Day: 21 September 2022

ചെന്നൈ: പ്ലസ്ടു വിദ്യാർത്ഥിനിയെ സ്‌കൂളിലെ ശൗചാലയത്തിൽ മരിച്ചനിലയിൽ കണ്ടെത്തി. തമിഴ്നാട്ടിലെ തൂത്തുക്കുടിയിലാണ് സംഭവം. വൈദ്യേശ്വരിയെന്ന് വിദ്യാർത്ഥിയെ മരിച്ച നിലയിൽ കണ്ടെത്തി. വീട്ടിലെ പ്രശ്‌നങ്ങളാണ് പെൺകുട്ടിയുടെ ആത്മഹത്യക്ക് പിന്നിലെന്നാണ് പുറത്ത് വരുന്ന വിവരം. മൃതദേഹം കോവിൽപ്പെട്ടിയിലെ ആശുപത്രിയിലേക്ക് മാറ്റിയതായി പോലീസ് പറഞ്ഞു. അതേസമയം, വിദ്യാർത്ഥിനിയുടെ മരണത്തിൽ ദുരൂഹതയുണ്ടെന്ന് ബന്ധുക്കളും നാട്ടുകാരും ആരോപിച്ചു. മരണത്തിൽ അന്വേഷണം ആവശ്യപ്പെട്ട് ബന്ധുക്കളും നാട്ടുകാരും കോവിൽപ്പെട്ടിയിൽ റോഡ് ഉപരോധിക്കുകയും ചെയ്തു. സംഭവത്തിൽ വിശദമായ അന്വേഷണം നടത്തുമെന്ന് പോലീസ് ഉദ്യോഗസ്ഥർ അറിയിച്ചു.