Category: CRIME

ബെംഗളൂരു : കന്നഡ നടൻ ചേതൻ ചന്ദ്രയ്ക്കുനേരേ ഒരു സംഘമാളുകളുടെ ആക്രമണം. ഞായറാഴ്ച വൈകീട്ടാണ് കഗ്ഗാളിപുരയിൽവെച്ച് കാറിൽ സഞ്ചരിക്കുകയായിരുന്ന ചേതനെ 20-ഓളം പേർ ആക്രമിച്ചത്. ഈ സമയം ചേതന്റെ അമ്മയും കാറിലുണ്ടായിരുന്നു. സാമൂഹികമാധ്യമങ്ങളിലൂടെ പുറത്തുവിട്ട വീഡിയോയിലാണ് തനിക്കുനേരേ ആക്രമണമുണ്ടായതായി ചേതൻ അറിയിച്ചത്. ചേതന്റെ മൂക്കിനും കഴുത്തിനും പരിക്കുണ്ട്. കഗ്ഗാളിപുര പോലീസ് അന്വേഷണം തുടങ്ങി. സ്കൂട്ടർ യാത്രക്കാരനുമായുണ്ടായ തർക്കമാണ് ആക്രമണത്തിൽ കലാശിച്ചതെന്നാണ് പ്രാഥമിക വിവരം. അമ്മയുമായി ക്ഷേത്രത്തിൽ പോയശേഷം മടങ്ങുന്നതിനിടെയാണ് ആക്രമണമുണ്ടായതെന്ന് ചേതൻ പുറത്തുവിട്ട വീഡിയോയിൽ പറഞ്ഞു. ആദ്യഘട്ടത്തിൽ ഒരു സ്കൂട്ടർ യാത്രക്കാരൻ തന്റെ കാറിനെ…

ബെംഗളൂരു : നടുറോഡിൽ ബൈക്കിൽ അഭ്യാസ പ്രകടനങ്ങൾ (ബൈക്ക് വീലി) നടത്തുന്നതും അപകടങ്ങളുണ്ടാകുന്നതും പതിവായതോടെ സാമൂഹിക മാധ്യമങ്ങളിലൂടെ ബോധവത്കരണം സംഘടിപ്പിക്കാൻ ട്രാഫിക് പോലീസ്. ഇത്തരം അഭ്യാസപ്രകടനങ്ങൾ മറ്റുള്ളവർക്കുണ്ടാക്കുന്ന ബുദ്ധിമുട്ടുകളും വർധിച്ചുവരുന്ന അപകടങ്ങളുമുൾപ്പെടെ ഉയർത്തിക്കാട്ടിയാകും ബോധവത്കരണം സംഘടിപ്പിക്കുക. സാമൂഹിക മാധ്യമങ്ങളിലൂടെയുള്ള ബോധവത്കരണം ഏകോപിപ്പിക്കാൻ പ്രത്യേക സംഘത്തേയും നിയോഗിച്ചിട്ടുണ്ട്. ട്രാഫിക് പോലീസിന്റെ കണക്കനുസരിച്ച് ബൈക്ക് അഭ്യാസം നടത്തിയ 191 പേർക്കെതിരേയാണ് ഈ വർഷം കേസ് രജിസ്റ്റർ ചെയ്തത്. ഇതിൽ 17 കേസുകളിൽ ഉൾപ്പെട്ടവർ പ്രായപൂർത്തിയാകാത്തവരാണ്. നൈസ് റോഡ്, ഔട്ടർ റിങ് റോഡ് എന്നിവിടങ്ങളിലാണ് അഭ്യാസപ്രകടനങ്ങളിൽ ഭൂരിഭാഗവും നടക്കുന്നത്.…

ബെംഗളൂരു : പ്രജ്ജ്വൽ രേവണ്ണ എം.പി. സ്ത്രീകളെ ലൈംഗികമായി പീഡിപ്പിച്ചെന്ന് കഴിഞ്ഞവർഷം ബി.ജെ.പി. നേതൃത്വത്തിന് കത്തെഴുതിയ ഹാസനിലെ ബി.ജെ.പി. നേതാവ് ജി. ദേവരാജെ ഗൗഡയുടെ പേരിൽ പോലീസ് ലൈംഗിക ഉപദ്രവത്തിന് കേസെടുത്തു. ഹാസനിലെ 36-കാരി നൽകിയ പരാതിയിലാണ് കേസ്. വസ്തു വിൽക്കാൻ സഹായിക്കാമെന്ന് വാഗ്ദാനം ചെയ്ത് ലൈംഗികമായി ഉപദ്രവിച്ചെന്നാണ് പരാതി. പ്രജ്ജ്വലിന്റെ ലൈംഗിക പീഡനങ്ങളെക്കുറിച്ച് കഴിഞ്ഞവർഷംതന്നെ ദേവരാജെഗൗഡ നേതൃത്വത്തെ അറിയിക്കുകയും ലോക്‌സഭാ തിരഞ്ഞെടുപ്പിൽ സീറ്റ് കൊടുക്കരുതെന്ന് ആവശ്യപ്പെടുകയും ചെയ്തിരുന്നു. 2023-ലെ നിയമസഭാ തിരഞ്ഞെടുപ്പിൽ എച്ച്.ഡി. രേവണ്ണയ്ക്കെതിരേ ഹൊളെനരസിപുരയിൽ ബി.ജെ.പി. സ്ഥാനാർഥിയായിരുന്നു ദേവരാജെഗൗഡ.

ബെംഗളൂരു : അശ്ലീല വീഡിയോ പ്രചരിച്ചതിനെത്തുടർന്ന് ലൈംഗിക പീഡനാരോപണത്തിൽ കുടുങ്ങിയ ഹാസനിലെ ജെ.ഡി.എസ്. എം.പി. പ്രജ്ജ്വൽ രേവണ്ണയുടെ പേരിൽ ഒരു ബലാത്സംഗക്കേസുകൂടി രജിസ്റ്റർ ചെയ്തു. മേയ് എട്ടിന് ബെംഗളൂരുവിലാണ് കേസെടുത്തത്. ഇതോടെ പ്രജ്ജ്വലിന്റെപേരിൽ രജിസ്റ്റർചെയ്ത ലൈംഗിക പീഡനക്കേസുകൾ മൂന്നായി. പരാതിക്കാരിയെക്കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ല. ആവർത്തിച്ചുള്ള ബലാത്സംഗം, പീഡനരംഗം ചിത്രീകരിക്കൽ, ഭീഷണിപ്പെടുത്തൽ, കാര്യം സാധിക്കുന്നതിനായി ലൈംഗികബന്ധത്തിന് ആവശ്യപ്പെടുക തുടങ്ങിയ കുറ്റങ്ങൾക്കാണ് കേസെടുത്തത്. എച്ച്.ഡി. രേവണ്ണയുടെ വീട്ടിലെ മുൻജോലിക്കാരി നൽകിയ പരാതിയിലാണ് പ്രജ്ജ്വലിനെതിരേ ആദ്യം കേസെടുത്തത്. പിന്നീട് ഹാസനിലെ തദ്ദേശസ്ഥാപനത്തിലെ മുൻ വനിതാ ജനപ്രതിനിധി നൽകിയ…

ബെംഗളൂരു : ഹാസൻ എം.പി. പ്രജ്ജ്വൽ രേവണ്ണയ്ക്കെതിരേ പരാതിനൽകാൻ അതിജീവിതകളാരും മുന്നോട്ടുവന്നിട്ടില്ലെന്നും ജെ.ഡി.എസ്. നേതാവിനെതിരേ വ്യാജപരാതി നൽകാൻ നിർബന്ധിക്കപ്പെട്ടതാണെന്നാണ് പരാതിനൽകാനെത്തിയ ഒരു സ്ത്രീ പറഞ്ഞതെന്നും ദേശീയ വനിതാ കമ്മിഷൻ വ്യക്തമാക്കി. ബന്ധപ്പെട്ട അധികാരികൾ സമർപ്പിച്ച ആക്‌ഷൻ ടേക്കൺ റിപ്പോർട്ടിൽ ഒട്ടേറെ സുപ്രധാന കണ്ടെത്തലുകളുള്ളതായും കമ്മിഷൻ പറഞ്ഞു. കർണാടക പോലീസിൽനിന്നാണെന്ന് പരിചയപ്പെടുത്തിയെത്തിയ സ്ത്രീയാണ് വ്യാജപരാതി നൽകാൻ നിർബന്ധിക്കപ്പെട്ടെന്ന് പറഞ്ഞത്. പരിചയമില്ലാത്ത നമ്പറുകളിൽനിന്ന് വിളിച്ച് പരാതിനൽകണമെന്ന് ഭീഷണിപ്പെടുത്തിയെന്നും സ്ത്രീ പറഞ്ഞു.

ബെംഗളൂരു : അമ്മയെ കൊലപ്പെടുത്തിയ കേസിൽ വിചാരണക്കോടതി വെറുതേവിട്ട മകന് ഹൈക്കോടതി ശിക്ഷവിധിച്ചു. കുടക് സമ്പാജെ സ്വദേശി അനിലിനെയാണ് ഹൈക്കോടതി ഡിവിഷൻ ബെഞ്ച് രണ്ടുമാസം തടവും 10,000 രൂപ പിഴയും വിധിച്ചത്. വിചാരണക്കാലയളവിൽ അനുഭവിച്ച രണ്ടുവർഷത്തെ തടവ് ശിക്ഷയുടെ ഭാഗമായി കണക്കാക്കി. നവീകരണ നടപടികളുടെ ഭാഗമായി അനിൽ, സമ്പാജെയിലെ സർക്കാർ പ്രൈമറി സ്‌കൂളിൽ ഹൗസ്‌കീപ്പിങ്, ഗാർഡനിങ് പോലുള്ള ജോലികൾ ചെയ്യണമെന്നും ജസ്റ്റിസ് കെ.എസ്. മുദഗൽ, ടി.ജി. ശിവശങ്കര ഗൗഡ എന്നിവരടങ്ങിയ ഡിവിഷൻ ബെഞ്ച് ഉത്തരവിട്ടു. ജില്ലാ ലീഗൽ സർവീസസ് അതോറിറ്റിയും പൊതുവിദ്യഭ്യാസ വകുപ്പും ഇതിനാവശ്യമായ…