Tag: accident

ബെംഗളൂരു: അത്തിബെല്ലി ഇലക്ട്രോണിക് സിറ്റി റൂട്ടിൽ അപകടം പതിവാകുന്നു. അമിതവേഗതയും മത്സരയോട്ടവും അശ്രദ്ധയും അപകങ്ങൾക്ക് കരണമാകുമ്പോൾ, ഇത് കൂടാതെ ശരിയായ അറിയിപ്പുകൾ ഒന്നും ഇല്ലാതെ നടക്കുന്ന നിർമാണങ്ങളും ഈ റൂട്ടിൽ അപകടങ്ങൾക്ക് കാരണമാകുന്നു. റോഡിന്റെ നടുവിൽ സ്ഥാപിക്കുന്ന കോൺക്രീറ്റ് ബാരിക്കേട് നിർമാണം കുറച്ച് മാസങ്ങളായി നടക്കുന്നു, ശരിയായ അറിയിപ്പുകൾ ഇല്ലാതെ നടക്കുന്ന നിർമാണം പലയിടത്തും കൂടുതൽ അപകടങ്ങൾ ഉണ്ടാകുന്നതായി യാത്രക്കാർക്കിടയിൽ പരാതി ഉയർന്നിട്ടുണ്ട്. കഴിഞ്ഞ ആഴ്ചയിൽ ഒരു ബസ് മറിഞ്ഞിരുന്നു. ഇന്നും സമാനമായ അപകടം ഈ റൂട്ടിൽ നടന്നു.    

ബെംഗളൂരു : മൈസൂരു ജില്ലയിലെ ഹുൻസൂരിൽ കല്ലഹള്ളിക്ക് സമീപം ജീപ്പ്  മരത്തിലിടിച്ച് കുടക് സ്വദേശികളായ ആറ് പേർ മരിച്ചു. ജീപ്പിലുണ്ടായിരുന്ന അനിൽ, സന്തോഷ്, രാജേഷ്, വിനുത്ത്, ബാബു, ദയാനന്ദ് എന്നിവർ സംഭവസ്ഥലത്തുതന്നെ മരിച്ചതായി പോലീസ് വൃത്തങ്ങൾ അറിയിച്ചു. വിവാഹച്ചടങ്ങിൽ പങ്കെടുത്ത് ജന്മനാടായ കുടകിലെ പോളിബെട്ടയിലേക്ക് മടങ്ങുന്നതിനിടെ വൈകീട്ട് അഞ്ച് മണിയോടെയായിരുന്നു അപകടം. ഡ്രൈവറും സംഭവസ്ഥലത്ത് തന്നെ മരിച്ചു. മറ്റൊരു ജീപ്പിലുണ്ടായിരുന്ന യാത്രക്കാർ ഉടൻ സ്ഥലത്തെത്തിയെങ്കിലും അപ്പോഴേക്കും ആറുപേരും മരിച്ചിരുന്നു. മറ്റ് രണ്ട് യാത്രക്കാർക്ക് പരിക്കേറ്റതായി റിപ്പോർട്ടുണ്ട്. ഇവരെ ആശുപത്രിയിലേക്ക് മാറ്റിയിരിക്കുകയാണ്.