Month: April 2020

ബെംഗളൂരു: കോവിഡും തുടർന്നുള്ള ലോക്ക് ഡൗണും വന്നതോടെ സംസ്ഥാനത്തെ കർഷകർ പ്രശ്നത്തിലാണ്. കാർഷികോത്‌പന്നങ്ങൾ വിളവെടുത്ത് വിൽപ്പനയ്ക്കെത്തിക്കാൻ കഴിയാത്ത പഴം, പച്ചക്കറി കർഷകരെ സഹായിക്കാൻ പുതിയ പദ്ധതിയുമായി സംസ്ഥാന സർക്കാർ. പാർപ്പിടസമുച്ചയങ്ങളിൽ ഇവ നേരിട്ടെത്തിക്കാനാണ് തീരുമാനം. ബെംഗളൂരു കോർപ്പറേഷന്റെ സഹായത്തോയൊണ് പദ്ധതി നടപ്പാക്കുന്നത്. ഹോപ്കോംസ്, നന്ദിനി ബൂത്തുകൾ എന്നിവയ്ക്കായിരിക്കും ചുമതല.

ബെംഗളൂരു : മദ്യം ലഭിക്കാത്തതിനെത്തുടർന്ന് മദ്യവിൽപ്പനശാല കേന്ദ്രീകരിച്ച് സംസ്ഥാനത്ത് കവർച്ച വ്യാപകമായി. ദക്ഷിണ കന്നഡ ജില്ലയിൽ വൈൻ ഷോപ്പിൻ്റെ ഷട്ടർ തകർത്ത് അകത്തുകയറിയ മോഷ്ടാക്കൾ ഒരു ലക്ഷം രൂപയുടെ മദ്യവുമായാണ് കടന്നുകളഞ്ഞത്. ഹുബ്ബള്ളി – ധാർവാടിൽ രണ്ട് മദ്യവിൽപ്പന ശാലകളിൽ നിന്നായി 1.3 ലക്ഷം രൂപയുടെ മദ്യവും ബെള്ളാരി എക്സൈസ് ഓഫീസിൽ നിന്ന് 35,000 രൂപയുടെ മദ്യവും ആണ് നഷ്ടപ്പെട്ടത്.

ബെംഗളൂരു : കോവിഡ്‌ 19 ലോക്ക് ഡൗണിന്റെ പശ്ചാത്തലത്തിൽ തൊഴിലാളികളെ പിരിച്ചുവിടാനും, ശമ്പളം വെട്ടിക്കുറക്കാനുമുള്ള ഐടി കമ്പനികളുടെ നീക്കത്തിനെതിരെ കർണാടക സ്റ്റേറ്റ് ഐടി/ഐടിഇഎസ് എംപ്ലോയിസ് യൂണിയൻ. ലോക്ക് ഡൗൺ കാലയളവിൽ ശമ്പളം കുറയ്ക്കാനോ, ജീവനക്കാരെ പിരിച്ചുവിടാനോ പാടില്ല എന്ന തൊഴിൽ മന്ത്രാലയത്തിന്റെ  നിർദ്ദേശം (മാർച്ച് 20, 2020 ) ഐടി  കമ്പനികൾ കാറ്റിൽ പറത്തിയിരിക്കുകയാണെന്ന് യൂണിയൻ പത്രക്കുറിപ്പിലൂടെ അറിയിച്ചു. രാജ്യത്തെ എല്ലാ തൊഴിൽ നിയമങ്ങളെയും ഗവൺമെൻ്റ് നിർദ്ദേശങ്ങളെയും വെല്ലുവിളിച്ചു കൊണ്ട് ഐടി കമ്പനികൾ നടത്തുന്ന നീക്കത്തിനെതിരെ തൊഴിൽ വകുപ്പിന്റെ അടിയന്തിര ഇടപെടൽ ഉണ്ടാകണമെന്നും, ശമ്പളം കുറക്കുകയോ,…