Category: KERALA

കേരളത്തിലേക്കുള്ള 2 ട്രെയിനുകൾക്ക് താൽക്കാലിക സ്റ്റോപ്പ്‌ അനുവദിച്ചതായി ദക്ഷിണ പശ്ചിമ റെയിൽവേ അറിയിച്ചു. യശ്വന്തപുര – കണ്ണൂർ എക്സ്പ്രസിന് (16527-16528) പരപ്പനങ്ങാടിയിലും യശ്വന്തപുര – കൊച്ചുവേളി എക്സ്പ്രസ് (22677/22678) തിരുവല്ലയുമാണ് സ്റ്റോപ്പ്‌ ഉണ്ടാകുക.      

ബെംഗളൂരു : മലയാളിയാത്രക്കാർ ഏറെയുള്ള വടക്കൻ കേരളത്തിലേക്ക് പാലക്കാട് വഴി ഒരു തീവണ്ടികൂടി അനുവദിക്കണമെന്ന ആവശ്യം ശക്തമാകുന്നു. നിലവിൽ കണ്ണൂരിലേക്ക് പാലക്കാട് വഴി ഒരു വണ്ടി (16527) മാത്രമാണുള്ളത്. ദിവസേന നൂറുകണക്കിന് മലയാളികളാണ് ബെംഗളൂരു-കണ്ണൂർ റൂട്ടിൽ യാത്ര ചെയ്യുന്നത്. ഒരു വണ്ടികൂടി അനുവദിച്ചാൽ പാലക്കാട്, കുറ്റിപ്പുറം, തിരൂർ, പരപ്പനങ്ങാടി, കോഴിക്കോട്, കൊയിലാണ്ടി, വടകര, തലശ്ശേരി എന്നിവിടങ്ങളിലും സമീപപ്രദേശങ്ങളിലുമുള്ളവർക്കും പ്രയോജനം ലഭിക്കും. വയനാടിന്റെ ചില ഭാഗങ്ങളിലുള്ളവർക്കും ഉപകാരപ്പെടും. കൂടാതെ തെക്കൻകേരളത്തിലേക്ക് പോകുന്നവർക്ക് ഷൊർണൂർ ജങ്ഷനിലെത്തി വേറെ വണ്ടിയിൽ കയറിപ്പോകാനും സാധിക്കും. ബെംഗളൂരുവിൽനിന്ന് മംഗളൂരു വഴി കണ്ണൂരിലേക്ക്…

ബെംഗളൂരു : നഗരസഭയുടെ ലോറി ബൈക്കിലിടിച്ച് പാലക്കാട് സ്വദേശി ബെംഗളൂരുവിൽ മരിച്ചു. വിവേക്‌നഗർ വണ്ണാർപേട്ട് നഞ്ചപ്പഗാർഡിലെ പാലക്കാട് അതിരമ്പുഴ വീട്ടിൽ എ.പി. ജോർജ് (63) ആണ് മരിച്ചത്. ശനിയാഴ്ച രാവിലെ 11.30-ഓടെയാണ് സംഭവം. വണ്ണാർപേട്ടിൽനിന്ന് രായസാന്ദ്രയിലേക്ക് ബൈക്കിൽ പോകുന്നതിനിടെ എച്ച്.എസ്.ആർ. ലേഔട്ടിലായിരുന്നു അപകടം. മറ്റൊരു വാഹനത്തിന് സൈഡുനൽകുന്നതിനിടെ എതിരേ വന്ന ലോറിയിടിച്ച് ബൈക്കിൽനിന്ന് ജോർജ് റോഡിലേക്ക് വീഴുകയായിരുന്നു. ലോറിയുടെ പിൻചക്രം ശരീരത്തിലൂടെ കയറിയിറങ്ങി സംഭവസ്ഥലത്തുതന്നെ മരിച്ചു. ഭാര്യ: ലിസി. മക്കൾ: ജെസ്‌ലി, ടിന്റോ , ജിൻസി.

ബെംഗളൂരു∙ ബെംഗളൂരുവിലേക്കുള്ള കേരള ആർടിസി ബസ് സർവീസുകൾ കാര്യക്ഷമമാക്കാൻ നടപടി സ്വീകരിക്കുമെന്നു ഗതാഗത മന്ത്രി കെ.ബി.ഗണേഷ് കുമാർ. ബെംഗളൂരു, മൈസൂരു ഓപ്പറേറ്റിങ് സെന്ററുകളിൽ സ്പെയർ ബസുകൾ ഉറപ്പുവരുത്തും. കർണാടക കേരള ട്രാവലേഴ്സ് ഫോറം (കെകെടിഎഫ്) ഭാരവാഹികളുമായി തിരുവനന്തപുരത്തു നടത്തിയ ചർച്ചയിലായിരുന്നു മന്ത്രിയുടെ ഉറപ്പ്. സംസ്ഥാനാന്തര സർവീസുകൾക്ക് ഉപയോഗിക്കുന്ന പഴക്കമേറിയ ബസുകൾ തുടർച്ചയായി തകരാറിലാകുന്നതു യാത്രക്കാരെ വലയ്ക്കുന്നുണ്ട്. ബസുകളുടെ അറ്റകുറ്റപ്പണികൾ കാര്യക്ഷമാക്കുന്നതിനും പഴയ ബസുകൾ പിൻവലിക്കുന്നതിനും നടപടി സ്വീകരിക്കും. ബെംഗളൂരു, മൈസൂരു, ഹുബ്ബള്ളി, മംഗളൂരു എന്നിവിടങ്ങളിൽ നിന്ന് പുതുതായി ആരംഭിക്കേണ്ട 13 ബസ് സർവീസുകളുടെ റൂട്ട്…