന്നാവശ്യപ്പെട്ടു. ഇതേച്ചൊല്ലി ജീവനക്കാരുമായി തർക്കവുമുണ്ടായി. സ്‌കൂട്ടറിന്റെ തകരാർ പരിഹരിക്കാത്തതിൽ നിരാശനായ നദീം ഷോറൂമിൽ പെട്രോളൊഴിച്ച് തീകൊളുത്തുകയായിരുന്നെന്ന് പോലീസ് പറഞ്ഞു. പോലീസ് നദീമിനെ കസ്റ്റഡിയിലെടുത്തു.