Year: 2019

ബെംഗളൂരു: നഗരത്തിൽ നിന്ന് കോഴിക്കോട്, കണ്ണൂർ ഉൾപ്പെടെയുള്ള മലബാർ മേഖലയിലേക്ക് കൂടുതൽ ബസുകൾ ഓടിച്ച് കേരള ആർ.ടി.സി. തിങ്കളാഴ്ച കോഴിക്കോട്ടേക്ക് എട്ടു ബസുകൾ സർവീസ് നടത്തി. മാനന്തവാടിവഴി പയ്യന്നൂരേക്ക് രണ്ടു ബസുകളും കണ്ണൂരേക്ക് ഒരു ബസും സർവീസ് നടത്തി. http://bangalorevartha.in/kkflood കുറ്റ്യാടിച്ചുരംവഴിയുള്ള തൊട്ടിൽപ്പാലം ബസും ഓടി. തെക്കൻ ജില്ലകളിലേക്കുള്ള ബസുകൾക്ക് തടസ്സമുണ്ടായില്ല. ഇവ സാധാരണപോലെ സർവീസ് നടത്തി. നിലവിൽ കേരളത്തിലെ വിവിധ ജില്ലകളിൽ കുടുങ്ങിയ ബസുകൾ തിരിച്ച് ബെംഗളൂരുവിലെത്തിയാൽ സർവീസ് പൂർണമായി പുനരാരംഭിക്കാൻ കഴിയും. ചൊവ്വാഴ്ചയോടെ ഈ ബസുകൾ ബെംഗളൂരുവിലെത്തുമെന്നാണ് പ്രതീക്ഷിക്കുന്നത്. മാക്കൂട്ടം ചുരത്തിലൂടെ…

ബെംഗളൂരു : പ്രളയക്കെടുതിയിൽപ്പെട്ടുഴറുന്ന കർണാടകയിൽ ഇതുവരെ മരണം 42 ആയി 12 പേരെ കാണാനില്ല. 17 ജില്ലകളിലെ 2694 ഗ്രാമങ്ങളിൽ നിന്ന് 581897 ആളുകളെയാണ്  സുരക്ഷിത സ്ഥാനങ്ങളിൽ എത്തിച്ചത്. 40000-50000 കോടി രൂപയുടെ നഷ്ടമാണ് കണക്കാക്കുന്നതെന്ന് മുഖ്യമന്ത്രി യെദിയൂരപ്പ അറിയിച്ചു. http://bangalorevartha.in/kkflood ദക്ഷിണ കന്നഡ ജില്ലയിലെ ബെൽത്തങ്ങാടിയിലും മംഗളൂരുവിലും സന്ദർശനം നടത്തി മുഖ്യമന്ത്രി യെദിയൂരപ്പ സാഹചര്യങ്ങൾ വിലയിരുത്തി. ഇന്ന് ശിവമൊഗ്ഗ സന്ദർശിക്കും. കപില നദികർ കര കവിഞ്ഞതോടെ മൈസൂരു – നഞ്ചൻഗുഡ് പാത അടഞ്ഞു തന്നെ കിടക്കുന്നു. വ്യാപകമായ മണ്ണിടിച്ചിൽ ഉണ്ടായതിനാൽ ഹാസനേയും മംഗളൂരുവിനെയും…

ബെംഗളൂരു: നഗരം ഉൾപ്പെടെ മധ്യ, തീരദേശ, മലനാട് കർണാടകയിൽ നാലഞ്ച് ദിവസത്തേക്ക് കൂടി കനത്ത മഴ പെയ്യുമെന്ന് കാലാവസ്ഥാ പ്രവചനം. ഇതോടെ ഈ മേഖലയിൽ കനത്ത ജാഗ്രത തുടരുകയാണ്. തെക്കുപടിഞ്ഞാറൻ കാലവർഷവും കനത്ത മഴ മേഘ രൂപീകരണവും ശക്തമായ കാറ്റും കൂടുതൽ മഴയ്ക്ക് വഴിവെക്കുമെന്നാണ് പ്രവചനം. http://bangalorevartha.in/kkflood മലനാടിൽ ചിക്ക്മഗളൂരു,ഹാസൻ ശിവ മൊഗ, കുടക്  ജില്ലകളിലും തീരദേശ ജില്ലകളിൽ ദക്ഷിണ കന്നഡ, ഉഡുപ്പി എന്നിവിടങ്ങളിലും കനത്ത മഴക്ക് സാദ്ധ്യത ഉണ്ട്. 1168 ദുരിതാശ്വാസ ക്യാമ്പുകളിലായി 327354 പേരാണ് അഭയം തേടിയിരിക്കുന്നത്.

ബെംഗളൂരു: ഗോക്കകിൽ വിദേശികൾ ഉൾപ്പെടെയുള്ള വിനോദസഞ്ചാരികൾ പ്രളയത്തിൽ കുടുങ്ങിയതായി സൂചന. ജില്ലയിലെ വിവിധ പ്രദേശങ്ങളിലേക്കെത്തിയ 200-ഓളം വിനോദസഞ്ചാരികളെക്കുറിച്ച് വിവരങ്ങളില്ല. ഇവർക്കുവേണ്ടിയുള്ള തിരച്ചിൽ തുടരുകയാണ്. അതേസമയം അധികൃതരുടെ വിലക്ക് മറികടന്ന് വെള്ളച്ചാട്ടങ്ങൾ കാണാൻ എത്തുന്നവരുടെ എണ്ണവും വർധിക്കുന്നുണ്ട്. മൈസൂരു, മാണ്ഡ്യ തുടങ്ങിയ പ്രദേശങ്ങളിലാണ് ഇവരിൽ ഏറെയുമെത്തുന്നത്. അവധിദിവസമായ ശനിയാഴ്ച ഗംഗനച്ചുക്കി, ബാരച്ചുക്കി തുടങ്ങിയ വെള്ളച്ചാട്ടങ്ങളിൽ വലിയ തിരക്ക് അനുഭവപ്പെട്ടു. ഇവരിൽ ഏറെയും ബെംഗളൂരുവിൽ നിന്നുള്ളവരാണ്.

ബെംഗളൂരു: നഗരത്തിലെ വിവിധ സന്നദ്ധ സംഘടനകളുടെ നേതൃത്വത്തിൽ അവശ്യസാധനങ്ങൾ സംഭരിക്കാനുള്ള പ്രവർത്തനങ്ങൾ നടക്കുന്നുണ്ട്. എന്നാൽ വടക്കൻ കർണാടകയിലേക്കും തീരദേശ- മലനാട് ജില്ലകളിലേക്കും എത്തിക്കുന്നതിനുള്ള അവശ്യസാധനങ്ങളുടെ സംഭരണം പ്രതീക്ഷിച്ചരീതിയിൽ പൂർത്തിയാക്കാൻ കഴിയാത്തതും ആശങ്കയ്ക്ക് ഇടയാക്കുകയാണ്. പ്രളയബാധിത പ്രദേശങ്ങളിൽ ഇവ എത്തിക്കുന്നത് സംബന്ധിച്ച ആശയക്കുഴപ്പം നിലനിൽക്കുകയാണ്. പലയിടങ്ങളിലേക്കും വാഹനസൗകര്യം ഇല്ലാത്തതാണ് പ്രതിസന്ധിയുണ്ടാക്കുന്നത്.

ബെംഗളൂരു : എട്ടു ദിവസത്തെ മഴയുടെ സംഹാര താണ്ഡവത്തിൽ പൊലിഞ്ഞത് നാൽപതിലധികം ജീവൻ; 31 പേർ ആണ് മരിച്ചത് എന്നാണ് ഔദ്യോഗിക സ്ഥിരീകരണം. കുടക്, മണ്ഡ്യ, മൈസൂരു മേഖലകളിലെ മിക്ക സ്ഥലങ്ങളും വെള്ളത്തിനടിയിലാണ്. വടക്കൻ കർണാടകയിൽ മഴക്ക് ചെറിയ ശമനമുണ്ടെങ്കിലും മലനാട് മേഖലയിൽ മഴ തുടരുകയാണ്. മണ്ണിടിച്ചിൽ മൂലം 8 പേരെ കാണാതായ തോറയിലേക്ക് ഇതുവരെ സുരക്ഷാ സേനക്ക് എത്തിപ്പെടാൻ കഴിഞ്ഞിട്ടില്ല. മണ്ണിടിച്ചിൽ മൂലം അടച്ചിട്ട ബെംഗളൂരു- മംഗളൂരു പാതയിലെ ഷിറാഡി ചുരം ഇന്ന് ഗതാഗതയോഗ്യമാക്കാൻ കഴിയുമെന്ന് പ്രതീക്ഷിക്കുന്നു. തുംഗഭദ്ര നദി കരകവിഞ്ഞൊഴുകിയതോടെ പൈതൃക…