November 2023 – Page 6 – BengaluruVartha

യുവാവും മകനും ഷോക്കേറ്റുമരിച്ചു

November 28, 2023 Arya

ബെംഗളൂരു : ബെളഗാവി ജില്ലയിലെ അത്താനിയിൽ പമ്പുസെറ്റ് പ്രവർത്തിപ്പിക്കുന്നതിനിടെ യുവാവും ഏഴുവയസ്സുകാരനായ മകനും ഷോക്കേറ്റുമരിച്ചു. ചിക്കട്ടി സ്വദേശി മല്ലികാർജുൻ സദാശിവ പൂജാരി (32), മകൻ പ്രീതം മല്ലികാർജുൻ എന്നിവരാണ് മരിച്ചത്. ഞായറാഴ്ച വൈകീട്ട് കൃഷിയിടത്തിലെ പമ്പുസെറ്റ് പ്രവർത്തിപ്പിക്കുന്നതിനിടെ സർവീസ് വയറിൽ നിന്ന് മല്ലികാർജുന് ഷോക്കേൽക്കുകയായിരുന്നു. ഇതിനിടെ മല്ലികാർജുനെ സ്പർശിച്ച പ്രീതത്തിനും ഷോക്കേറ്റു. കൃഷിയിടത്തിലുണ്ടായിരുന്ന തൊഴിലാളികൾ ഇരുവരെയും ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഇതോടെ പത്തുദിവസത്തിനിടെ സംസ്ഥാനത്ത് ഷോക്കേറ്റുമരിക്കുന്നവരുടെ എണ്ണം ആറായി. കഴിഞ്ഞ 19-നാണ് വഴിയരികിലുണ്ടായിരുന്ന വൈദ്യുതലൈനിൽ ചിവിട്ടിയതിനെത്തുടർന്ന് ബെംഗളൂരുവിൽ അമ്മയും ഒമ്പതുമാസം പ്രായമായ കുഞ്ഞും മരിച്ചത്.…

പ്രണവും കല്യാണിയും വിവാഹിതരാവില്ലെന്ന് സംവിധായകൻ

November 28, 2023 Arya

പ്രണവ് മോഹൻലാലും കല്യാണി പ്രിയദര്‍ശനും വിവാഹിതരാവില്ലെന്ന് വെളിപ്പെടുത്തി മോഹൻ ലാലിന്റെ സുഹൃത്തും നടനും സംവിധായകനുമായ ജോണി ആന്റണി. ഒരു ചാനലിന് നല്‍കിയ അഭിമുഖത്തിലാണ് ജോണി ആൻ്റണി ഇക്കാര്യം പറഞ്ഞത്. കുട്ടിക്കാലം മുതല്‍ കല്യാണിയും പ്രണവും നല്ല സുഹൃത്തുക്കളാണെന്നും അവര്‍ രണ്ടുപേരും വിവാഹം കഴിക്കുമോ എന്ന് നോക്കുന്നത് ഇപ്പോഴത്തെ ന്യൂജൻ പിള്ളേര്‍ക്ക് ചേര്‍ന്നതല്ല എന്നും ജോണി ആൻ്റണി പറഞ്ഞു. കല്യാണിയും പ്രണവും യഥാര്‍ത്ഥ ജീവിതത്തിലും വിവാഹിതരായെക്കുമെന്ന തരത്തിലുള്ള വാര്‍ത്തകള്‍ വന്നിരുന്നു. ഇതിനു പിന്നാലെ ആണ് ജോണി ആന്റണി യുടെ വെളിപ്പെടുത്തലും പുറത്തുവന്നിരിക്കുന്നത്.

മുത്തച്ഛന്റെ അന്ത്യദർശനത്തിന് പോകവെ കൊച്ചുമകൻ വാഹനാപകടത്തിൽ മരിച്ചു

November 28, 2023 Arya

ബെംഗളൂരു: ചാമരാജനഗർ താലൂക്കിലെ പന്യാടഹുണ്ടി ക്രോസിന് സമീപം മുത്തച്ഛന്റെ അന്ത്യദർശനത്തിന് പോകവെ കൊച്ചുമകൻ വാഹനാപകടത്തിൽ മരിച്ചു . നിതീഷ് പൂജാരിയാണ് മരിച്ചത്. ചാമരാജനഗർ മെഡിക്കൽ കോളേജ് വിദ്യാർത്ഥിയാണ് നിതീഷ് പൂജാരി. ഉഡുപ്പി ഹെബ്രി സ്വദേശിയായ ഇയാൾ സിംസിൽ രണ്ടാം വർഷ വിദ്യാർത്ഥിയായിരുന്നു. ഞായറാഴ്ച രാവിലെ 11.30 ഓടെ മുത്തച്ഛൻ അസൂനയിലുണ്ടെന്ന വാർത്ത കേട്ട് ബസുകളില്ലാത്തതിനാൽ ബൈക്കിൽ യാത്ര ചെയ്യുമ്പോഴായിരുന്നു അപകടം.

അപ്പാർട്ട്‌മെന്റിലുണ്ടായ തീപിടിത്തത്തിൽ യുവതി മരിച്ചു

November 28, 2023 Arya

ബെംഗളൂരു: മംഗളൂരു അത്താവരയിൽ അപ്പാർട്ട്‌മെന്റിലുണ്ടായ തീപിടിത്തത്തിൽ യുവതി മരിച്ചു. സഹൈൻ മുസാബ് (57) ആണ് മരിച്ചത്. നഗരത്തിലെ അത്താവരയിലെ അപ്പാർട്ട്മെന്റിലെ ഫ്ലാറ്റിൽ ഇന്ന് പുലർച്ചെയാണ് തീപിടിത്തമുണ്ടായത്. അപ്പാർട്ട്‌മെന്റിന് തീപിടിച്ചപ്പോൾ കുളിമുറിയിൽ ആയിരുന്ന യുവതി തീയുടെ പുകയിൽ കുളിമുറിക്കുള്ളിൽ ശ്വാസം മുട്ടി മരിക്കുകയായിരുന്നു. വീട്ടിനുള്ളിൽ മറ്റൊരാളെ ഗുരുതരാവസ്ഥയിലായതിനെ തുടർന്ന് ആശുപത്രിയിൽ പ്രവേശിപ്പിച്ചിരിക്കുകയാണ്. തീപിടുത്തത്തിൽ അപ്പാർട്ട്മെന്റിന് കേടുപാടുകൾ സംഭവിച്ചു. തീപിടിത്തത്തെ കുറിച്ച് വിവരം ലഭിച്ചയുടൻ പാണ്ഡേശ്വർ അഗ്നിശമന സേനാംഗങ്ങൾ ഓപ്പറേഷൻ നടത്തി തീ അണച്ചു. ഷോർട്ട് സർക്യൂട്ടാണ് തീപിടുത്തത്തിന് കാരണമെന്ന് അഗ്നിശമന സേനാംഗങ്ങൾ അറിയിച്ചു.

ബാന്ദ്ര ഒടിടി യിലേക്ക്

November 28, 2023 Arya

ദിലീപ് നായകനായ എത്തിയ പുതിയ ചിത്രമാണ് ബാന്ദ്ര. അരുണ്‍ ഗോപി സംവിധാനം ചെയ്ത ചിത്രം ദീപാവലി റിലീസായാണ് തിയേറ്ററിൽ എത്തിയത്. എന്നാല്‍ സിനിമയ്ക്ക് സമ്മിശ്ര പ്രതികരണം ആണ് ആദ്യം മുതലേ ലഭിച്ചത്. ഇപ്പോഴിതാ ഒ.ടി.ടി റിലീസിന് ഒരുങ്ങുകയാണ് ചിത്രം. ഡിസ്‌നി പ്ലസ് ഹോട്ട്സ്റ്റാറില്‍ ഡിസംബര്‍ അവസാനവാരത്തില്‍ സ്ട്രീമിംഗ് ആരംഭിക്കും.

പെരുമ്പാവൂരിൽ കാണാതായ പെൺകുട്ടികളെ ഇന്‍സ്റ്റഗ്രാം സുഹൃത്തിന്റെ വീട്ടിൽ നിന്നും കണ്ടെത്തി

November 28, 2023 News Team

പെരുമ്പാവൂർ: കാണാതായ പെണ്‍കുട്ടികളെ കണ്ടെത്തി. പെണ്‍കുട്ടികളില്‍ ഒരാളുടെ ഇന്‍സ്റ്റഗ്രാം സുഹൃത്തായ യുവാവിന്റെ വീട്ടില്‍ നിന്നുമാണ് ഇവരെ കണ്ടെത്തിയത്. കഴിഞ്ഞദിവസം ഉച്ചയ്ക്കാണ് പെരുമ്പാവൂര്‍ ഗവണ്‍മെന്റ് ഗേള്‍സ്ഹയര്‍ സെക്കന്‍ഡറി സ്‌കൂളിലെ വിദ്യാര്‍ഥിനികളായ രണ്ടുപേരെയും കാണാതായത്. സ്‌കൂളില്‍ പൊതുയോഗം ആയതിനാല്‍ നേരത്തെ സ്‌കൂള്‍ സമയം കഴിഞ്ഞ് വൈകുന്നേരം ആയിട്ടും കുട്ടികള്‍ വീട്ടിലെത്താത്തതിനാല്‍ രക്ഷിതാക്കള്‍ പെരുമ്പാവൂര്‍ പൊലീസില്‍ പരാതി നല്‍കുകയായിരുന്നു.

തട്ടിക്കൊണ്ടുപോയ ആറു വയസ്സുകാരിയെ കണ്ടെത്തി

November 28, 2023 Arya

കൊല്ലം: ഓയൂരിൽ നിന്നും നാലംഗ സംഘം കാറിൽ തട്ടിക്കൊണ്ടുപോയ ആറു വയസ്സുകാരി അബിഗേൽ സാറ റെജിയെ കണ്ടെത്തി. കൊല്ലം ആശ്രമം മൈതാനത്തു നിന്നാണ് അബിഗേലിനെ കണ്ടെത്തിയത്. 20 മണിക്കൂറോളം നീണ്ട തിരച്ചിലൊടുവിലാണ് കുട്ടിയെ കണ്ടെത്തിയത്.

നിരവധി കേസുകളിൽ പ്രതിയായ ഗുണ്ട അറസ്റ്റിൽ

November 28, 2023 Arya

ബംഗളൂരു: നഗരത്തിൽ പലയിടങ്ങളിലായി 16 കേസുകളിൽ പ്രതിയായ ഗുണ്ടയെ പോ ലീസ് അറസ്റ്റ് ചെയ്‌തു. കാമാക്ഷിപാളയ സ്വദേശി ജഗദീഷ് എന്ന ജഗ്ഗ (42) ആൺപിടിയിലയത്. ബംഗളൂരു സിറ്റി, ബംഗളൂരു റൂറൽ എന്നിവിടങ്ങളിലായാണ് ഇയാൾക്കെതിരേ കേസുകളുള്ളത്. മൂന്നു കൊല്ലപാതക കേസുകൾ കൂടാതെ, കവർച്ച ആസൂത്രണം, തട്ടിക്കൊണ്ടു പോക ൽ, കൊലപാതക പരിശ്രമം തുടങ്ങിയ കേസുകൾ ഉണ്ട്. 2017ൽ ഗുണ്ടാ ആക്ട് പ്രകാരം ഇയാൽ അറസ്റിലായി.

കർണാടക സ്വദേശി ഒമാനിൽ മുങ്ങി മരിച്ചു

November 28, 2023 Arya

മസ്കത്ത്: ഒമാനിലെ പ്രധാന ടൂറിസ്റ്റ് സ്ഥലങ്ങളിലൊന്നായ റുസ്താഖിലെ വാദിഹൊക്കയിനിൽ കർണാടക സ്വദേശി മുങ്ങിമരിച്ചു. ചിക്ക്മംഗളൂരുവിലെ സന്തേശ സതീഷ (28) ആണ് മരിച്ചത്. ഞായറാഴ്ച വൈകീട്ടോടെയായിരുന്നു അപകടം. കൂട്ടുകാരുമൊത്ത് വാദിഹൊക്കയിനിൽ എത്തിയ ഇദ്ദേഹം അപകടത്തിൽപ്പെടുകയായിരുന്നു. ജോയ് ആലുക്കാസ് ജ്വല്ലറിയുടെ മസ്കത്ത് റൂവി ബ്രാഞ്ചിലെ സെയിൽസ് എക്സിക്യൂട്ടീവ് ആണ്. റുസ്താഖ് ആശുപത്രിയിൽ സൂക്ഷിച്ചിരിക്കുന്ന മൃതദേഹം നടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.

ബെംഗളൂരുവിൽ കൈത്തോക്ക് കാണിച്ച് ഭീഷണിപ്പെടുത്തി പൊതുജനങ്ങളിൽ നിന്ന് പണം തട്ടി; റൗഡി അറസ്റ്റിൽ

November 28, 2023November 28, 2023 News Team

ബെംഗളൂരു: പൊതുജനങ്ങളെ ഭീഷണിപ്പെടുത്തി പണം തട്ടുന്ന റൗഡി ഉൾപ്പെടെ നാലുപേരെ ആർടി നഗർ പൊലീസ് അറസ്റ്റ് ചെയ്തു. നെലമംഗല സ്വദേശികളായ ഇമ്രാൻ ഏലിയാസ് ബോഡ്‌കെ (29), മോഹിത് (24), അർഫത്ത് അഹമ്മദ് (25), സയ്യിദ് മാസ് (22) എന്നിവരെയാണ് അറസ്റ്റ് ചെയ്തത്. നവംബർ 21ന് രാത്രി ആർടി നഗർ പോലീസ് സ്‌റ്റേഷൻ പരിധിയിലെ ദിന്നൂർ മെയിൻ റോഡിലുള്ള നേച്ചർ ബാർ ആൻഡ് റസ്‌റ്റോറന്റിൽ എത്തിയ പ്രതിയും കൂട്ടാളികളും ആയുധങ്ങൾ കാട്ടി ഭീഷണിപ്പെടുത്തി 40,000 രൂപ തട്ടിയെടുത്തു. പിന്നീട് ഇതേ റൂട്ടിൽ കടയുടമയെയും ബീദ ആക്രമിച്ചു.…