ബെംഗളൂരു: പുള്ളിപ്പുലിയുടെ ആക്രമണത്തിനിരയായി ചികിത്സയിലായിരുന്ന ഹനൂർ താലൂക്കിലെ കഗ്ഗലിഗുണ്ടി ഗ്രാമത്തിലെ സുശീല എന്ന പെൺകുട്ടി ചികിൽസയിലിരിക്കെ മരിച്ചു.കഴിഞ്ഞ ജൂൺ 26 നാണ് സംഭവം നടന്നത്.
രാമുവിന്റെയും ലളിതയുടെയും മകൾ സുശീല അവരുടെ വീടിന് മുന്നിൽ കളിക്കുകയായിരുന്നു. ഈ സമയം അവിടെയെത്തിയ പുലി കളിക്കുകയായിരുന്ന പെൺകുട്ടിയെ ആക്രമിക്കുകയായിരുന്നു.
പെട്ടെന്ന് പെൺകുട്ടിയുടെ മേൽ പാഞ്ഞുകയറിയ പുള്ളിപ്പുലി സുശീലയെ 200 മീറ്ററോളം ദൂരത്തേക്ക് വലിച്ചിഴച്ചു. പെൺകുട്ടി കൊണ്ടുപോകുന്നതിനിടെ കുട്ടി ഉച്ചത്തിൽ നിലവിളിച്ചതോടെ നാട്ടുകാർ സ്ഥലത്തെത്തി. ഈ സമയം ആളുകളെ കണ്ട് ഭയന്ന പുലി കുട്ടിയെ സ്ഥലത്ത് ഉപേക്ഷിച്ച് കാട്ടിലേക്ക് ഓടി.
ഗ്രാമവാസികൾ സ്ഥലത്തെത്തിയപ്പോഴേക്കും പുലിയുടെ ആക്രമണത്തിൽ പെൺകുട്ടിക്ക് ഗുരുതരമായി പരിക്കേറ്റിരുന്നു. നാട്ടുകാർ ഉടൻ വനംവകുപ്പിനെയും 108 ആംബുലൻസ് ജീവനക്കാരെയും വിവരമറിയിച്ചു.
ഉടൻ തന്നെ അത്യാഹിത വിഭാഗത്തിൽ പ്രവർത്തിക്കുന്ന മൂർത്തിയും ഡ്രൈവർ ലിംഗരാജും സ്ഥലത്തെത്തി പ്രാഥമിക ശുശ്രൂഷ നൽകിയ ശേഷം പെൺകുട്ടിയെ കാമഗെരെ സ്വകാര്യ ആശുപത്രിയിൽ പ്രവേശിപ്പിച്ചു.
വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തി.പിന്നീട് ഗുരുതരമായി പരിക്കേറ്റ പെൺകുട്ടിയെ മൈസൂരിലെ ചേലുവംബ ആശുപത്രിയിൽ പ്രവേശിപ്പിച്ചു. പെൺകുട്ടിയുടെ താടിയെല്ല് പൊട്ടി മുഖം വീർത്ത നിലയിലായിരുന്നു.
കഴിഞ്ഞ 14 ദിവസമായി പെൺകുട്ടി തീവ്രപരിചരണ വിഭാഗത്തിൽ ചികിത്സയിലായിരുന്നു. ജൂൺ 11ന് ഒരു ഓപ്പറേഷനും നടത്തി. എന്നാൽ ഇന്ന് പെൺകുട്ടി മരണമടഞ്ഞു.
സംഭവം നടന്ന് 14 ദിവസം കഴിഞ്ഞിട്ടും പുലിയെ പിടികൂടിയിറ്റില്ല. പുലിയെ പിടികൂടുന്നതിനായി പുലി ആക്രമിച്ച സ്ഥലത്ത് മൂന്ന് അസ്ഥികൾ അടുത്തടുത്തായി സ്ഥാപിച്ചിട്ടുണ്ട്.
എന്നാൽ ഇതുവരെ വനംവകുപിന് പുലിയെ പിടികൂടാൻ ആയിട്ടില്ല. സംഭവത്തിൽ നാട്ടുകാർ പ്രതിഷേധം രേഖപ്പെടുത്തി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
