Year: 2019

ബെംഗളൂരു: പ്രളയത്തിൽ സംസ്ഥാനത്തൊട്ടാകെ 35,000 കിലോമീറ്റർ റോഡും 2828 പാലങ്ങളും നശിച്ചു. ബെലഗാവി, ധാർവാഡ്, ബാഗൽകോട്ട്, ഗദക്, മടിക്കേരി തുടങ്ങിയ പ്രദേശങ്ങളിലാണ് കൂടുതൽ നാശമുണ്ടായത്. ഈ പ്രദേശങ്ങളിലെ റോഡും പാലങ്ങളുമെല്ലാം പുനർനിർമിക്കേണ്ട സാഹചര്യമാണ്. വടക്കൻ കർണാടകയിലും കുടകിലും പ്രവർത്തിക്കുന്ന ദുരിതാശ്വാസ ക്യാമ്പുകളിൽ ഇപ്പോഴും ഒട്ടേറെപ്പേരാണുള്ളത്. വീടുതകർന്നതും അപകടസാധ്യത നിലനിൽക്കുന്നതുമാണ് ഇവർക്ക് തിരികെപ്പോകാൻ വിഘാതമാകുന്നത്. ഇതുവരെ സംസ്ഥാനസർക്കാർ 309 കോടിരൂപയാണ് ദുരിതാശ്വാസപ്രവർത്തനങ്ങൾക്ക് വിനിയോഗിച്ചത്. നശിച്ച വീടുകളുടെ അറ്റകുറ്റപ്പണിക്കും തുകയനുവദിക്കും. റോഡുകളും പാലങ്ങളും പുനർനിർമിക്കുന്നതിന് കോടിക്കണക്കിനുരൂപ കണ്ടെത്തേണ്ടിവരുമെന്നും അധികൃതർ വ്യക്തമാക്കുന്നു. കനത്തമഴയിൽ സംസ്ഥാനത്ത് 30,000 കോടി രൂപയുടെ…

ബെംഗളൂരു: കുമാരസ്വാമി തന്നെ ശത്രുവിനെ പോലെയാണ് കാണുന്നതെന്നും ഇതും സർക്കാരിൻറെ വീഴ്ചക്ക് കാരണമായി എന്ന വിമർശനവുമായി സിദ്ധരാമയ്യ. ഒന്നാമത്തെ ശത്രുവായി ജെ.ഡി.എസിനെ പരിഗണിച്ചിരുന്നത് എന്ന് കുമാരസ്വാമിയുടെ പരാമർശത്തിന് മറുപടി പറയുകയായിരുന്നു അദ്ദേഹം. എന്നാൽ തൻറെ വാക്കുകളെ തെറ്റായി വ്യാഖ്യാനിച്ചത് ആണെന്ന് അങ്ങനെ ഉദ്ദേശിച്ചിട്ടില്ലെന്നും കുമാരസ്വാമി ട്വീറ്റ് ചെയ്തു. ലോക്സഭ തെരഞ്ഞെടുപ്പ് സമയത്ത് ബിജെപിയെക്കാൾ വെല്ലുവിളി ആയത് സിദ്ധരാമയ്യ ആണെന്ന് മാത്രമാണ് ഒരു മാധ്യമത്തിന് നൽകിയ അഭിമുഖത്തിൽ താൻ പറഞ്ഞതെന്ന് കുമാരസ്വാമി വ്യക്തമാക്കി. കോൺഗ്രസ് നേതാവും സുഹൃത്തുമായി കുമാരസ്വാമി തന്നെ പരിഗണിച്ചിരുന്നെങ്കിലും സർക്കാരിന് ഒന്നും സംഭവിക്കില്ലായിരുന്നു…

ബെംഗളൂരു: കഫേ കോഫി ഡേ സ്ഥാപകനും കോഫി ഡേ എന്റർപ്രൈസസ് എം.ഡി.യുമായിരുന്ന അന്തരിച്ച വി.ജി. സിദ്ധാർഥയുടെ പിതാവ് ഗംഗയ്യ ഹെഗ്‌ഡെ(95) അന്തരിച്ചു. ഈ മാസമാദ്യമാണ് സിദ്ധാർഥയെ മംഗളൂരുവിലെ നേത്രാവതി പുഴയിൽ മരിച്ചനിലയിൽ കണ്ടെത്തിയത്. മൈസൂരുവിലെ സ്വകാര്യ ആശുപത്രിയിൽ ചികിത്സയിലായിരുന്നു ഗംഗയ്യ. സിദ്ധാർഥയുടെ മരണവിവരം അറിയാതെയാണ് ഗംഗയ്യ അന്തരിച്ചത്. ചിക്കമഗളൂരുവിലെ പരമ്പരാഗത കാപ്പിക്കർഷകനായിരുന്ന ഗംഗയ്യയിലൂടെയാണ് സിദ്ധാർഥ കാപ്പിവ്യവസായത്തിലേക്ക്‌ കടന്നത്. കാപ്പിവ്യവസായത്തിൽ 130 വർഷത്തിലധികം പാരമ്പര്യമുള്ള കുടുംബത്തിലെ മുതിർന്ന വ്യക്തിയാണ് ഗംഗയ്യ ഹെഗ്‌ഡെ. ശവസംസ്കാരച്ചടങ്ങുകൾ തിങ്കളാഴ്ച ചിക്കമഗളൂരുവിൽ നടക്കും. വാസന്തി ജി. ഹെഗ്‌ഡെയാണ് ഭാര്യ.