Month: February 2024

ബെംഗളൂരു : കുമ്പളഗോഡിനടുത്ത് രാമസാന്ദ്ര ഗ്രാമത്തിൽ പെർഫ്യൂം ഗോഡൗണിലുണ്ടായ തീപിടിത്തത്തിൽ മൂന്ന് തൊഴിലാളികൾ മരിക്കുകയും അഞ്ച് പേർക്ക് ഗുരുതരമായി പരിക്കേൽക്കുകയും ചെയ്തു. പെർഫ്യൂം നിറയ്ക്കുന്നതിനിടെ പെട്ടെന്ന് സ്‌ഫോടനം ഉണ്ടാവുകയും വെയർഹൗസിന് തീപിടിക്കുകയുമായിരുന്നു. സംഭവസമയത്ത് 8 തൊഴിലാളികൾ ഗോഡൗണിൽ ഉണ്ടായിരുന്നു. തീ ആളിപ്പടർന്നതോടെ 5 പേർ പുറത്തേക്ക് ഓടി. ഗോഡൗണിൽ നിന്ന് പുറത്തിറങ്ങാനാകാതെ മറ്റു മൂന്നുപേരും ജീവനോടെ വെന്തുമരിക്കുകയായിരുന്നെന്നാണ് വിവരം. വിവരമറിഞ്ഞ് ഫയർഫോഴ്‌സ് സ്ഥലത്തെത്തി തീ അണച്ച് മൃതദേഹങ്ങൾ പുറത്തെടുത്തു. കുമ്പളഗോഡ് പോലീസും സ്ഥലത്തെത്തി പരിശോധന നടത്തി. മരിച്ച മൂന്ന് തൊഴിലാളികളുടെ വിവരങ്ങൾ പുറത്ത് വിട്ടിട്ടില്ല.…

ബെംഗളൂരു : ശിവമോഗയിൽ കാർഷോറൂമിന് തീപിടിച്ച് ഏഴുകാറുകൾ കത്തിനശിച്ചു. ശേഷാദ്രിപുരം ശങ്കരമഠം റോഡിലെ ഹ്യുണ്ടായ് മോട്ടോർകമ്പനിയുടെ ഷോറൂമിൽ വെള്ളിയാഴ്ച രാത്രിയായിരുന്നു തീപ്പിടിത്തം. ഷോറൂമിനകത്തുള്ള മൂന്നുകാറുകൾ പൂർണമായും പുറത്ത് നിർത്തിയിട്ട നാലുകാറുകൾ ഭാഗികമായുമാണ് കത്തിയത്. ഷോറൂമിലുണ്ടായിരുന്ന മറ്റ് വസ്തുക്കളും കത്തിനശിച്ചു. ഭദ്രാവതി, തരിക്കെരെ എന്നിവിടങ്ങളിൽനിന്നുള്ള അഗ്നിരക്ഷാസേനയും പോലീസുമെത്തിയാണ് തീയണച്ചത്.  

ബെംഗളൂരു : ഈ മാസം 29-ന് ആരംഭിക്കുന്ന ബെംഗളൂരു അന്താരാഷ്ട്ര ചലച്ചിത്രോത്സവത്തിൽ മത്സരിക്കാൻ നാലു മലയാള സിനിമകൾ. ടിനു പാപ്പച്ചൻ സംവിധാനം ചെയ്ത ചാവേർ, ഗണേഷ് രാജ് സംവിധാനം ചെയ്ത പൂക്കാലം, അനീഷ് അൻവർ സംവിധാനം ചെയ്ത രാസ്ത, ഫാസിൽ റസാക്കിന്റെ തടവ് എന്നിവയാണ് മത്സരത്തിനുള്ള മലയാളം സിനിമകൾ. 800 രൂപയാണ് നിരക്ക്. വിദ്യാർഥികൾ, ഫിലിം സൊസൈറ്റി അംഗങ്ങൾ, മുതിർന്ന പൗരൻമാർ എന്നവർക്ക് 400 രൂപയാണ് ഫീസ്. biffes.org എന്ന വെബ്‌സൈറ്റിലൂടെ ബുക്ക് ചെയ്യാം. ചാവേർ, പൂക്കാലം, രാസ്ത എന്നിവ ‘ചിത്രഭാരതി സിനിമാ മത്സര’…

ബെംഗളൂരു : ഫെബ്രുവരി 18 ന് ഹാവേരിയിൽ മുഖ്യമന്ത്രി സിദ്ധരാമയ്യ “ആശാ കിരണ് – നേത്ര പരിചരണം നിങ്ങളുടെ വീട്ടുപടിക്കൽ” പദ്ധതി ഉദ്ഘാടനം ചെയ്യുമെന്ന് ആരോഗ്യ കുടുംബക്ഷേമ മന്ത്രിയും ഡികെ ജില്ലാ ഇൻ-ചാർജ് മന്ത്രിയുമായ ദിനേശ് ഗുണ്ടു റാവു അറിയിച്ചു. അന്ധതയും കാഴ്ച വൈകല്യവും നിയന്ത്രിക്കുന്നതിനുള്ള ദേശീയ പരിപാടിയുടെ കീഴിലാണ് ഈ സംരംഭം വരുന്നത്. ആശാ കിരണിൻ്റെ കീഴിൽ എല്ലാ പ്രായത്തിലുമുള്ള വ്യക്തികൾക്കായി സമഗ്രമായ നേത്രപരിശോധന നടത്തുമെന്ന് അദ്ദേഹം മാധ്യമപ്രവർത്തകരോട് പറഞ്ഞു. ആവശ്യമുള്ളവർക്ക് സൗജന്യ കണ്ണടകൾ നൽകും, അർഹരായ ഗുണഭോക്താക്കൾക്ക് തിമിര ശസ്ത്രക്രിയകൾ സൗജന്യമായി…

ബെംഗളൂരു : സർക്കാർ സ്കൂളുകളിലും പ്രീ യൂണിവേഴ്‌സിറ്റി കോളേജുകളിലും അടിസ്ഥാനസൗകര്യങ്ങൾ വികസിപ്പിക്കുന്ന പദ്ധതികൾക്ക് ഊന്നൽനൽകി സംസ്ഥാന ബജറ്റ്. വിദ്യാഭ്യാസ സ്ഥാപനങ്ങളിലെ വികസന പ്രവർത്തനങ്ങൾക്കായി 850 കോടി രൂപ അനുവദിച്ചു. കുട്ടികൾക്ക് ഗണിതശാസ്ത്രത്തിൽ കൂടുതൽ താത്പര്യമുണ്ടാകാൻ ജെ.പി.എ.എൽ. ഇൻസ്റ്റിറ്റ്യൂട്ടുമായി സഹകരിച്ച് മൂന്നുമുതൽ അഞ്ചുവരെ ക്ലാസിൽപഠിക്കുന്ന കുട്ടികൾക്കായി ഗണിത – ഗണക പരിപാടി ആരംഭിക്കും. ആറ്, ഏഴ് ക്ലാസുകളിൽ പഠനത്തിൽ പിന്നാക്കം നിൽക്കുന്ന വിദ്യാർഥികൾക്ക് പഠനത്തിനുള്ള കഴിവ് മെച്ചപ്പെടുത്താൻ മരുസിഞ്ചന പരിപാടി ആരംഭിക്കും. ഇതിനായി പത്തു കോടി രൂപ അനുവദിച്ചു സർക്കാർ ഹൈസ്കൂളുകളിൽ സയൻസ്, കംപ്യൂട്ടർ ലാബുകൾ…