Month: October 2017

ബെംഗളൂരു ∙ നഗരത്തിൽ 2750 സിസിടിവി ക്യാമറകൾ കൂടി ഡിസംബറിനുള്ളിൽ സ്ഥാപിക്കുമെന്ന് ആഭ്യന്തര മന്ത്രി രാമലിംഗ റെഡ്ഡി. ഇതിനായി ഓരോ ബിബിഎംപി വാർഡിനും 10 ലക്ഷം രൂപ വീതം അനുവദിക്കും. സുരക്ഷ ശക്തമാക്കുന്നതിനും കേസന്വേഷണങ്ങൾക്കു സഹായകരമാകുന്നതിനും വേണ്ടിയാണു കൂടുതൽ ക്യാമറകൾ സ്ഥാപിക്കുന്നത്. നിലവിൽ ട്രാഫിക് സിഗ്‌നലുകളിൽ 675 ക്യാമറകളും പ്രധാന ജംക്‌ഷനുകളിൽ 650 ക്യാമറകളുമാണ് സ്ഥാപിച്ചിരിക്കുന്നത്. ക്യാമറകൾ പ്രദേശത്തെ പൊലീസ് സ്റ്റേഷനുകളുമായും കമ്മിഷണർ ഓഫിസിലെ കൺട്രോൾ റൂമുമായും ബന്ധിപ്പിച്ചിട്ടുണ്ട്

ബെംഗളൂരു : മലയാളി നടി റേബ മോണിക്ക ജോണിനെ തുടർച്ചയായി ശല്യം ചെയ്യുന്നുവെന്ന പരാതിയിൽ യുവാവ് അറസ്റ്റിൽ. ബസവനഗുഡിയിൽ സ്വകാര്യ കമ്പനി ജീവനക്കാരനും ഇലക്ട്രോണിക് സിറ്റി നിവാസിയുമായ ഫ്രാങ്ക്‌ലിൻ വിസിലി(28)നെയാണ് മഡിവാള പൊലീസ് അറസ്റ്റ് ചെയ്തത്. ഇയാളെ പിന്നീട് ജാമ്യത്തിൽ വിട്ടു. ഒരു വർഷത്തിലേറെയായി പിന്തുടരുകയും വിവാഹാഭ്യർഥന നടത്തുകയും ചെയ്ത ഇയാൾ പിന്നീട് മൊബൈൽ ഫോണിലൂടെയും ശല്യം തുടർന്നതായി കോറമംഗലയിൽ താമസിക്കുന്ന റേബയുടെ പരാതിയിൽ പറയുന്നു. കഴിഞ്ഞ വർഷം ഒക്ടോബറിലാണ് ഇയാൾ പിന്തുടരുന്നതു ശ്രദ്ധയിൽപ്പെട്ടത്. ഞായറാഴ്ച മഡിവാളയിലെ പള്ളിയിൽ പോകുമ്പോഴായിരുന്നു ആദ്യം ശല്യം. അവഗണിച്ചെങ്കിലും…

ബെംഗളൂരു ∙ വെബ്ടാക്സി സർവീസായ ഓല ഓട്ടോറിക്ഷകളിലും സൗജന്യ വൈഫൈ സൗകര്യം ആരംഭിക്കുന്നു. ബെംഗളൂരു അടക്കം രാജ്യത്തെ 73 നഗരങ്ങളിലാണ് ആദ്യഘട്ടത്തിൽ ഓട്ടോ കണക്ട് വൈഫൈ ഇന്റർനെറ്റ് സൗകര്യം ഓട്ടോറിക്ഷകളിൽ ആരംഭിക്കുന്നതെന്ന് ഓല ഓട്ടോ സീനിയർ ഡയറക്ടർ സിദ്ധാർഥ് അഗർവാൾ പറഞ്ഞു. 2014ൽ സർവീസ് ആരംഭിച്ച ഓല ഓട്ടോറിക്ഷ സർവീസിൽ 1,20000 ഓട്ടോറിക്ഷകളാണ് റജിസ്റ്റർ ചെയ്തിരിക്കുന്നത്. എട്ട് പ്രാദേശിക ഭാഷകളിലും ഓല ബുക്കിങ് ആപ്പ് സൗകര്യം ലഭ്യമാണ്. ജിപിഎസ് സംവിധാനമുള്ള ഓട്ടോറിക്ഷകളിൽ ആദ്യത്തെ നാല് കിലോമീറ്ററിന് 29 രൂപ മുതലാണ് നിരക്ക് ആരംഭിക്കുന്നത്. ഓലയുടെ…